[poem=font="simplified arabic,5,green,bold,normal" bkcolor="white" bkimage="backgrounds/40.gif" border="double,4,deeppink" type=2 line=0 align=center use=sp num="0,black"]
أبد لاتعتذر منت السبب في العارض اللي صار=أبد لاتعتذر واللي حصل كله من اسبابي
مراعاتي ضروفك علمتك تولف الاعذار=وطيبة قلبي اللي علمتك اللعب باعصابي
رح اعطاك الله اني مااطالب قاتلي بالثار=بنفس البسمه اقابل عدوي واقرب اصحابي
لاني في قرارة نفسي اقول السنين قفار=رضيت بحظي اللي مارضى للحين يرضابي
لاني كنت احب البحر ماكنت اعكس التيار=أخلي الموج يرجع بي مكاني مثل ماجابي
أنا يخطي علي الناس واسبقهم بالاستغفار=واقدر للحرامي وقفته ليله على بابي
أبد مسموح منت اول عباد الله من الزوار=مجرد خمسة احرف يحتويها فهرس اكتابي
ولا كنت اول الخطوه ولاصرت اخر المشوار=ولا كنت اول احبابي ولا صرت اخر احبابي
مادام الله خلقني مثل ماشفت ادمي محتار=فليه اعيش في جلباب غيري وانكر اثيابي
أنا الصوت الصدى همس العصافير وشذى الازهار=أشوف اني سبقت الوقت ثم انوخ اركابي
أنا السر العجيب اللي تزول بحله الاسرار=ويحضر كل شي بحضرتي ويغيب بغيابي
أطيح وتحرق الدنيا جدايل شعرها بالنار=واقوم وتوقف الدنيا على شعره من اهدابي [/poem]





[align=center]شــــــــــــــــعر
عبدالواحد الزهراني[/align]