[frame="2 80"][poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا من نويت الطيب ما من دونه أقفال وحجاب=لكن من دونه دروبٍ تجهد الرجل اللبيب
أبدع كلامي من حسانٍ لا يمج ولا يعاب=يا رب تهديني وتجعل لي في الحكمه نصيب
نفسي قنوعه ولحقوق الغير ما سال اللعاب=ما راعها لو تسمع الصوت النشاز ولا النعيب
يا صاحبي ما عمري اهتميت من رقي الصعاب=من يطلب العليا ترى ما قال انا دربي صعيب
من قال كنت أمضي ديار ذياب تحرسها الذياب=ما كل من جر العوا يا من سمع للصوت ذيب
بيني وبين الكفو ما سليت سيف ولا حراب=وأنا على ابن العم ما كنت المغير ولا الحريب
أميز الهدات جت من صقر وإلا من عقاب=ما كل من رام القنص في هدته صاد ويصيب
يا زين من جا بالجزال ولا يحرف بالكتاب=وإذا تكلم ما يجي في قوله اللفظ المعيب
بعض البساتين ارتوت لو مرها نفحة ضباب=والبعض ما تروى ولو ماي النهر فيها صبيب
من ينفتح قلبه على الدنيا كمن يطرد سراب=يا صاحبي وش لك وللدنيا وكن فيها غريب
تبكي على أيام مضت من بعد منك الرأس شاب=وأنت الذي ما كنت قد عديت لايام المشيب
يا شين من دلس وهو يقدر يعالج بالخضاب=أعيش وقتي مع يقيني كل ما يأتي قريب
يا من يفرط موقفك ما بين مخلابٍ وناب=ما يرجع الفايت إذا فاتك ولو طال النحيب
يا كل مسرف تب إلى الله وأعمل ليوم الحساب=لا زال لك في العمر فرصه كن على نفسك حسيب
نحضر لميدان الشرف ميدان عنه الشر غاب=ومع النشاما للجمايل نحتضيها ما نغيب[/poem][/frame]