[poem=font="simplified arabic,6,black,bold,italic" bkcolor="skyblue" bkimage="" border="double,4,black" type=2 line=0 align=center use=ex num="0,black"]
إن قاله الله و جنّب درب الاهوالي=اللي تعكّر نهار الطامح وليله
المجد ما باقي إلا بعض الاميالي=وأرقى على قمته وآصافح سهيله
ما هوب حب القصيد اللي شغل بالي=ولا انطباعات من يسمع مواويله
لكنه المقصد اللي لو تهيّا لي=حلفت لأشريه بالغالي وأضحّي له
طبقاً لما قد ورد في بعض الامثالي=اللي غدت للبشر ملاذ تآوي له
اللي زرع في رجا منتوجه الحالي=الغرس لابد ما يجني محاصيله
وأنا غرست الطموح بخدّ الآمالي=وأسقيه الإصرار من بدري وأنا أسقي له
حتى كبر هالطموح و عاد رجّالي=يبدي مع اللي في الميقاف يبدي له
خلّك معي يا الطموح بكل الاحوالي=وأبشر بفزعة خويٍ ما برد حيله
ما دام انا مكسبك يا راس الاموالي=دربك فلا قد نويت اليوم تبديله
أصبر و ما باقي إلا بعض الاميالي=والمجد أنا وانت نتربع مع سهيله[/poem]

وسلاااااااامتكم ،،