[align=center]بسم الله الرحمن الرحيم
أبها[/align]


[poem=font="simplified arabic,6,black,bold,normal" bkcolor="transparent" bkimage="backgrounds/19.gif" border="ridge,6,orange" type=2 line=0 align=center use=sp num="0,black"]
نظمت القاف بعد القاف يوم القاف ما يدري= وحملته بساط الريح يوم الريح نجديه
وحملته لهيب الشوق والآهات من صدري= وقلت ارحل بأمان الله وسلم عالجنوبيه
على ذكرى فراق أبها عبرت وعبرتي تجري= على الخدين مثل النار كيه من بعد كيه
ألا يا أبها وفرقى أبها صبرت وملني صبري= قطار العمر فوتني وأنا صابر على النيه
ألا لا لا تلوميني على بعدي على هجري= ترى ما خنت أنا العشرة ولا اللي صار بيديه
أبيعك يا صحاري نجد في سوق الهوى وأشري= جبال أبها ومطلبها عسير وهي عسيريه
أنا منها أشرقت شمسي وأنا منها طلع فجري= وأنا فيها شربت العز في كاسات عصريه
وأنا و أبها إذا جاء الليل نسري والقمر يسري= على ضوه نشد الحيل في درب الهواويه
وأنا وأبها ونجم سهيل نتقابل ومن بدري= تجينا فوق بيض الخيل ذكرى أحلام ورديه
وأنا وأبها وكأس الهيل وأناجي بها بدري= وأغني له وأقل يا ليل قل تحيا العزوبيه
وألا يا قاف سر لا تخاف في درب الهوى العذري= بدرب الخير حث السير تاصل رظف عصريه
وخذ يا قاف ما قلته وعشر سنين من عمري= تعيش بها جبال أبها أموت وديرتي حيه[/poem]