بسم الله الرحمن الرحيم




بداية أتقدم بالشكر الجزيل لفضيلة الشيخ الدكتور عائض القرني

وسعادة أ.د ظافر بن علي القرني - حفظهما الله -

وذلك لتكرمهما علي وثقتهما في طرح هذه القصيدة

والقصيدة الأخرى في منتدى الشعر الفصيح ( بردة التوحيد ) . .

على الرابط التالي :

قصيدة بردة التوحيد













قصيدة الثورة
[poem=font="simplified arabic,6,blue,bold,normal" bkcolor="white" bkimage="" border="outset,4,black" type=0 line=1 align=center use=ex num="0,black"]
بسم الله ابدى قصيدي في الغدو والرواح=يا جامع الناس يا من يحصي افعالها

انت الصمد كل حي يطلبك بامتياح=خزاينك من بحور الجود همّالها

اذا دعوناك والله كل همٍ يزاح=واذا ذكرناك نفسي تشرق آمالها

حيوا معي الثورة الكبرى نهار الكفاح=والعالم اهتز منها وابصر أهوالها

والكون كبّر وهلّل بعدما الشرك ناح=وديرتي زُلزلت بالحق زلزالها

والثورة اللي ورثناها بضرب الرماح =حنا مقابيسها في الحرب وارجالها

وحنّا كتايب رسول الله رمز الصلاح =في وقعةٍ من دم الابطال سربالها

في ليلة الغار جت (باقرا) علومٍ صحاح=من مشرق النور مهبطها ومنـزالها

وفي وطنّا غدا سيْد البريه وراح =حيّته بايمانها الدنيا وباشمالها

ومنا أبو بكر والفاروق عدل ونصاح =وخالد بن الوليد الحرب خيّالها

ومنا غسيل الملائك والفدائي صلاح =في يوم حطين صار النصر من جالها

وفي وطنّا نزل جبريل والفجر لاح =نحطّم اصنامها وانكسّر أغلالها

والفيل لما قصد ارض الرسالات طاح= طير ابابيل ترميهم بسجّالها

وحنّا القنابل اذا نادى السلاح السلاح =على الجماجم بنينا المجد لاجيالها

وحنّا هدمنا الضلالة واستلمنا الوشاح =والجاهليات فال الله ولا فالها

وحنّا حماة العقيدة يوم يُحمى النطاح =نعيش بأنوارها ونموت كُرمالها

وحنّا العرب والعروبة والظفر والفلاح=وحنا التواريخ نكتبها مع اجيالها

وحنّا هل الهيل واهل البن صدق وصُراح=الجمر والتمر زين العين بادلالها

اهل القلوب النقيّه والوجوه الصباح=للسيف والضيف يطرب شوفة ازوالها

رجّالنا عن مية رجّال ما هي مزاح=كب الخواجات والرومان واشكالها

من غيرنا هدّْ كسرى يوم غزوة نساح=ومن غيرنا غيّر البلدان واحوالها

مالك مع الشافعي واهل السنن والصحاح=منّا وحنّا شموس العلم واهلالها

حجازنا قبلة العالم وفيه السماح=الكعبه تتلعق الأرواح باذيالها

ونجدنا الحكم والدوله وبسط الجناح= وجنوبنا رجالها تشمخ على اجبالها

وشرقنا للصناعه والعمل والنجاح=وشمالنا الجود من حاتم وحيّا لها

يعيش عبدالعزيز بسيرته والكفاح =في دولة مدفع التوحيد دوّى لها

يالله في حظٍّ اكبر من مزونٍ رداح=حظٍّ يفضّ الصخور وينسف ارمالها

وان قالها الله وتشرق شمسنا في وضاح=ما جابها غيرنا شعبٍ ولا نالها

شعبٍ تزيح الجبال الراسيه ما يزاح=احفاد من ميّلوا في بدر معدالها

والبيرق اخضر وفوقه جملة في وضاح=نحميها بالدّمّ الاحمر وانتعزوى لها

والارض قبر العدو والجو رعد ونواح=خلّ البراكين والزلزال لابطالها

احفاد مصعب ومن ساروا بذيك البطاح=ما قلتها لكن التاريخ قد قالها

حنّا صفوف العدو بارماحنا تستباح=ندوس قوّادها وننـزّل احمالها

نموت تحت العلم موتة علي بالجراح= والجن من خوفها تفر باعيالها

اما ننال المعالي والظفر باجتياح=والا ننال الشهادة عاش من طالها

رجّالنا ينطح الطابور عزم وطماح=واطفالنا تنشق البارود عقبى لها

وباذن الله ان الجنان العاليات الفساح=نصيبنا واحمد المختار دلاّلها

غنّى بها عايض القرني وكبّر وصاح=خلّ امرء القيس يتباكى على اطلالها

وصلّوا على المصطفى ما ضاع مسكٍ وفاح =الله يشفّعه في الأمه وطوبى لها [/poem]