[poem=font="Simplified Arabic,6,indigo,normal,italic" bkcolor="transparent" bkimage="backgrounds/11.gif" border="none,3,darkblue" type=2 line=0 align=center use=sp num="0,black"]
عليك علّقت امنياتي والآمال=و ارقب حضورك بين فوج الركايب
جيتك على الموعد وأنا سابق الفال=جيتك بشوقي و العيون الرقايب
البارحة راجت و راحت بنا اقوال=هذا يصدرها وهذاك جايب
كذبه بدعناها بعد شهر شوال =والبعض صدقها ولو هي غرايب
وكلٍ على صدق الخبر حط معدال=ويقول في هذا الشنب علم صايب
وأثر العشم يا مرتجي حفنة المال=مثل عشم ابليس إيلا قال تايب
لا به خبر والحال هو نفسه الحال=والظن بك يا يوم الاثنين خايب
قيلَت زمان و ردّدت عبر الاجيال=و اصبح مثل لأهل العقول النجايب
خلّك على ضانك فلا أنته بجمّال=واحذر تموت الضان وسط الزرايب
لكن و رغم إحباطي اليوم لا زال=عندي أمل في علم من راس شايب
اللي إيلا ضاقت بنا و الدهر مال=و اهمومنا صفّت سواة الكتايب
أمطر علينا كنّه الغيث همّال =و ساق البشاير و العطا و الوهايب
يا الله وهذي امنياتي و الآمال=فيك الرجا يا من يجيب الطلايب[/poem]