[poem=font="simplified arabic,6,black,bold,italic" bkcolor="skyblue" bkimage="" border="double,4,black" type=2 line=0 align=center use=ex num="0,black"]
الله يعينك يا الفتاة اليتيمة=على قسى اخوانك و جور المعادين
اخوانك اللي بالظروف الأليمة=لا كفكفو دمعك ولا جو ملبين
لو في حراهم ترتجين العزيمة=عز الله إنك يا اليتيمة بتبطين
تصبّري فإن الجروح السقيمة=قد ذاقت أمك ويلها قبلك اسنين
أمٍ ولو هي من سلالة عظيمة=تشكي وجاوز عمرها فوق ستين
حتى تمنّت لو تكون العقيمة=ولا تجيب أولاد للبر عاصين
أولاد لو فيهم ولو بعض شيمة=ما كان عنكم بالملذات لاهين
أحدٍ يحاول يلفت إعجاب ريمة=وناسٍ على تقليد الأنجاس ماشين
وأحدٍ يتابع نصرها والهزيمة=الكورة اللي هبّلت بالمجانين
واهل المناصب يا العقول الفهيمة=دون الكراسي بالخلايق مفادين
يا سامعين الصوت يكفي ظليمة=معقول ما منكم على الحق واعين
استشعروا عطف القلوب الرحيمة=لأجل اليتيمة وامسحوا دمعة العين
وإن ودكم تدرون من هي اليتيمة=غزة والأم المستهانة فلسطين[/poem]