[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


يا خاينه كل المواثيـق وش صـار=من علمك فـن الخيانـه وجـراك
عيب ٍ عليك اللي تسوينـه وعـار=لا صنتي احبابك ولا شخص ربـاك
من هو لعب لك لعبة القط والفـار=حتى دنى راسك ودنسـك واغـواك
ما لك وفاء قلبـك مـع الكـل يندار=مغروره بحسنـك وتهتـي بدنياك
قلبك شقق للي يـدور لـه ايجـار=حسيبك الله خافـي النـار تصـلاك
يابوالعيون الناعسه خبث واسرار=تجرح بها العاشق وتخفي نواياك
رح للي اغليته ترى القلب عذار=خلاص عفتـك ما اتـشرف بـشرواك
ما عاد لك بالقلب طـاري وتذكـار=ينداس قلبي لويجي بيوم طرياك
لاتعتذر ما اقبـل خداعـك و الاعـذار=بانت لي اطباعك وبانت خفاياك
لا تعتذر وتقول تصـريف الاقدار=وانت الـذي بالغدر مديت يمنـاك
وانا اللي اهـديتك من الود اشعار=واهديت لك قلبٍ يحبـك ويهـواك
ياما على شانك تحـديت الاخطار=وياماعلى شانك تخطيت الاشـواك
وياما على حيّك تعنّيت مشوار=شفق ٍ على شوفتك واسعد بلاماك
اول رياض القلب تنبت لك ازهار=واشعلتي النيران فيها بلا ادراك
اول دموعك كل ما ابطيت مدرار=واليوم يا دمع التماسيح ما ابغاك
اول جنون الحب تحجب لي انظار=واليوم عن عيني تجلـت خطايـاك
خلك على طبعك ترى الوقت دوار=لابد ما تبكي ندم من سواياك
جيتك في الميدان فارس ومغوار=غدرت بي واسكنت بالقلب شلفاك
جيتك خبير العوم فارس وبحار=اثرك شبيه الموج مفقود من جاك
قصر ٍ بنيته بالامل فجئه انهار=يا قلب لا ترفع على الجرف مبناك
واللي حصل كبوة جواد ٍ بمضمار=لو صرت يابحر الهوى من ضحاياك
ماني بندمـان ٍ على بعد الاشرار=الله يعوضـني ويـاسعـد فـرقـاك
لان الخيانه طبع في كل غـــــدار=قلبــه معَ هــذا وقلبه مع ذاك

[/poem]






.