**هذه القصيدة مجارة لقصيدة الشاعر سعد بن شبرين (تعبت) وقد حزت الشرف الكبير لمجاراتي لمثل هذا الشاعر الكبير**
[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="ridge,6,white" type=1 line=0 align=center use=sp num="0,black"]
[poem=font="arial,6,white,bold, normal" bkcolor="transparent" bkimage="backgrounds/21.gif" border="ridge,7,white" type=1 line=0 align=center use=sp num="0,black"]
[poem=font="arial,6,white,bold, italic" bkcolor="transparent" bkimage="backgrounds/21.gif" border="ridge,5,white" type=2 line=0 align=center use=ex num="0,black"]
" تعـبـت والـدنيا تعـج مـن الهـمـوم وتسـتـثـير " = وأنا عجزت أصارع همومي وأنا مقوى لها
أبـني بهـا حلمي وأنا أدري بأنها عهـد قصير = وأتـوه فـيـهـا ويـتـخـطـفـنـي بـهـا غـربـالـها
تصرخ عصافير الفرح تطلب تحرر للمطير = مـير الحـزن سجـن ٍ حـبسها داخلي بأغلالها
ما بـين قضبان النوائب انحبـس مثـل الأسير = أصيـح لكـن صرخـتـي تعجـز تمـر خـلالها
وسط الحشا جمرة لهـبها بالشهـيـق وبالزفير = تطغـي على أنفاس السعـادة وباللظى تغتالها
تعـتـيمة أوهـامي تحطـم كـل حـلـم مسـتـنـير = وتنغـص العـيـشـة وتـطـفـي كل شمع آمالها
أصبح وأذوق المر مـن جرحٍ مخلده المصير = وأسـري مـع أنغـام الكـآبـة ودنـدنـة مـوالـها
والصبرمفتاح الفرج يسر على المعسرعسير = لابـد بعد اللـيـل ترسـلي الضـياء حـبـالــــها
ليت السراب اللي طـرته ألحـقه عقب المسير = يـوم النفـوس الصـابرة تجزى بثـقل أعمالها
أزريـت أدور للصـديق وما لقـيـت إلا الحقير = الـلي مـن دلال الـذنـوب يـمـد لـي فـنـجـالها
يسعـيد ما هـو عـيب لو تحـيا مسـيكـينٍ فـقـير = العـيـب لـو شـحت يـديـنـك يـوم يكثـر مالها
ارسم على شفاهـك فرح لو كنت بالدنيا كسير = حـتـى تـسـيـج بـالـمـحـبـة كـل قـلـبٍ نـالـها
والـشعر ماهـو لعبةٍ تلعـب بها أيـدين الصغير = الشعـر قـمة شـاهـقـة قـل الـذي يـرقى لــها
بـرقى لهـا لو إنـي صغـير ولكن بشعري كبير = حـتـى أدلـي كـل أحـاسـيـسـي مـع شـلالـها
والمفـردات اللـي تكـفـن فـي أحـاسيس الكـثـير = أحـيـيـتها بإحساس مرهف منبعه مأوى لها
زملـتها بإبـداع فـكري يـوم صاحـت زمـهـرير = وألحفـتها سحـر المعـاني ثم صغت إجزالها
أسـقـيـتها كـاس الجـزالـة مـن مـنـابيع الضـمير = حتى استـفـاضت من ظفايفها جميع إهزالها
ألـبـسـتهـا تـاج الفـخـر وإلبـسـتـها كـسـوة أمـير = وأهـديتا ورد المعـانـي اللي قـتـلـت إذبـالها[/poem] [/poem][/poem]