[poem=font="Simplified Arabic,6,darkred,bold,italic" bkcolor="silver" bkimage="" border="none,8,gray" type=2 line=0 align=center use=ex num="0,black"]
يا اهل جده واسمعوني ياهل الشرقيه=ماعلى الجودي جرى بامره وهو مجريها
والخبر على الهوى يكفي عن البرقيه=والاشاره واثق ان الاذكيا تكفيها
لوّ من له حاجتين وواحده مقضيه=يمكن ان الثانيه على سعه يقضيها
ليش ماقلتيه لي يا احلامي الورديه=قبلما اتعب والقدم بدروبك آمشّيها
ليته الموضوع قرني عاشقٍ قرنيه=واعتبرها بس فترة عشق وآعديها
كلما ارفع بعضهم بالشور قبل ايديه=يشكر القشه على الانقاذ ويحيّيها
ليش لا مالي هدف سامي وطيبة نيه=لكن الانذال باسمٍ ثاني تسمّيها
والذي تنساه ظمن العالم المنسيه=يرسل اخباره مع الاشباه وتوديها
الشعور بنقص بعض الناس والدونيه=تجعله في حالة ما ينحسد عليها
تجده في كل يوم يختلق قضيه=والسبب معروف ليش يحاول يسويها
يعني انتوا ليش ما اهتميتوا اصلاً فيّه=والنشاما كلما تذكر يعذرب فيها
والله ان يبقى في الانياب سم الحيه=وانت بسم الله عليك مجار يا واطيها
صدّق ان افضل حلول وتسلم الاذيه=ان بعض الناس حتى وجه ما تعطيها[/poem]