كلنا نعلم كم نحن في خور وضعف ونعلم حالة التخدير التى اصيب بها عملاق الجهاد الذي حوصر بتهم الارهارب في العالم .

نرى بعض الاحيان مشاهد للظلم الواقع على المسلمين ونتفض خمس دقائق نسب الحكام العرب ونتهمهم

بالخيانه والبعض مسوي قوي ويكفر ويذبح اخوانه المسلمين المهم في الاخير الكل ينخم

ونقول ما في ايدينا شي وترجع حليمة لعادتها القديمة .

ندخل للقصد.

تعالوا نرجع ريوس شوي تخبرون فتنة 11سبتمبر كيف كان الامر جلل على المسلمين والحمدلله دخل في الاسلام كثير ونحن ولا سوينا شي لكن ربك راد

طيب وش رايكم تحطون النمرة في الواحد وتتذكرون الدانمارك وما قامت به من اساءة لحبيبنا وسيدنا محمد

عليه افضل الصلاة والتسليم وقمنا نسوي بعض المقطعات وبعض الحركات الحلوة وكان التفاعل يعني كويس والحمدلله ولكن كانت سبب ايضا في دخول الكثير من اهل الكفر للاسلام والحمدلله

اقول خلونا على تماتيك وتعالوا طوالي على الصين .

الصين الحين فيها اخوان لنا يظلمون ويعانون من التعذيب .

شوفوا لنا حل ياخوان ....

طبعا على مستوى حكومات بدري عليهم يسون شي هذولا الصين يلعبون كرتيه لكن فيه شي يخلي

عيونهم تتعدل هذولا البوذيين نحن في شهر رمضان فلا تنسون اخواننا في الصين من الدعاء

وذكروا الائمة بهم في المساجد كل واحد يروح يهمس في اذن امام المسجد ويقوله لا تنسى الدعاء

لاخوانا في الصين ....

ترى المسلمين اللي هناك اخوانكم وعلانا شرهة منهم .


فيه علاج جميل لمثل هذه الامور التى تضيق الصدر الآ وهي قول الرسول صلى الله عليه وسلم : " عجبا لأمر المؤمن إن أمره كله خير ، وليس ذاك لأحد إلا للمؤمن ؛
إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له "


وهذه تسليه ثانية تستاهلونها قوله عليه الصلاة والسلام : " لا يصيب المؤمن هم ولا غم ولا حزن ولا مرض ، حتى الشوكة يشاكها إلا كفر الله بها من خطاياه "

ربكم كريم ورحيم و مدبر للمسلمين ولدينه .