[poem=font="Simplified Arabic,6,darkblue,bold,italic" bkcolor="burlywood" bkimage="" border="none,8,gray" type=2 line=0 align=center use=ex num="0,black"]
آسف آخيراً عرفت ان الخطا فعلاً خطايه=بعدما حللت معنى الكلمه اللي قلتها لي
احسب انك يا معاتبني لك اهدافٍ وغايه=وان من يلقى العتب من صاحبه ماهوب غالي
جيت اقول الك انتهينا واعتبر هذي نهايه=مدري انك تزرع الحنظل ويطلع فيه حالي
مارجعت إلا وانا ممنون في قمّة رضايه=ماكذب من قال وسّع خاطرك خلك شمالي
ليش انا استعجل عليك وما استخير في البدايه=وانت من يقدح شرارة غيرته 0 حتى ظلالي
باطله بيني وبين القلب في مثلك وشايه=لايطاوعني لو احكي له ولا آطيع ان حكى لي
كل ظنٍ فيك يشبه وقفتي عند المرايه=يمكن انسى احيان لكنّ الاكيد انه خيالي
ولو تقول ان المحبه مايقدّرها سوايه=قلت وإلا يوم حبيتك تظنه من هبالي
يامسامح هو بقي عذر اعتذر وإلا كفايه=ادري ان اكبر عدوٍ لي في الدنيا انفعالي[/poem]