[poem=font="simplified arabic,6,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يمْعاتبنِّي بالكلام الْويـش تعْتَـبْ لـه=مثْلك تعـدَّاه المشاريـه ابْمحاصيلـه
ابعد عن الرمح لا يطعنْك فـي نبْلـه=إنْ كنْت ماتقْدر على ردَّه وتدمي لـه
قلِّي متـى والأخوَّه تمسك ابحبْلـه=ولا متى والحق يرمي لـك معاديلـه
ماهوْ بلَكْ قُدْم الأخوَّه وأنْتْ منْتْ ابْله=ذكري وتعجز لين تاصل في مواصيله
قلبي يصلِّي بالنسب والفخر له قبلـه=تبكي له الأغلاس في سجْده وترتيلـه
اتْلاوته اثْبات واخْشوعي لهـا نبلـه=واطهارته دم الشجاعه يوم تنْدي لـه
غيمٍ يسيِّر فاالسما وانْقاد لـي وبلـه=من دون رعدٍ وزفت لـي مخاييلـه
قصَتْ قصرٍ لهـا العربـان تندبلـه=في مجلس السلطان ماحيَّت مداخيلـه
نافورةٍ تحْدي نياب الأسْد مَـعْ شبلـه=ومحفنٍ في وسطها يشْبـه للارقيلـه
خيلٍ يشوش الغزا في رَهْن اسْطبلـه=والدرع في درفةٍ عن شفـت تقفيلـه
كثْر التواضع لخدَّامـه سـرَح ببْلـه=وكثر الشجاعه تِشبِّي لـه مصاقيلـه
حكايتي معْك انْت صـاحٍ مـع أبلـه=أقرب لها قصَّت حكا دمنه مع اكْليلـه
لا تجعل الموضوع خنْصر تلْبِسه دبله=من الذهب فكري فتندفلـك مناديلـه
الرَّجْل لامد ذكري قمت أواجبْ لـه=حقٍ على ادْلال المبهر فـي مهاييلـه
يشب ضـوَّه بقُدْمـي وألْتفـي قبلـه=عزْوه وإذا منَّه ذكر شِرْبَت فناجيلـه
إنْ مات حيٍ في اقْلوب العرب نبلـه=وإن عاش كثْروا له العُنَّاي تشكي له
وإما الردي خبثه على خبثه يحنِّب له=مر الزمان ومر ناسٍ ماتـوادي لـه
والحق للحق المصيب امْوثـقٍ حبلـه=والزور في حبل المعادي ماسحٍ طيله
لاكني باقول الصحيح إن ماذكر جُبْله=يمْعاتبنِّي بالكلام اشْ لون تعنـي لـه
ماكان ودي أجيب الشعْر لجْل أبلـه=ولكـنّ ودِّي أَشَهِِّـرْك ابْشعَـرْ ليـلـه
فلو لا شعر عنتره كان اختفت عبلـه=ولولا ظلام الليـل ماشِبَّـت قناديلـه [/poem]

من قصايد/عبدالعزيز بن ناصر بن عايض القرني