[poem=font="simplified arabic,5,white,bold,normal" bkcolor="darkred" bkimage="" border="none,4,gray" type=3 line=0 align=center use=ex num="0,black"]
انا فــوجــيت بــبن الجار والجار له حق كبير=
يطرق الباب قبل ايام ويقول يبغي خمس ميه=
قال هت خمس ميه واعتبرها سلف والا تلف=
لفت انظاري ابن الجار متغير(ن) طبعه وشكله=
لابــس الجنز والقبوع وبجنبه الأيمن بكيت=
قلـت عندك وظيفه قال عاطل ولا عندي وظيفه=
قبـــل عامين اخذت الثانويه وادور واسطــه=
قلت رح مكتب التجنيد واكتب وسجل عسكري=
قال حاولت واعطوني نماذج وقالو كشف طبي=
كــتبو لي في التقرير ماني طويل ولاقصــير=
والتمح فيه الدكتور واختم على اسمي ختم رسمي
غير مقبول لن الوزن ماهو خفيف ولا ثقيل=
قلت ياصاحب المطلوب ماقلت لي وش لازمك=
قال با روح انا واهلي ونعمل سياحه داخليــه=
ابغي الباحه والطايف وجده واريد ابها عسير=
قلت يا بن الحلال الخمسميه تكفي قوت ليله=
اربعين الف ماتكفيك مادمت صاحب عائلــه=
بين الأسواق وانواع الشقق والفنادق والملاهي=
والسياره غلي مصروفها والمعيشــه غاليــــه=
قال يا جارنا لاعد تحقق معي وابغي الدراهم=
قلت مديون دوبي جبت صالون من عبداللطيف=
اشتريته على التقصيد والبيع كاش بنصف قيمه=
الدراهم قليله ودّي اقضي بها بعض الديــــون=
والمدارس على الأبواب والمدرسه تبغي مقاضي
لو معي نقد عشرين الف وزّعتها علمكتبــــات=
ادبر الجار من عندي يهنهـــن يدينه في جيوبه=
اسمع يقول جده غير والطايف احلى لي مصيف=
واسمع يقول يابن عزيز في كل عام وصيفك ابها=
واسمع يقول جو الباحه احلى لكم واحلى لنا=
قلت له لاتروح بعيد والطايف اظنه حلالــك=
تقضي العمر حول شهار ومن الحويه للشفا=
واطلب الله فـــي التوفيق ويحلّهــا حلالها=[/poem]

تحياتي