[frame="2 80"][poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا إلـه إلا الله المبتدأ عـدل(ن) ونــور = يـالله وفقنـا ويـسّر لنـا الدرب المنيـر
ولا إلـه إلا الله الواحـد الحيّ الغـفـور = كلمة التوحيد وبهـا مـن النـار أستجيـر
ولا إلـه إلا الله الخالـق الحـق الشكـور = جلّ شأنه خالـق الكـون وبخلقـه بصيـر
ولا إله إلا الله علاّم مـا تخفـي الصـدور = جَلّ رب العرش والملك ذو الطول الخبيـر
ولا إله إلا الله فيها النجـاة مـن الثبـور = خاب مـن عنهـا تنحـى ويتبـدل بغيـر
ولا إله إلا الله فيها الخلاص مـن الغـرور = كيف تتكبـر ومنشـاك مـن مـاءٍ حقيـر
ولا إله إلا الله أنجـو بهـا يـوم النشـور = تذهل المُرضع ومن هوله يشيـب الصغيـر
ولا إله إلا الله سارت مـعَ فلـج النحـور = كلمـة يُكتبْ لها النـصر في يـوم النفيـر
قوم نوح استهزؤا به ولجـوا فـي نفـور = ألف عام دعوته تنقـص الشـئ اليسيـر
السمـاء ترسـل مطرهـا وللتنـور فـور = والهلاك اجتـاح كـل الـذي دب ويطيـر
عاد تتباهـا وتسكـن بشاهقـة القصـور = حين لاح العارض استبشروا غيثٍ مطيـر
قوم هـود أهلكهـم الله بالريـح الدبـور = ثم صاروا أشباه لأعجاز من نخـلٍ خويـر
أين من شادوا منازلهم بجـوف الصخـور = صيحة وحده قضت ع الصغير مع الكبيـر
في ثمود المكر والبغي مـع ظلـمٍ وجـور = عقروا الناقـه وقـد بيتـوا قتـل النذيـر
الهلاك يحل والشمس في وقـت الظهـور = بعد ظلم وجور كان السبب في شِرِب بيـر
رحل إبراهيم مـاذا حصـل بعـده ب أور = حلّت الويـلات والجـوع والـذل المريـر
وقوم لوط اللي لهم في الورى ظلمْ وفجـور = بدلـوا الفطـره ويأتـون بالفعـل النكيـر
الهـلاك يعمهـم كلهـم بعـد السـحـور = أهلكوا بالحاصب وساروا لسـؤ المصيـر
غطرسة فرعون جرتـه لأمـواج البحـور = والهلاك انظـم فيـه المشـاور والمشيـر
أيـن من سـادوا وشادوا على مر العصور = أين من شاد الهرم والخورنـق والسديـر
تبني العش الحمامـه بمدخـل غـار ثـور = والبصر يرجع عن الغار مكسـور حسيـر
الصبـا هبـت تدمـر سكنهـم والقـدور = يوم الأحزاب الهلع دب مـن قبـل المسيـر
أين من كانوا مع المصطفي في كل شـور = مثل أبو بكر وعمر مثـل طلحـه والزبيـر
أين من كانوا مع المصطفى أُسُد وصقـور = مثل حمزه وعلي مثل مصعب بـن عميـر
لـو تصدقنـا الملايين طـور بعد طـور = ما بلغنا مـد احدهـم ولا حتـى الشطيـر
أين من للجيش قائد كما الليـث الهصـور = أين خالد والمهلّب وموسـى بـن نُصيـر
أين من سـاد الممالـك مساهـم والبكـور = أين هـم حجابهـم والحراسـه والوزيـر
لا يغرك كـل جبـار فـي حكمـه يجـور = حتى لو يلتف من حولـه الجمـع الغفيـر
أين من بالمـال والجـاه مغـرورٍ فخـور = ما اعتبر من خسف قارون ذو المال الوفير
أين من حوله حراسـات وأقفـالٍ وسـور = خرّ سقف الدار من فـوق وانهـد العميـر
كم هلاك أقوام مـن هـول بركـانٍ يثـور = أو عوات أمـواج ثـارت بزلـزالٍ خطيـر
من يطيع الواحد الحـي يغشـاه السـرور = ومن عتا عن أمر ربه هلك ما لـه نَصيـر

ومن يروم المجد مـا رده اليـوم الحـرور = يطلب العليا ولا يغمـد السيـف الشهيـر
خاب من فرط وسوف ومن لـف ويـدور = غافل عن ذكـر ربـه غداتـه والعُصيـر
من يقول أنجـو بفعلـي فندمـانٍ خسـور = رحمتك يا رب تشمل بهـا العبـد الفقيـر
اجتهد في الخير ما دمت في سن الزهـور = شد حيلك وأعمـل ليـوم شـره مستطيـر
نطلب الرحمن فضلـه ورزقٍ لـن يبـور = من طلب غيره خسر ذلّ ما له من ظهيـر
يالله ترزقنـا بجنـات فـردوسٍ وحــور = قد ينال المبتغى مُسـرج الخيـل الضميـر
البدع تلفي علينـا كمـا أسـراب الطيـور = سم قاتل دب في الجسم والملمـس حريـر
المصـائب مدلهمـات بكلـوم وكسـور = رحمتك يا رب يـا جابـر العظـم الكسيـر
في أمور الدين لا تستمـع مـن قـال زور = وأحذر تخـاوي سفيـهٍ يجـرك للشفيـر
قدوتك في كل صادق علـى دينـه غيـور = ومن يقوم الليل ويصـوم باليـوم الهجيـر
يالله جنبنـا الفتـن والمزالـق والشـرور = واكفنـا يالله لفحـة لظـى والزمهـريـر
الليالـي بيـن خلـق الله تلـف وتــدور = والليالي بالمصايب كمـا الجيـش المغيـر
الزمن قد بان لـك فـي وروده والصـدور = إن صفا لك يوم لا بد لـك ظهـره يديـر
موطن الشبهـات لا تبتـذر فيـه البـذور = والحساب تُناقشه في العظيم وفـي النقيـر
عُذت بالرحمن من حال حـور بعـد كـور = جَلّ من كل البشر في انكسـارٍ لـه يسيـر
نطلبك يا ربنا في رضـاك وفـي الحبـور = واستجرنا بك من النار يـا نعـم المجيـر
كـم نقصّـر والعمـل دوم ينتابـه فتـور = والرجأ في رحمة الله فـي اليـوم العسيـر
يـوم تتبـدل بـه الأرض والعليـا تمـور = والجبال الراسيه خوف من هولـه تسيـر
يا من أمهلك الله وصرت في سـنٍ وقـور = تستمر بمنهج الغـي مـن بعـد النذيـر!
خل في برنامجـك يـوم للموتـى تـزور = يا عسى تتذكـر الحشـر واليـوم الأخيـر
الزمن يطويك والعمـر دايـم فـي حـدور = شكرك لنفسك وكفرك لغيـرك مـا يضيـر
إن بقي في العمر ساعات وأيـام وشهـور = الرحيل يجيـك مـا لـك مفـر ولا مطيـر
احذر يصيبك جزع واذكر أيوب الصبـور = أو تذكر صبر يعقوب حتى أضحى ضريـر
كل ما جا في الصحف والكتاب وفي الزبور = كلها تدعـو إلـى الواحـد الحـي القديـر
جَلّ من وحـده تكفـل بتصريـف الأمـور = الكريـم الهـادي بنـور هديـه نستنيـر
ولا إله إلا الله اللـي بهـا فسـح العبـور = للصراط اللي نُصب من على متن السعيـر
والصلاه تترا من الله عدد ما في السطـور = من حروف ومن مدادٍ على الهادي البشيـر
ولا إله إلا الله تبقى علـى مـر الدهـور = أبتدينـا وأنتهينـا بهـا والعـلـم خـيـر[/poem][/frame]