أماتَ أَبوك؟
ضَلال!أنا لا يموتُ أبي
ففي البيت من هاهُنَا رُكْنُهُ.. تلكَ أشياؤهُ
تَفَتَّقُ عن ألف غُصْنٍ صبي
جريدتُه. تَبْغُهُ. مُتَّكَاهُ
كأنَّ أبي -بَعْدُ- لم يّذْهَبِ
*حين قرأت قصيدة نزار قباني في رثاء أبيه، ومنها هذا الجزء الصغير، قلت إنها ستخلق إزاحة لرؤية
الحزن والفقد في الشعر العربي كله. وحين انتهت القراءة الثانية رأيت بشاعة الرؤية، رؤية الحزن
والفقد المتمثلة في الاكتفاء بظلال الأشياء عن أعيانها وبأشباهها عن حقائقها، فالمرحوم أبوه تكفي
عنه جريدته، تبغه، متكاه التي ما زالت تشع بوجوده.. وإذن فما الحاجة إليه؟ كأن أبي بعد لم يذهب.
التعديل الأخير تم بواسطة سعد بن معيض القرني; الساعة Sep-16-2017, 12:28 PM.
ياقصر مرّيتك وأنا مقصدي غير ليتي عقبتك يوم أسيّر بْفالي ياقصر من جيتك وكبدي على كير ياليت ما مرّيت والقصر خالي ياقصر وين مْشَيّدين المقاصير اللّي بنوبك للمسيّر ظْلالي ياقصر وين مْكرّمين المسايير مقلّطة للضيف من كل غالي أهلي هل الطولات معنيّة الخير أهل المروّة متعبين الدلالي وين محمد والرجال المشاهير وعبد الكريم ومرّخصين الريالي وقتٍ مضى يوم الليالي معاسير يلقى ذراهم من به الوقت مالي وين النشاما والبنات الغنادير سِرج البيوت مْربيات العيالي ياقصر عقب العز عشعش بك الطير من عقب منتب مَدهلٍٍ للرجالي عقب النشاما والعيال المناعير اليوم بابك دافِنَته الرمالي
أنا البارح خطرتك وقمت بواجب الضيف وقدّمت البغاديد واتْقهويت منها على مرمى نياشينك من العام لك طيف وإلى صوّبتها بالسهوم تموج عنها أثر هذا زمنها وأنا أتساءل متى ؟ وْكيف ؟ تحياتي لها ولهواها ولزمنها وصال البرد مايعاتب إلاّ هجرة الصيف وْحكايات النوى كلٍ بصدره سجنها صحيح إنّ العتب من عيونك حدّه رْهيف وْصحيح انه على خافقي يامر وينهى وْصحيح انه برمي السهم حاذق وحريف وْصحيح انه ذبح مهجتي ساعة طعنها ولكن يوم جيت وضمنتك دون تصريف ضمنت المعذرة منك قبل أدفع ثمنها مثل من يضمن مرات دون أيّات توصيف عقب ماضمْنوا كميتها بْعرفه ضمنها وأنا من ليلة البارحة خرمان والكيف فناجيل الهوى اللي عليك أدمنت منها
لا صار لك صاحب يعزك ويغليك خله على يمناك ظلك بظله دنياك حبلى بين زين ومهاليك ولو ما قويت الحمل عنك يشله احذر من اللي لاقرب منك يوذيك لاجاء بمجلس قم بحالك وخله
بين الردى والطيب نهدم ونبني وراع الردى صعبٍ علينا علاجه ماخلّد الطيّب سوى ذكره الحي ولا يدفن الحيين غير العواجه ماهوب عيب اللي يجي لا بغى شي العيب صده لابغيته بحااجه رجلٍ على الفزعه مثل سرعة الضي ورجلٍ يدور لانخيته خراجه فنجال بنٍ ما يجمل وهو ني يكفي عنّه رجلٍ طليقٍ حجاجه ياهل العروش اللي على جالها مي حذراكم من الما ليا أقبل هماجه تمسي مقامك شي وتصبح ولا شي اغنم صفا دنياك قبل العجاجه
تعليق