[poem=font="simplified arabic,6,darkblue,bold,italic" bkcolor="transparent" bkimage="" border="none,8,gray" type=2 line=0 align=center use=ex num="0,black"]

حكيمٍ حليم ورايه ان بتّ في موضوع=مضاويح في ليلٍ تهادوا بها السارين
عسى المجتمع مايفتقد ناس من ذا النوع=فلا فيه خير ان ماخلا إلا من الوافين
وانا يوم اقول الشيخ عبدالله المجدوع=احس ان مامن قولٍ اولى من ( النعمين )
ورثها من الآبا والاجداد والمجموع=شيوخٍ من اصل وفصل شِيخه وفيهم دين
وقيل الندى الاجواد بكفوفها ينبوع=ولولا آل مجدوع اعتبرته من التخمين
ومثلي بري من كلمةٍ شيكها مدفوع=كرامه ولا شيكات وجيوب مليانين
ويابو محمد ما سمعناه قبل اسبوع=وصلنا ولكن لاغرابه ومعتادين
تَنادي كبارٍ مثلكم له صدى مسموع=وفعلٍ يجمّل معتزى به ومتعزوين
ولافي هدفكم لامحرّم ولا ممنوع=لكم مثلما ربي يجازي به العافين
وللشيمه اصل في ارضنا ثابتٍ وفروع=صفاتٍ تميّزنا بها ياسعوديين
والايمان بالمقسوم يعني رضى وقنوع=ويالله تجعلنا من عبادك الراضين
وبن طاهر النخوه شغوفٍ بها مولوع=ومني ( تحيّه ) له ومثله طويل يمين
ومن لايكفكف من عيون الصغار دموع=هو المنحرم من رحمة الله والمسكين[/poem]