تويت
أبيات أعجبتني
**************
احبك كثر ماقد صار احبك رغم ما قد ماصار
احبـك كـثـر مـادنيـا الزعـل والصـد مهجـوره
احبك كثر ماتمطـر بصدري من غلاك امطار
احبك كثر ماصارت اراضي العشق ممطوره
احبك كثــر ماتفتـح شبابيـك الربيــع أزهــــار
احبك كثــر ماغنـت عشـان الصبـح عصفوره
احبك كثـر ماتاقف على جنب الطريق أشجار
احبك كثــر مايقسـى الشـتا وتهاجـر طيـــوره
احبك كثر مافي الارض بنت(ن) تلفت الأنظار
احبك كثــر مايرتـاح عطـر بصـدر مغــــروره
احبك كثــر ماجـاب المسـا فـي معطفــه زوار
احبك كثــر ماجـانـا صبـاح(ن) يشبهـــك نوره
احبك كثــر ماتهـدي كفـوف الوصل من تذكار
احبك كثــر ماشالـت يديـن العاشـق زهــــوره
احبك كثــر مانقـرا عن الفـارس عن المغـوار
احبك كثــر مانسمـع ولا شفنـا ولا أسطـــوره
احبك كثــر ماتلعـب بدنيـا العاشقيــن أقــــدار
احبك كثــر مـا .. ذا الحـظ دايم يعلن قصوره
احبك كثــر ماعاثــت ريـاح بحسبــة البحـــار
احبك كثــر ماالبحـــار يعشـق نسمـة بحــوره
احبك كثــر مايتلحــف اللي منشغـل باعــــذار
احبك كثــر مافـي النــاس نـاس بجد معـذوره
احبك كثــر ما ملـت قصايـدنــا من التكـــرار
احبك كثــر ما الشاعـر تمنـى حـب جمهـوره
احبك كثــر ماشفنـا علـى وجـه الزمـان آثـار
احبك كثــر مافي الارض فقر وناس ميسوره
احبك كثــر مادارت بذهـن الحالميـن أفكـــار
احبك كثــر مافـي الخير ناس بخير مذكـوره
احبك كثــر مانرمـى حكايـات الحطب للنـار
احبك كثــر ماقلنـا عن الاحـوال مستـــــوره
احبك كثــر مانجهـل متـى توقف بنا الاعمار
احبك كثــر مانسمــع حكايـا حـب مشهــوره
احبك كثــر ماضـاق السجين بلعنة الاسـوار
احبك كثــر ماهاج البحـر واجتاحتـه ثـــوره
احبك كثــر ماننسـى واحبـك كثـر مانحتــار
احبك كثــر مايسهـر محب وفي يده صـوره
احبك كثـر ماتقطع شفاتك في العسل مشوار
احبك كثـر ماخـدك يخلـي الشمـس مبهـوره
احبك كثــر ماروج عليـك الحسن من أخبار
احبك كثـر ماصـدرك يـدوخ الورد بعطوره
احبك كثر مافي عينك من السحر والأغوار
احبك كثــر مافيـك الغـلا ماوفت قصـــوره
احبك والزمـن ساكـن واحبك لو زماني دار
احبك يامدينـة حب وسـط الصدر معمـــوره
احبك والتفـت شاعر لعينك وامطرت أشعار
حلف مايمسـى الليـلة قبـل ما يكتب شعـوره
ورتبتك بصـدري وأنت تستاهل وراعي دار
تفضل قلب اوراق الغـلا وايديـك مشكــوره
تفضـل وانت لو مثلك ذكرتـه هلت الانــوار
وقمت أجمع من أشواقي قصايد عشق منثوره
تلذذ بالجمـال وقلت ابهديـك القصيـد اجـــرار
غلاك وصـدق حبـك ماترك لي نفس مكسوره
انا عاشق جمال وما خفاني في الجمال أسرار
انا لامـن كتبت اعطيك واعطي العشق بقدوره
كتبتك فـي القصيد ابيات من حسنك عليك تغار
حروف العشـق طفلـة فـي ثياب العيـد مسبوره
لقيتـك والدلـع والثقـل شلـه والحسـن ثرثـــــار
يقول أشيـاء كثيـره للعيـون ويثبـت حضــــوره
كفايـة لـو تطـل ويفـرح بطلتـك دار الجــــــار
كفايـة لـو تشوف الناس فـي نظرتـك مأسـوره
غرامك يذري حروف سقاها الصدق منك امطار
كتاباتـي تشهـد لـي غـلاك وتحفـظ عطــــــوره
احبك رغـم ماقد صار .. احبك حيل مهما صار
احبك دام انا طيب .. واراضي العشق ممطوره
واراضي العشق ممطوره
منقووووووووول
تعليق