إعـــــــلان

**سعد بن معيض القرني** · Jan-27-2016, 02:27 PM

أضحك وفلّ حجاجك اشفيك محزون

دنياك ما تسوى وخذها نصيحة

مادام مالك ميت ولا انت مديون

ارم الهموم وخل نفسك مريحة

لو كانوا اصحابك يضاهون مليون

نق الكفو منهم وخل السطيحة

انفض هموم القلب وابليس ملعون

وان ضاق صدرك ارض ربي فسيحة

**مفارق..** · Jan-27-2016, 10:49 PM

علَى ضفّة النّسيـان تزهـر ورود الشـوق
شذاهـا من الذكرَى خذاآ عطره الساحر

وتاه المفـارِق بين ليل السفَـر وشـْروق
صباح الفراق ، وغابت الشمس ماسافر

مفارق

**سعد بن معيض القرني** · Jan-28-2016, 10:37 AM

للغيث فرحه في قلوب البشر غير

رحمه من الرحمن يسقي عباده

منظر بديعٍ فاق كل التعابير

يضفي على النفس العليله سعاده

رحله سعيده .. وانتبه للمحاذير

ياللي نوى الطَّلعه وجهَّز عتاده

لا يفتنك زاهي الزهور النواوير

ولا يسحرك جوِّ الربيع وبراده

**مذهله..!** · Jan-29-2016, 07:05 AM

أشتاق للصبح، يجمعنا بلا موعد
والحب تصحى بقلبي عصافيره

طفلٍ وطفله، بياض أرواحهم يصعد
حد السما، لين ما تمطر من الغيره

**سعد بن معيض القرني** · Jan-29-2016, 11:52 AM

شايب يسولف مع بناته والاولاد

مشهد زمانٍ فات من حول عقدين

جالس ينكت مجلسٍ فيه الاحفاد

ما فيه أجمل من كلام المسنين

جلسه جميله دون جوال وإيباد

ايضا ولا بالواتس يبحث عناوين

واليوم لو انه على وجبة الزاد

سماعة الجوال تشبك فالاذنين

**مفارق..** · Jan-30-2016, 01:08 AM

هبّـت الريـح وانـسـام الغـوالـي تفـوح
مثل نفح الخزامـى عقـب رشّ المطـر

صال في ناظري ضحك الهنا والمزوح
وحنّ قلبي على مجلاس عقب العصر

مفارق

**سعد بن معيض القرني** · Jan-30-2016, 03:22 PM

للي خذاه الموت تبكي وتنساه

الموت من تبكي فراقه وهو حي..

**شــجــن قــرنــيــهـ** · Jan-31-2016, 12:21 AM

‏
‏تعلمت من سودالليالي حـكم ودروس
‏ولازلت أردد بيت شعرٍ عـلى لساني
‏
‏صديق المصالح لو شرى خوتك بفلوس
‏طبيعي يبيعك لا قسى الوقت مجاني

**سعد بن معيض القرني** · Jan-31-2016, 12:41 PM

الضيقة اللي دايمٍ تالي عصير ..
.. وش حيلتي وأردها لا تجيني

لا طال ظل العود حزة عشى الطير ..
.. كنها على سجن الحديد تحديني

يضيق صدري كل ما جات وأسير ..
.. ولايخفف سوج رجلي حنيني

لا حولنا مشراف ولا اقدر اطير ..

.. يالله قمسة خير لا تبتليني

ــــــــــــــــــــــــــــ
محمد فطيس

**سعد بن معيض القرني** · Jan-31-2016, 01:02 PM

ليس البليّة ُ في أيامنا عجباً

بل السلامة فيها أعجب العجب

لَيْسَ الجَمَال بأَثْوابٍ تُزَيِّنُنَا

إن الجمال جمال العلم والأدب

ليس اليتيم الذي قد مات والده

إِنَّ اليَتيمَ يَتيمُ العِلْمِ والأَدَب

**بروق الماس** · Jan-31-2016, 04:46 PM

يحيا العزيز بعزته شامخ الراس
والا الذليل يموت في عز ذلة
.
راع الوفا ممشاه مع خيرة الناس
وراع الردى راع الردى صاحب له

**بروق الماس** · Jan-31-2016, 04:47 PM

يازين ذكر الله في كل الاوقات
وٱستغفـر ٱلله تمسـح ٱلذنب كله
.
على ٱلنبي صليت بعد التحيات
وذكـرت ربٍ ..كلـنـٱ تحــــت..ظله

**الشرقاوي** · Jan-31-2016, 10:47 PM

يـانــور عـيـنـي لـــو تــطــول الـخـلافــات........غـــلاك عـــن كـــل المخـالـيـق مـحــروسلــك فــي ربـيـع الـقـلـب مـنــزل ورايـــات........مــا يـدخـلـه حـاســد وعـاذل وجـاسـوسكـتـبـت فـيــك أبـيــات وأبــيــات وأبــيــات........ يلـيـن صــرت بعـالـم (الشـعـر) نـامـوس

**مذهله..!** · Feb-01-2016, 02:33 AM

لا خسرتك وش بقالي من غرام
...........ولا نسيتك منهو اللي باذكره
مات صمتي وابتدى وقت الكلام
.............لا متى والحب عنك بستره

**مذهله..!** · Feb-01-2016, 02:41 AM

كم واحدِ يمشي على غير ممشاه
.............ما جاته الدنيا على ما : تمنــا
يطرّد ورى ( حظه ) وحظه تعـداه
..........وغيره يجي حظه وهو ما تعنــا

إعـــــــلان

# ســجـــل حــضــورك بـأبيات من الشـــعـــر #

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق