[frame="6 80"][align=center]قصيدة نبطية بمناسبة تدشين منتدى (بلاد بلقرن)في تاريخ 14/4/1428هـ
كلمات الشاعر القدير صالح بن عزيز[/align][/frame]

[poem=font="Arial,6,white,bold, normal" bkcolor="transparent" bkimage="backgrounds/26.gif" border="solid,7,teal" type=0 line=0 align=center use=ex num="0,black"]
يالله يارب جعل ديننا الاسلام نور = نقتدي به والشريعة يظل ظلالها
وأرسل المبعوث بيّن لنا كل الأمور=هاشمينٍ سُنته شاربين زلالها
ياجليل الملك تهدي لساني لا يجور=لو تكلم ينزل القوم في منزالها
مرحبا يامستمع يامتابع يا حضور=يارموز العلم والمعرفة ورجالها
منتدى(بلاد بالقرن)في عمر الزهور= والجماهير الغفيرة عليه اقبالها
منتدى باسم القبيلة لنا مدّ الجسور = للتواصل والمعارف نهل منهالها
علم نافع واسم لامع بعد كلمة مرور= يذكر أنساب القبيلة وفعل أبطالها
يحكي عن بالقرن الأخيار وافين الشبور= عن ثقافتها وتاريخها وأفعالها
عن مشاهير القبيلة وفرسان وصقور= عن شيم بالقرن وأحلامها وآمالها
عن مواقعها المدن والقرايا والهجور= عن طبيعة أرضها سهلها وجبالها
عن حضارتها ونهضة مدنها بالقصور= عن مزارعها وموروثها واطلالها
وأحمد الله لابتي فعلها يزهر زهور= عن حماها ترخص أرواحها وأموالها
أمتدح ربعي بشعري وانا قرني غيور=عزوتي ماكل قومٍ تاصل ميصالها
ربعي أبناء الأزد شجرة عطا ولها جذور=شجرةٍ مدَّت علينا وسيع ظلالها
جدنا قرن بن عبدالله الأزدي شهور= والقبيلة فخرها في جميع أجيالها
في أويس القرني أفخر وكم غيري فخور=سيرته حتى البعث مايغيب هلالها
من شيم بالقرن عبر المراحل والعصور = الجاعة والكرم مايسير إهمالها
يكرمون الضيف وإذا حصل رأيٍ وشور=وحّد الله رأي ربعي وهذا حالها
يوم للهيجاء غطارف وبارودٍ يثور= لابتي بين العرب وافيٍ مكيالها
فعل ربعي في دواووين ماهو في سطور= والبروج العالية غمرنا يرقى لها
حتى قبل الأمس والأمس سجلنا حضور= في ميادين البطولة ومثل أمثالها
فعلنا كلّه حقايق ماهو كذبٍ وزور = قالها التاريخ قبلي وكلٍ قالها
في مجال العلم والمعرفة غصنا البحور = وفي مجال الحرب دون الوطن حنا لها
أقدر أقول إن بالقرن جيشٍ ما يبور= قوة ابن سعود بأنواعها وأشكالها
الفتى منا بطبعه ماهو حب الظهور= يشبه اللي لأرتكى للحمولة شالها
والقبايل فيهم خير مامنهم قصور= كل قوم تذكر أمجادها وأنجالها
كلنا للمملكة درع متواصل وسور = والمعارك ما جهلنا فنون قتالها
من طمع في مملكتنا يعوّد في ثبور= يندحر واكبر هزيمة يجر أذيالها
نتمسّك بالعقيدة إلى يوم النشور= يالله أحسن الخاتمة والبشر بأعمالها
وادمح الزلات واغفر وسامح ياغفور= رحمتك يا أكرم الأكرمين نسالها
يالله أرحمنا إذا بعثر مافي القبور= والبشر من قدّم أعمال خير ينالها
يالله الجنة إذا حُصِّل مافي الصدور= واكفنا يالله جهنّم وشر أهوالها
واذكروا طه شفيع البشر يوم الحشور= بالصلاة وبالسلام التقي من قالها
والبيوت العصم أختم بها صدق الشعور= مهنة الشعار وأفكارها وأمثالها[/poem]