إعـــــــلان

**غيآهيب** · Oct-03-2010, 06:36 PM

[ وجودي والعـدم واحد ] . . صحيـح . . وأدري ..!!

وأدري بعـد . . غيابي ما يفـرق أبـد . .

حتى انا تـرى . . ما يهمني أمـري

دنيـاي صـارت كلهـا . . ( حـزن ونكـد ) ..

بـس || يكفينـي || . . اني لا نويـت أسـري

" مرتاح " . . دام بعـادي ما يجرح أحـد ..

**يرين عيسى,** · Oct-03-2010, 06:55 PM

يامعدى المرقاب خله لمشتاق**وخر وخل معذب القلب يرقا
ياليت ربى ماخلق حب وفراق**والا خلق حبن على غير فرقا

**بروق الماس** · Oct-03-2010, 07:15 PM

البارحه بين السهر والليل والصوت الجريح
وأنا مسامر حبي الأول وغاية منتهاه

بيني وبينه بالمحبه جسر لا يمكن يطيح
مادام هو أغلى بشر وأنا بهالدنيا مناه

**غيآهيب** · Oct-03-2010, 07:15 PM

وش جاك يازين تتغلى وتحرمنا سواليفك
الصدر ترى ضايق بالهـــون على حالـي
ألطف على شخص (ن) مافارقه طـيفك
أحرمتني نومـي وش جـاك يـا غالــــي

**محمد مهدي ابراهيم** · Oct-03-2010, 11:27 PM

المشاركة الأصلية بواسطة سور الذكريات مشاهدة المشاركة

محمد مهدي ابراهيم
هلا وغلا لا خلا ولا عدم فديت راسك
وابشر بالمجاراه
وقبل كل شي صح الله لسانك وبنانك وعلا شانك يالقرم

صحيح ياللي تقــول القلب يلقى مناه
في حضرة اللي تــوده واهتنى جيته

واللي بعيد الهقاوي والمفارق كواه
منهو يبـرد بقلبه يالوفي كيته؟؟؟؟
(( سور الذكريات ))

سلمت ودمت
ويسلم راسك ولاهنت على الكلام الجميل
واقوووووول

حبيب قلبـي ترك قلبـي ولا قـد سقـاه
ونا جـبـل كــان خلي دايـم ( بـ ) فيته

خلك ترك قلبك الضامي ولاقـد رواه
لابـــد كــــل يــجـــرب دبــلمــاسـيتـه

**سور الذكريات** · Oct-04-2010, 12:00 AM

المشاركة الأصلية بواسطة محمد مهدي ابراهيم مشاهدة المشاركة

سلمت ودمت
ويسلم راسك ولاهنت على الكلام الجميل
واقوووووول

حبيب قلبـي ترك قلبـي ولا قـد سقـاه
ونا جـبـل كــان خلي دايـم ( بـ ) فيته

خلك ترك قلبك الضامي ولاقـد رواه
لابـــد كــــل يــجـــرب دبــلمــاسـيتـه

ارحب ملايين يا محمد

لا خلا ولا عدم وبيض الله وجهك اول وتالي ورايتك بيضا

لا تحسب اني بهالـطـاروق مالي سواه
الا سـيـاسي واحــــدد فــيــه ما ريـتــه

لكن قـلـي عــن اللي عــانده مـبـتـغـاه
والوقت والشمس حـدتـني على فـيـته
(( سور الذكريات ))

**محمد مهدي ابراهيم** · Oct-04-2010, 01:00 AM

المشاركة الأصلية بواسطة سور الذكريات مشاهدة المشاركة

ارحب ملايين يا محمد

لا خلا ولا عدم وبيض الله وجهك اول وتالي ورايتك بيضا

لا تحسب اني بهالـطـاروق مالي سواه
الا سـيـاسي واحــــدد فــيــه ما ريـتــه

لكن قـلـي عــن اللي عــانده مـبـتـغـاه
والوقت والشمس حـدتـني على فـيـته
(( سور الذكريات ))

الحب تعب كثير الناس كل سراه
هــواه سـراه ليـل ماحسب حيته

يا تايه الليل سـرك لا تبيـن خفاه
هذا دجى الليل حبك في ثنا طيته

**بروق الماس** · Oct-04-2010, 01:56 AM

ياطفلة تحت المطر ...

تركض
واتبعها
بنظر ..
تركض تبي الباب البعيد ..

تضحك على الثوب الجديد
ابتل وابتــــــــــــل الشعر ...

لو رميتي شالك الدافي على متن السما ..
دفيت الشمس في فصل الجليد ..

لو نثرتي صوتك الحاني .. على صدر الضما
أنبت العشب وأخضرالجريد ..،

**غيآهيب** · Oct-04-2010, 03:32 AM

ياضيقة الصدر وش تبغين من صدري

..سيفك علامك على صدري تسلينه..

**غيآهيب** · Oct-04-2010, 03:35 AM

يمّـه غرامـه طريقـي ... ولازم اتـمّـه
شيٍ مـن الله علـى غفلـة تغَّشَانـي ...!!

اشهق على ضحكته واشفـق علـى ضمّـه
واموت منه إن جفى ... وإن جاني احيانـي

إن كان درب الشقى يمر مـن يمّـه ...!!
والله لكمّـل شـقـاه " إن الله احيـانـي

**جنوبية ذوق** · Oct-04-2010, 04:22 AM

أَضْحَكْ وَأنَا فِـيْ دَاخِلِي .. حِزْن قَتَّالْ
وَأخْفِي مَوَاجِعْ .. مَابَعَدَّهَا .. مَوَاجِعْ

**Miss Feeling** · Oct-04-2010, 04:32 AM

مع كل نسمة صبـاح أقـوم وأيديّـه::::::::::::ترفع بعضها كذا .. وأقول وأنادي
الله يسـعـد صبـاحـك يالسعـوديـه:::::::::::::عساه والله صباح الخير يابـلادي

**محمد مهدي ابراهيم** · Oct-04-2010, 09:04 AM

ياصباخ الخير ويعم الجميع
للجميع ولانـويت اتـرك احد

يابني عمي وهم سيف بريع
لوهـرج حاسـد بغيره اوجحد

**محمد مهدي ابراهيم** · Oct-04-2010, 09:29 AM

المشاركة الأصلية بواسطة جنوبية ذوق مشاهدة المشاركة

أَضْحَكْ وَأنَا فِـيْ دَاخِلِي .. حِزْن قَتَّالْ
وَأخْفِي مَوَاجِعْ .. مَابَعَدَّهَا .. مَوَاجِعْ

[poem=font="simplified arabic,6,deeppink,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الحــزن لابــد مايــرحـل ولوطـال=والصبر طيب وطيف الحزن راجع[/poem]

**محمد مهدي ابراهيم** · Oct-04-2010, 09:40 AM

المشاركة الأصلية بواسطة صمت الشوق مشاهدة المشاركة

ياضيقة الصدر وش تبغين من صدري

..سيفك علامك على صدري تسلينه..

[poem=font="simplified arabic,6,sienna,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خذ الحذرمن زمانك وانت ماتدري=الغدرمكشوف في وجهه وفي عينه[/poem]

إعـــــــلان

# ســجـــل حــضــورك بـأبيات من الشـــعـــر #

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق