تويت
كما هو واضح من العنوان انا بحكي لكم اليوم العادي لي طبعاً كعزوبي مخضرم
اصحى ادوام اكل اروح الاستراحه بلوت وبلايستيشن وارجع انام عادي جدول اي عزوبي
اتوقع يوافق جدولي مع اختلاف طفيف
الا اليوم حسيت انه متغيير من الصبح وناغزني قلبي فكرت كثيراً وش جبت من مصيبه ماتذكرت شئ دايم ماشي في طريقي ذهاب وعوده
مشيت ونسيت الموضوع طلعت بعد العشاء طالع الاستراحه طبعاً ادور لي مباراه تحدي بلايستيشن
اول ماطلعت جاء واحد مستعجل ودقني دقه بسيطه وقفت انا ونزلت سلامات يالحبيب عشى ماسر حسيت الادمي محووس قلت وش فيك خلاص رح مابغى شئ لا يجيب لي مصيبه
قال لا بس مستعجل ياخي ابي الحق الجنادريه وقتها طلع فوق راسي علامة تعجب بكبر سيارتي شكل الادمي كبير بالسن وعاقل وراكد وش بيوديه الجنادريه
سكت شوي افكر معقوله بيروح الجنادريه معقوله راعي هالحركات هالشايب قررت اسأل وزي ماتجي تجي قلت ليش يفحطون الحين هم،كويس نلقى شئ نقطع فيه وقتنا
قال نعم الظاهر انك مريض انت اليوم افتتاح الجنادريه<<<حكيت راسي يوم قالها قلت اها الجناااااااااادريه معلش يالغالي واسف اني صدمتك ولانعطلك<<طاح وجهه
ركبت سيارتي ومشيت وانا ماشي عاد اثار العزابيه والحق الواجب على كل عزابي ان يعاني من عطب بسيط في الدماغ وشغلت الاف ام قلت نتسلى شوي على هالزحمه نحصل ياسر الشمراني وحرف ممنوع ولا شئ شغلت الاف ام الا واغاني وطنيه
قعدت احكحك في راسي ساعه اتذكر متى مباريات المنتخب وش جاب اغاني المنتخب الحين المهم ماطلعت بنتيجه جاني اتصال قطع واير افكاري تعرفون الافكار صارت تضيع بسرعه فقلت بدل الحبل ماينقطع بسهوله اجيب واير اقوى
رديت على الاتصال سولفت معه وفي الاخير سالته ياخي وش عند الاف ام قالبينها وطنيه الحين واغاني وطنيه قال مادري قلت طيب اذلف اجل قفلت
وصلت للاستراحه دخلت مسرع ابي الحق البلايستيشن فجأه احصل نفس الاغنيه اللي كانت بالاف ام ياولد الظاهر فيه مباراه وانا مفهي كالعاده مادري وش الناس فيه
وصلت عند التلفزيون واضع عيني بالتلفزيون واذا به حفل افتتاح الجنادريه قلت اهااااا اللي صدمني يقول الجنادريه صح اووووووووووه نسيت
قلت سبحان الله ياذا الجنادريه اللي صارت كأنها روتين دائره حكوميه قعدت اسولف انا وواحد من العيال عنها قلت ياخي اشغلونا بذا الجنادريه لو هم مخلينها كان لعبنا بلايستيشن بدل حصة الوطنية ذي اللي قاعدين فيها
المهم سولفت انا وخويي هذا قال ياخي تصدق الجنادريه ذي كل سنه تتطور الحين تدري جابوا مادري كم هندي يرقص بمادري كم الف وانا ممشي معه السالفه مع انها ماعجبتني ولا يجيبون بو هنود يرقصون عندنا قلت شئ جميل ورائع ايوه
قال وجابوا كاميرات تصور بالابعاد الثلاثيه بمادري كم مليون قلت افا وصلت ملايين قال ااااااايه توصل عشرات الملايين
بس ياخي هذا التراث وهي تغيير روتين في السنه اسبوع خصصوه للتراث علشان مايندمر
قلت والله ماني معارض التراث شئ اساسي لكل شعب تراث وحضارة ولابد الاهتمام بها ولكن ياخي ماهو بالصرف هذا ياخي وش فيها لو حسنوا راتبي ومستواي الوظيفي
في وقتها هب فيني وقال تلايط لا بالعقال الحين قلت ااااااااااااااااايه وصلت عقال اقول بطلنا،الجنادريه احسن شئ بالعالم ومفروض تكون على طول السنه
وانا انسان مافهم ولا لي حق وهذا انا اعترف لكم عادي مافيها شئ الجهل يازينه لدرجة انك تتمناه في اوقات حتى مايوجعك راسك
اكرم ياجماعه واستروا ماوجهتوا
اصحى ادوام اكل اروح الاستراحه بلوت وبلايستيشن وارجع انام عادي جدول اي عزوبي
اتوقع يوافق جدولي مع اختلاف طفيف
الا اليوم حسيت انه متغيير من الصبح وناغزني قلبي فكرت كثيراً وش جبت من مصيبه ماتذكرت شئ دايم ماشي في طريقي ذهاب وعوده
مشيت ونسيت الموضوع طلعت بعد العشاء طالع الاستراحه طبعاً ادور لي مباراه تحدي بلايستيشن
اول ماطلعت جاء واحد مستعجل ودقني دقه بسيطه وقفت انا ونزلت سلامات يالحبيب عشى ماسر حسيت الادمي محووس قلت وش فيك خلاص رح مابغى شئ لا يجيب لي مصيبه
قال لا بس مستعجل ياخي ابي الحق الجنادريه وقتها طلع فوق راسي علامة تعجب بكبر سيارتي شكل الادمي كبير بالسن وعاقل وراكد وش بيوديه الجنادريه
سكت شوي افكر معقوله بيروح الجنادريه معقوله راعي هالحركات هالشايب قررت اسأل وزي ماتجي تجي قلت ليش يفحطون الحين هم،كويس نلقى شئ نقطع فيه وقتنا
قال نعم الظاهر انك مريض انت اليوم افتتاح الجنادريه<<<حكيت راسي يوم قالها قلت اها الجناااااااااادريه معلش يالغالي واسف اني صدمتك ولانعطلك<<طاح وجهه
ركبت سيارتي ومشيت وانا ماشي عاد اثار العزابيه والحق الواجب على كل عزابي ان يعاني من عطب بسيط في الدماغ وشغلت الاف ام قلت نتسلى شوي على هالزحمه نحصل ياسر الشمراني وحرف ممنوع ولا شئ شغلت الاف ام الا واغاني وطنيه
قعدت احكحك في راسي ساعه اتذكر متى مباريات المنتخب وش جاب اغاني المنتخب الحين المهم ماطلعت بنتيجه جاني اتصال قطع واير افكاري تعرفون الافكار صارت تضيع بسرعه فقلت بدل الحبل ماينقطع بسهوله اجيب واير اقوى
رديت على الاتصال سولفت معه وفي الاخير سالته ياخي وش عند الاف ام قالبينها وطنيه الحين واغاني وطنيه قال مادري قلت طيب اذلف اجل قفلت
وصلت للاستراحه دخلت مسرع ابي الحق البلايستيشن فجأه احصل نفس الاغنيه اللي كانت بالاف ام ياولد الظاهر فيه مباراه وانا مفهي كالعاده مادري وش الناس فيه
وصلت عند التلفزيون واضع عيني بالتلفزيون واذا به حفل افتتاح الجنادريه قلت اهااااا اللي صدمني يقول الجنادريه صح اووووووووووه نسيت
قلت سبحان الله ياذا الجنادريه اللي صارت كأنها روتين دائره حكوميه قعدت اسولف انا وواحد من العيال عنها قلت ياخي اشغلونا بذا الجنادريه لو هم مخلينها كان لعبنا بلايستيشن بدل حصة الوطنية ذي اللي قاعدين فيها
المهم سولفت انا وخويي هذا قال ياخي تصدق الجنادريه ذي كل سنه تتطور الحين تدري جابوا مادري كم هندي يرقص بمادري كم الف وانا ممشي معه السالفه مع انها ماعجبتني ولا يجيبون بو هنود يرقصون عندنا قلت شئ جميل ورائع ايوه
قال وجابوا كاميرات تصور بالابعاد الثلاثيه بمادري كم مليون قلت افا وصلت ملايين قال ااااااايه توصل عشرات الملايين
بس ياخي هذا التراث وهي تغيير روتين في السنه اسبوع خصصوه للتراث علشان مايندمر
قلت والله ماني معارض التراث شئ اساسي لكل شعب تراث وحضارة ولابد الاهتمام بها ولكن ياخي ماهو بالصرف هذا ياخي وش فيها لو حسنوا راتبي ومستواي الوظيفي
في وقتها هب فيني وقال تلايط لا بالعقال الحين قلت ااااااااااااااااايه وصلت عقال اقول بطلنا،الجنادريه احسن شئ بالعالم ومفروض تكون على طول السنه
وانا انسان مافهم ولا لي حق وهذا انا اعترف لكم عادي مافيها شئ الجهل يازينه لدرجة انك تتمناه في اوقات حتى مايوجعك راسك
اكرم ياجماعه واستروا ماوجهتوا
تعليق