هذه القصيدة للشاعر احمد بن عطية الغامدي رحمه الله ..
وهي معنونه بعنوان :

الرجــــــاجيل

[poem=font="simplified arabic,6,black,normal,normal" bkcolor="transparent" bkimage="backgrounds/29.gif" border="double,4,gray" type=1 line=0 align=center use=ex num="0,black"]

أحمد يقول اسـم الرجاجيل واحد=الاسم واحد و العقول أطوار

الاسم واحد و المعاني كثيرة=مثل المعادن في يد البيطـــار

من له نظـــــر ثاقب يميز طباعهم=يفهم نوادرهم و لا يحتـار

فيهم كما الفضة و فيهم جواهـر=وفيهم تنك يبرق على الفخار

و فيهم كثير الهـرج من غير معنى=وسط المجالس واحد ثرثار

و فيهم كما عود العشر حين صبوته=لو تمسكه بيدك يروح كسار

فكر ترى عود العشر ما يجي عصا=أيضا و لا يشقى به النجـار

و فيهم ذهب أبريز يفرح بصاحبه=لو يخزنه طول الدهر ما بار

اصرف ذهب و خلي ذهب و اترك الردي=يا سعد منهو يربح الدينار

من يربح الدينار ينسر خاطـره=يفرح و لو مال الزمان وجـار

و فيهم ثقيل الدم علة لصـاحبه=مكاس واعماله بدون عيار

غصباً يجيب الضـــيق بينك و بينه=وليته لزلات الخوي صبار

تجـنـبه قـدام لا تـبـتـلـي بــه=وإن كنت عاقل تدرك الأخبار

خله يلاقي له لعيب يلاعبه=الجد ما بين الأحمقين عـوار

واحـد يضيف الميتين بساعته=واذا قعد يحمل سداد الثار

يغدي طريقا و المطارد يطارده=ولا له عن ضيم الرجال فرار

امشي مع رجال يحفظ مقامك=عقب الجمايل يطلب المعـذار

يا جاهل المعنى عليك بنصيحتي=إعمل بقولي واحفظ الاسـرار

ترى الفنون مقسـمة بين عشره=وما يدركهم الا واسع الافكار

الفن الاول :عـالما تقتدي به=سلك طريق الساده الابـرار

شيخ حليما يتبع العلم بالعمل=على رحابه تكثر الزوار

والثاني : وجه الندى طيب النبا=سنه ضحوك و يكرم الخطار

تلقاه راضي النفـس عجل على القرى=عبد الضيوف اكبارهم وصغار

و الثالث : قرم يفك المشاكل=لا حد ما بين الرجال اخطار

رجال فكاك النشب حزة الطلب=ما يقبل الرشوه و لا يندار

هذاك مثل النور في ليلة الدجى=يسري بنوره والليالي اعكا ر

و الرابع : اللي ينذكر بالحرايب=لا صاح قدام الرجال وغا ر

قرم رخيص الـر وح من دون جاره=يستاهل البيضاء عزيز الجار

لو لاش راسه موقفه موقف الكرم=إن كان ما هو باللقاء غـدا ر

سوق الشجا عه حقها بالمناحه=تنبيه واستعداد يا هل الكار

و الخامس : اللي ما يجيب لك فايده=يخلط ولا يربط كثير اهـز ار

اما عرفت امره يغرك بقــوله=يتوهك و يتوه الخطار

و السادس : رجال ما يبعد الخُطى=عايش على القله قليل اسفار

و السابع : اللي ضيع العمر بالهوى=ترك علوم الغانمين وسار

خسر ثلاث ما يعـوض بغيرهن=لو عاش حتى تنشف الابحار

الاوله دينه و الثانيه شـبته=والثالثه ما يحصد الابذار

اما رجع لله بتوبه نصوحه=صحيفته تصبغ بلون القار

و الثامن : اللي كثر الله ماله=واعطاه ربي كل ما يختار

ان كان من اهل الباديه يذكرونه=وإلا يعد من أكبر التجار

لكن شوره ما يفارق حليلته=مهما تديره سرع ما يندار

جبان لا يطعن و لا يندرق به=عايش ذليل ما يجلي العار

و التاسع : اللي بالعرب يزرع النشب=شايف لسانه كنه المـنـشار

رماي ما بين الصديق وصديقه=من فتنة تغدي البلاد دمار

و العاشر : اللي حط بالحال مركزه=دايم وهو في بهذله و سكار

يجري على رزقه ولما يحوشه=حالا يحول به على الخمار

يبات نشوان على الكاس و الطـرب=وفي الصبح خنزيرٌ عليه غبار

و الله لو ان الموت ياجي بخاطري=لا بيع من شكله كثير انفار

لا بيع بالفين والفين مثله=والحر ما ينباع بالشنار

لكن يا الربع المنايا مقسمه=ان المنايا تقصف الاعمار

يموت سـيد القوم من بعد ميه=قلنا خساره و العمار قصار

و النذل لو يقصر بعمر منيته=قلنا يعوض تعبه الحفار

ذول الرجال الي شرحنا فنونهم=ولنا مع الجنس اللطيف مدار

أذمهم بالقول وامدح خيارهم=لا بد ما في الغانيات خيار

خضر النواصي والأدب يلحق النسب=ولا جاك من بعد القراح عكار

و يوم يذكر بعضهنه بخاطري=أقل عسى بعض النساء للنار

أه يالنساء مسكين من يامن النساء=لو يضحكن ضحكهن قمار

ان جيتها بالضيق يلقاك دمعها=على عوارض خدها مدرار

ترضيك من غمزه وتلعب بعقلك=وتغديك لعبه بالإيدين صغار

عمارنا منهن و منهن دمارنا=ولا لنا عن ولفهن مطار

وعند هذا البيت قصرت قولي=وعندي لوصف الغانيات اسـرار

الغامدي جاب المثل بالتجـارب=لان التجارب تحسن الاشعار

من دار في الدنيا وعالج دروسها=ما يجهل المنصف من المكار

أنا الذي قاسيتها ما نسيتها=دروس ما تخفى على الشطار

شربت من كاس الهنا في بلادي=وبعد الهناء شربت كاس مرار

ومن بعدها فارقت قومي وعزوتي=واللي يغير ديرته بديار

تجيبه الايام غصبا بلا رضى=على هواها والفلك دوار

ياما ليالي بت اساهر نجومها=حتى لحق ضو الصباح نهار

شايف نذير الموت خالط عــــــوار ضي=والشيب عند الغانمين وقار

يا الله يا مطلوب تغفر خطيتي=أنت العزيز الواحد القهار

واختم كلامي بالنبي اشرف الورى=طه التهامي كامل الأنوار[/poem]