السلام عليكم ورحمة الله وبركاته

[frame="7 80"]البارحه ساهـر مـع الاشعـاري
في مجلس أهل الفن والسمـاري
معهم وعقلـي دالـهٍ سرحانـي
من كثر ما تلعب بـه الافكـاري
فكره تورد بـه وفكـره تصـدر
وعجزت من هذي وذيك اختـاري
قلت القصيده وش بلاها هذي ؟!
عيـت تحـدد بالفكـر مسـاري
وانا الذي اقول إنـي شاعـر !!
وارقص الفكره علـى مهـواري
ياهيـه .. حـدك وقفـي هنيـا
الضوء الاحمـر ولـع الانـذاري
الفكره اللـي ماتجـي مطواعـه
أرمي بها واشعل عليهـا نـاري
الين تاجـي بالعقـل منصهـره
واصبها فوق الـورق بحبـاري
شاعـر ومتمكـن وليّـه خبـره
ومن صغر سني أحبك الاشعاري
الشعر ببحوره اصـارع موجـه
ومن قاعة اعماقه اصيـغ ادراري
اهيم في فـن الغـزل وجنونـه
ارعى وروده واسقي الازهـاري
اشتاق لعيـون الحبيـب الغالـي
اللي اسرني اسـرت المختـاري
يرق له دمعـي ويرجـف قلبـي
واحيان .. أفرك باليمين إيساري
الحـب تغلـب غيرتـه أوقاتـه
والمشكله .. إني...بدمي حـاري
وحبيّبـي يعـرف بطبعـي هـذا
وقام يتلاعبي علـى المزمـاري
وان قلت : ياخلي علامك فيني ؟
يقول : باقي ما عرفت أسـراري
قلت : اعشقك ياخل واعشق زينك
وان بعت فيني يالغلا لك شـاري
يكفيني إني اعشقك واوفـي لـك
طول العمر اللي كتبـه البـاري
فن الغزل ياكثـر هـي افعولـه
وكم في عروضه قالوا الشعـاري
وان جيت لك يالمدح برفع صوتي
بالفخر لنـي شاعـرٍ مغـواري
لي لابةٍ أفخـر بهـم وامدحهـم
(بني عمرو) وافيـن بالأشبـاري
الباشه التركـي عـرف قوتهـم
باساً شديد في الوغـا جسّـاري
ذاق الهزيمه من فعـول أيديهـم
في يومهم يوم اعلـن الثـواري
شالوا البيارق وارفعـوا رايتهـم
نصراً كبيـر رايتـه ع الـداري
والمدح قلته في عظيـم ارجالـه
اهل الفعول اللي لهـم مقـداري
أشيوخنا يا جعلهـم ذخـرٍ لـي
اللي لهم في كـل جـالٍ طـاري
( أخوان نوره ) جعلنـي أفداهـم
هم السنـد لا مالـت الأقـداري
سحابـةٍ مـن خيرهـا ربعـنـا
والسيل ياجي من غزر لمطـاري
الجهل من نـور الإمـام أتلاشـا
والأمن خيم في رجـا لقطـاري
الحكمـه اللـي بشعـر مرجـوه
لا خنت في دارك تخون الجـاري
خلـك حليمـاً دائمـاً متواضـع
يا بخت من يتبع سلف لبـراري
والا الذي هاجر لنصـرت دينـه
على هداية مصطفـى الاخيـاري
هـذا وباقـي لشعـر اغراضـه
أخذت موجز منـه ياالشطـاري
وان جيت بشرح طلت في سالفته
ادول فنجالـه علـى السمـاري
اكذب حروفه قالـوا إنـه عذبـه
واقول ياعـذب الكـلام اهـذاري
يا الفكره اللي عندت يا حليلـش
صرتي معايه دبله في خنصـاري
ما قلت لش لا تعندي احسن لش
ورددت لش امرار فـي أمـراري
الأن .. هيـا اطربـي يالفكـره
مـا دام زان الليـل للشـاعـري[/frame]

منقووووووووووووووووووووووول

تحياتي للجميع...