[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللي مثلك يا حبيبي ما يلام =قوم وانسى الدمع وانساني معه
لا تحياتي الليل ودعني ونام=السهر ماهو بضيق الا سعه
خلني مابين كذبك والغرام=بنثره واخر طموحي اجمعه
بك ختمت الحب يا مسك الختام =واحفظ اغلى بيت وانسى مطلعه
شاعرك لاشح صوته بالكلام = ناظر عيونه كلامه تسمعه
ما ورى هاك الطعون الا الخصام=وماورى وصلك وقربك منفعه
عدني ماكنت وانساني مدام= الفراق اصبح جهاتي الاربعه
خابرك حساس وتخاف الزحام = خاف قلب(ن) به هموم مجمعه
اعتقه لله واتركه بسلام= ما بقابه عرق تقدر تقطعه
ضامي واطرد سرابك نصف عام =حالتي حاله واجامل واتبعه
كل ماطاح الامل شلته وقام = لين طحت ومالقى من يرفعه
غلطتي كنت انتظر منك اهتمام =وغلطتك بعدي ثمنها وادفعه
(لا تقول البعد والفرقا حرام = الحرام اعطيك عمر تضيعه) [/poem]

من روآئع الشااعر القريب من قلبي كثيراً:- محمد جارالله السهلي
كل القصيده رآئعه ولكن قفلة القصيده .. اكثر من رآئعه ويصعب علي وصفهـآ
(لا تقول البعد والفرقا حرام = الحرام اعطيك عمر تضيعه)