[poem=font="Simplified Arabic,6,sienna,bold,italic" bkcolor="skyblue" bkimage="" border="none,9,red" type=2 line=0 align=center use=ex num="0,black"]
الساعه اللي تطالعها مابين الحين والحين=لاتشغلك والهوى نديمنا والليل توه
وإلا انت لك راي في هذ المسا اللي يجمع اثنين=ماينشغل باله إلا بالهوى من عاش جوه
والنار في ليلة شتويه اشواق المحبين=لو كان جمر الغضى ما ادفاك يابردان ضوه
الفرصه الحلم لا تصنع لها ريش وجناحين=ان طارت العمر كله بعدك اوحشني خلوه
اما انها اكثر من العامين وإلا حول عامين=وانا الذي شغله اللي يشغله ليته ولوه
عفواً0 نواصل حديث الورد قل لي بس من وين=جمعت هالباقتين ونالت اعجابي بقوه
اثره هنا غير ماهو مثله اللي في البساتين=في بيتنا مزهريه شكلها عندي تشوه
الله يهنيك يالمهدى اليه بحب مهدين=ولا يوفق عواذيلك قليلين المروه
ادري من اول رساله وجهتها العين للعين=ماتشبه البارق اللي مايبل القاع نوه
لكن وش اللي يوقّف ساعة ايدك عند ثنتين=ان كان عندك لهذي حل قل لي ويش هوه[/poem]