][®][^][®][بسم الله الرحمن الرحيم ][®][^][®][
~*¤ô§ô¤*~السلام عليكم ورحمة الله وبركاته~*¤ô§ô¤*~
اقتربت الأجازة السنوية وقلنا نرحل للديرة نبرد فيها شوي من لهيب الحر والرطوبة ومرينا على السوق قلنا نشتري لاهل الديرة مكاسي لكن بصراحة شفت أشياء صراحة ضايقتني كثير يمكن تتوقعون أني اقصد التبرج والحركات البطالة حقت البنات والشباب واقول هذي ماهيب غريبة هذي للاسف موجودة من زمان وتعودنا نشوفها مع اللاسف في أي سوق مانقول الا الله يحفظنا بحفظه.....
لكن اللي شفته أمس نوع جديد من قلة الحياء والعياذ بالله ولو أن ألأمر مر علي مرة أو مرتين كان قلنا هانت لكن دخلت أكثر من عشرين محل او أكثر وهذا السيناريو يتكرر أمام ناظري وتحت مسمعي يمكن تشوقتوا تبغون تعرفون وش هالشي الجديد وأتوقع مو جديد ولكن ممكن مأحد تكلم عنه من قبل وحبيت أشوف رايكم في الموضوع الموضوع الله يسلمكم هو السوالف اللي تصير بين الحريم وأصحاب المحلات وفلة الحججاج والضحك بسبب وبدون سبب وليتها تقتصر على المكاسرة المختلطة بالمداعبة لكن سوالف مالها داعي لا بالسعر ولا بالبضاعة والمبسوط ابو يمن اللي احتلوا المحلات اللي يجيب لك بضاعة من الصين والهند ويقولك لنها من فرنسا وايطاليا ويوم تقلبها وتشوفها مكتوبة "made in China" يصر الاخ على انه مو بغلطان .....
عموما مارايكم في هذا الموضوع؟
ماهي الأسباب من وجهة نظركم؟
ماهي الحلول؟
كيف يمكن ان تصل هذه الأمور للمشايخ والدعاة لنبذها والتحذير منها؟
شكرا
تعليق