[poem=font="Simplified Arabic,6,blue,bold,italic" bkcolor="orange" bkimage="" border="none,8,teal" type=2 line=0 align=center use=ex num="0,black"]

اسمع وانا لازلت ابو سبع السنين او الثمان=عنه وقالوا لي تراه اغلى من الكنز الثمين
خالي من العذروب ومنزه عن العيب ومصان=والناس من يعطيه وإلا ياخذه يظل دين
ورحت ادوّر عنه واسأل من مكان الى مكان=والدرب حلم وكل خطوه فيه خطوة حالمين
والبحر مايضمن لراكب موجته بر الامان=لكن طموحاته صنع منها مجاديف وسفين
هو امتحان وفي حياتي ما رسبت في امتحان= وقلت اجرب مره 0 او ماهيب مره0 مرتين
وكبرت وإلا ماكبرت اللي كبر هو الزمان=مدري ولكني اذا عديتها حول اربعين
يالله عليك الاتكال ويالله انت المستعان=عني على قول الحقيقه وانت ماغيرك معين
الكنز ويش اغلى منه ظهر لي المخفي وبان=لكن بصوره ماهي اللي في خيالي من سنين
غلطان ياللي تحسب انه شي واضح للعيان=عند الشدايد لو تجرب بعضهم يمكن يبين
كنت احسبه فيهم جميع فلان 0 وفلان 0 وفلان=واثر الوفا في بعض ربعي والعدم متشابهين[/poem]