[poem=font="simplified arabic,5,darkred,bold,italic" bkcolor="transparent" bkimage="backgrounds/15.gif" border="none,4,gray" type=2 line=1 align=center use=ex num="0,black"]
أزكى ورود الشعر وثمار القصايد في يدي=من روضة العلم ومشاتل فكري تجنيتها
وعلى بحور الفن من عقب الظمأ لي موردي=وأوردت روحي منهل صافي وبه روّيتها
وإن كانت الفكرة تسهّر عيني على مرقدي=إلا أني أحذر وقعها ومن الحذر غنيتها
فكّرت في بيت بناه اللي بدينه مهتدي=لو صدّعته الزلزلة تكفونها وكفيتها
كيف يتشتتْ شمل ناس صابها الحظ الردي=وتنطفي الشمعة وأنا بالحب كم شبّيتها
هذي بيوت الناس والعاقل تفهّم مقصدي=فيه الترابط روح وإن راح بحزن عزّيتها
والحق أشوف المجتمع فيه التفكك مبتدي=في كل بيت شجرة الفتنة سكن عفريتها
أصبح عقوق الوالدين أمر طبيعي وعايدي=ما دامت أفكار الشباب تشبّعت بمقيتها
الوالد أشغله الطمع رايح عليه ومغتدي=والوالدة في حفلة ما فكّرت في بيتها
وأولادهم لأصحابهم ولذيب فرسٍ معتدي=والمزرعة طافت عليها الطايفة بمبيتها
كلٍّ على همه سرى قِرِّي بها وإلا اجحدي=يا ترجمات المجتمع ما عاد يخفى صيتها
وأسبابها إبليس اللعين ومن غدا به مقتدي=يا خاطي الخطوة طريق المسلمين أخطيتها
والناتج النار التي شبّت على الغصن الندي=إن قلت أعددها عجزت بعدّها ما أحصيتها
منها الطلاق اللي بثوب الشر جانا يرتدي=وإلا بلاوي مخدراتٍ في البيوت لقيتها
وإلا المطر من مزنة ما هي علينا تبتدي=زادت ظمأ الأرضْ التي شبّت بها كبريتها
الدِّش والدَّش الذي غير سلوك الأحمدي=بمسلسلات الترك وعلوم بعَدْ ما ريتها
هذي هي الحالة وتشخيص المرض يا من هدِي=لعلاجها وأبشر بما يرضيك لو داويتها
وإن قلت أعالجها لوحدي ما قدرت بمفردي=خمس الأصابع قوة في كفي إن ضميتها
الدين سر علاجها ما غير ذا يا الأجودي=والوصفة اللي ما بها دينٍٍ تخرّب بيتها [/poem]