صحت لسـآنك
لكن لي ملاحظه على القاافيه في البيت الثااني .. مدموك
لسيت على وزن فيك .. بيديك
في تناقض تقول في العنوآن قصيدهـ وفي اخر الموضوع تقول خاطرهـ مـآ عـآد درينـآ
ننقل الموضوع الشعر النبطي ولا نقله منتدى الخوآطر
اشكرك وصحت لسـآنك مرهـ ثانيييه

ييدري بيدري ، ومايدريك لعله درا .. !!

الله الله ، صح لسانك ياناصر ..

بطبيعة الحال لايعرف الصاحب الا الصحيب على قولتك .

اعجبتني الابيات بغض النظر عن القافيه والوزن .

وأتمنى ان تكون وصلت اذا كان هناك هدف معين لها .

فالك التوفيق والنجاح ونجاح من تحب ..!!

دربك خضر

ياسلالالالالالالالالالالالالال الالالالام

شكرا لك يا من رد .
خاطره قصيده شعر
سمها ذكرى مزوح اللي تسمي
انت بو خظر الطعون وسمها
انت يا سيد البها سيدي وعمي
تنثر ايامي عبث وتلمها
انت همي ول يا محلاك همي
انت ياملح السنين وطعمها
ان خذتني عنك عين(ن) ما تسمي
بلعن الدنيا ابوها وامها ؟

لا تنهبل عندي سواليف وهبال
والنفس عندي يعلم الله خافيها
ابطش بها فرسان رجال رجال
واخوفك وتصير تمشي بتاليها

المنتدى ياناس ما فيه شعار
كلن يحاول يختلي في جهازه
انا ادور ترتفع فيه الأسعار
والظاهر انه انتهى كل قازه

يا منتدى يا غالين فوق هالراس
يا منتدى ياغالين في مقامه
شعارنا صارو طواريق واجناس
والشعر متقوقع ولا فيه هامه
حطو لهم محازيب واجراس
متخصصه في شي ماله وسامه

يا ديرتي ذكرا دخيلك تمشيها
حزين لجلك ومفارق الخلان

يا ديرتي بلقرن تكفين مثيها
على خدودي مث تمره بخصفان

شفي ديارك روح والعين بعميها
ما بغى اشوفك عز واروح فرقان

شفت العرب اهمال وانتي تباريها
من حب ديره مثيلي للحين ما بان

يا ديرتي بلقرن يا عز معميها
يا لي خلقتي شي سموه انسان


باللهجه القرني / المش هو الغسل
مثيها/ يعني امسحيها
شفي /يعني نفسي
اهمال /يعني خرقه باليه ( هماله )

ما ابغى اكون انسان في كورة الآرض
الا اذا منه خلقني الرب قرني

احيا واموت بديرتي واصلي الفرض
عيشت ملوك وحاسدي زاد قدري

بلقرن ديره حاميت دين والعرض
فيها رجال الدين من رب يدري

لو لي قرابه عند ربي بلغي الموت
سبحانه المعبود هو خالق الكون

ربي وعالم بي متى حزة اموت
الله يعرف الغيب لو كان مكنون

مقرون في توحيد الآه الكون بـر الوالديـن
حقوقهم وصى بهـا رب المـلا لازم تكـون


يالآدمي حافظ علـى وصايـا رب العالميـن
خصوصا امه ويا اباه اليـا رآهـم يكبـرون


على الليان يصير دايم ياخذ الفعـل الحسيـن
ولا يقال الشاقـي اللـي والدينـه يشتكـون


لـزوم نكـون لوالدينـا بالحيـاة ملازميـن
فلا نفارقهـم ولا نقسـى عليهـم يحزنـون


مضى زمانن لجلنا سـود الليالـي ساهريـن
حتى تجيهم ساعتـن اليـا تعبنـا يتعبـون


مشوا على نار الشقا من شاننا يـا غافليـن
اقدامهم على صليف الشـوك تاطـا يلتعـون


عقوقهم ضمن الكباير يا عرب فعلن مشيـن
حذاري يا فتى كبير الذنب في بالـك يهـون


ترا سليم الدين دايم ماسـك الحبـل المتيـن
حريصن ياخذ في دليل الشرع ما قيل مغبون


يفوز في رضى الرحيم ويجني اثمار السنيـن
لاصار بوافي البريره دوم اولاده يصلحـون


ثلاث حقوق الام قاله صـادق النبـا الاميـن
رسول الناس جانا في سورة تبارك والماعون


رقى على المنبر خطيبن واقفن وقـال اميـن
يعيدها ثلاثن والصحايب صـاروا يسمعـون


تنادوا يا رسولنا عسانا في عصـرن يزيـن
قال الخساره للذي على المعاصـي كالزبـون


عنيد مخالفن مسار الشرع ذا ضعيف الديـن
فـلا تماكـن الجنـان بوالدينـه باقـي دون


ترا الفتى على المعاصي مستشرن ما يليـن
فلا يفيده في صدوده غير مكسور الغصـون


عسانا يا مليـك الكـون بالهدايـه ثابتيـن
هذا رجانا يا عظيم الشان جودك خير عـون


مسارنا على الصراط المستقيـم بكـل حيـن
ربي ترا ساعاتنا تمضي كما شوف العيـون


على زوال الروح والفرقا لنا فانـت المعيـن
اوامرك تمامها ما بين الكاف وبيـن النـون


حنا عبـادك طالبينـك نادميـن وخاضعيـن
ذنوبنـا يـا ربنـا كمـا ملاييـن الديـون


ربي تجاوز عن زلاق اقدامنـا لـك تايبيـن
رضاك وفردوس العلا نريدها باحلا سكـون

غربة حقيره تشتفي ب أضعف الناس
وقوه غريبه تسترق قو طالبها

فيها انحرمنا لذة الحب واحساس
والمشكله محدن عرفناه غالبها

عن ديرتي محروم واقول لاباس
يا لعن أبو قلبي دايم يعاتبها

احساس عندي بديرتي قل الآحساس
احساس ظالم فكره انه مكافيها

ظالم لآنه ما درى بروحي احتاس
وشلون ينصف روح تعطي وظالمها

هي ديرتن في وصفها تشغل الناس
ارضن رسول الله بالقول جاملها


ديرت هل المعروف بالقرن مقياس
مذكورتن في الارض والدين شاملها.

يجي من آخر الدنيا صدى صوت خفي مكبوت
يصيح يقول: وين الحب ؟ ومثلك خانق صوته

ولكن صوته الخافت .بنى وسط القلوب بيوت
تطيح بيوت هالدّنيا .وهو ماطاحت بيوته

تذكّر صاحبك وارجع.تقرّب له ولو بالصّوت
حرام .تضحّك الدنيا عليه. وتطلب سكوته !

على آخر نفس واقف...تجي..ولاّ يجيه الموت
واشوف الموت أحرص منك. وأشوف انّك تبي موته

وأخاف إنّك بعد موته .تحنّ .وتفتح التابوت
وأخاف من القهر.. يقفل بوجهك . باب تابوته

بتبكي والنّدم قاتل ..معاد يفيد .فات الفوت
تبي تفسير لحروف. على التّابوت. منحوته

حروف خطّها بيده قبل تجفى وقبل يموت
لحن . غامض . لمعزوفه . يتيمه . مالها نوته

بترجع لآخر الدنيا ..لمصدر صوته المكبوت
تبي تلحق بقايا الصّوت.( تطمّن) . ماهو بصوته

بروح لآخر الدّنيا .عسى ماينقطع ذا الصوت
أحسّ إنّه يناديني وأحسّ إنّه صدى صوته

رجوعي كان متأخّر. سبقني قبل أجيه الموت
عسى ربّي يسامحني مدام "إنّي" سبب موته

وبدخل في قلوب الناس وله في كلّ قلب بيوت
بعوّض حبّه بحبّ القلوب. وبسكن بيوته

وبصرخ فوق تابوته بصوت خافت مكبوت
ولكن.. من يفسّر لي حروف فيه منحوته؟

يعيش الناس ماعاشوا. وتبقى( قصّة التابوت)
قفل في وجهي (العالم) . بقفلة( باب تابوته)

بصيح. وبختنق. وابكي . ولكن بعد فوت الفوت
عرفت الحين ليه ..آخر رساله.. كانت النوته

(..أنا بالهجر عذّبته.. ولا حنّيت قبل يموت
وهو بالموت عذّبني .. عذابي كلّه سكوته ..)

شاعر صح ماهو شاعر روايا