[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



تجـلى يا قمر يضـوي عـلينا والبـدور بـدور=تجلى من ورى غـيم الدلال العذب عنوانك
تعال اجمع شتات الشوق ولهفة خاطرٍ مكسور=حلف ما يجبره غيرك ترى بالحيل شفقانك
هلابك مسكنك قلبي ولوضاقت عليك الدور=هلابك وسطها عيوني وأغمض عين ولهانك
فرمش العين لك حارس وجفـنيه امان وسور=ودمعي لك زلال عاف ملحه بيـن غدرانك
هلابك عد ما غرد على لحن الهوى عصفور=عزف بحلى نغم يـشديه غزل تزهــيه بلحانك
مسائك زاهي بلوني ولوني لك شعـر وشعـور=احاسيسي ابنثرها قصايـد لـي علـى لسانـك
مساء الطيبه الي ساقها وجهك ضيا مـن نـور=مساء الورد لك ضامي ولو يروى على شانـك
عشانك فاحت الورده أهـازيج الفرح وعطور=شذا طيبه ملك حسن الوجود اليوم فتانك
عشانك اشرقت بسمه حفاوتها غلا وحضور=يناسب روعة الموعد ويشرح حجم وجدانك
عشانك شمعةٍ ضوت وانا حولك سنا البلور=أشع الحب من طيفك وأعيش العمر سهرانك
حكيتك قصة زانت أكاليل الورق بسطور=بيـقضي حبرها اقلامي وترسخ روعـة ألوانـك
[/poem]