بسم الله الرحمن الرحيم

السلام عليكم ورحمة الله وبركاته

اللهم لك الحمد على ما قضيت ولك الشكر على ما اعطيت ونستغفرك اللهم من جميع الذنوب ونتوب إليك.

(المرثيـــــــــــــة)


[poem=font="traditional arabic,7,darkred,bold,normal" bkcolor="transparent" bkimage="backgrounds/1.gif" border="none,4,gray" type=2 line=0 align=center use=ex num="0,black"]
سبحان من بيده صروف المقادير=من خلقه الدنيا ليوم القيامه
الحمد له في كل ما صار ويصير=مهما يقدر ما تجيه الملامه
يا رب سامحنا على كل تقصير=القلب يحزن والدموع العلامة
نبكي رحيل اهل الوجيه المسافير=فهد وخياته وجيه الكرامه
حلو جوار المصطفى حزة عصير=عليه من ربي صلاه وسلامه
انا اشهد ان القلب يفقد هل الخير=اللي لهم في صفحة الطيب شامه
فهد فقيده يا لرجال المناعير=الله حسيبه فيه دين وشهامه
سمح السجايا فيه رحمه وتوقير=طلق المحيّا ما علته الجهامه
غذّاه ابوه الدين من يومه صغير=على كتاب الله وحب الإمامة
إلى تلا القرآن حبّره تحبير=وإلى حدا بالصوت قلت السلامه
هذي حياته ما مشى سكة الغير=ماهو خويٍٍ للردي والهلامه
الوجه شفته فيه بسمه وتنوير=يا لله عساها من بشاير ختامه
يا لله يا رحمان يا رازق الطير=ارحم فهد في القبر واعطه مرامه
وارحم خواته واعطهم خير تبشير=قبل الحساب وقبل يوم الندامه
اخته وعد واخته روان الغنادير=اهل العفاف اللي عليهم وسامه
اجعل مقابرهم رياض وازاهير=وروح وريحان بدار المقامه
يالله يا جابر قلوب مكاسير= اجبر قلوب كسرها في تمامه
صلاة رب الكون ما قيل تكبير=على شفيع الناس يوم القيامه[/poem]



والحمد لله على كل حال