إعـــــــلان

**attractive heart** · Apr-23-2010, 09:08 PM

يااااااااااااااااااااااااربي وربي ما قلت شي انا جد معجبه بلبدو وطبايعهم .... وانا اسأل جد عن الصوره ليش الاض كذا...

بس خلاص شكرا كل اللي بلمنتدى يفهمون غلط وانا اصلا بطلع من المنتدى والله ما تسوى علي

بحفظ الله

**attractive heart** · Apr-23-2010, 09:09 PM

واحلا شي فيكم لسانكم ومرجلتكم .... اشكرك على الابيات والايضاح

**مسامر البرق** · Apr-23-2010, 09:28 PM

المشاركة الأصلية بواسطة ابو بتول الرزقي مشاهدة المشاركة

كتبت ومسحت وعلى هذه الحالة قرابة خمس دقائق ,,,,,,,,,,

المهم انها صور رائع تدل على اصالت معدنك ورجولتك .........

اخوك ابو بتول ,,,,,,,,,

ســلام يابوبتول ســلام المحبيين
يــعل مافوقك سعيد(ن)عياده

يـالرزقي اللي للمكارم عـناويين
وبيوتك للضيف دايم جداده

أقولها بحلولك ياعز الحشامين
وأزيدها ترحيب ياعز النشامه

سـلايل رزق زعيم البلادين
وكل(ن) على خبره يعد الشهاده
أقولها وعيد مره وثنتيين
ومهما مدحتك تستحق الزياده
قولاً على افعالاً عليها براهين
مانزلت هيل الأشده شداده
صلفن على الصلفين والصلف مايلين
ويرد في هيل النكايد نكاده

ياسامعين بقولنا قول آمين
الله يكتب لبو بتول عز وشهاده
وختامها من سلامن ملايين
جعلك الله كل عام بسعاده

مرحبا مرحبا مرحبا عد وبلن انهلل وتهطل نصايبه

بوبتول لو تومي لي إيماء وإشارة بدل تكتب خمس وعشر ومليون سطر والله يكفيني فخر فيك

الله يحمي جنابك ياعزيز الغالين من طيبك يابوي وطيب من رباك تمر علي

والله ودي باشياء لك لكن الدنيا ما خلتني وان شالله يجمعني بك لقاء وحديث وسمر

أبو بتول يعلم الله كم لك بقلبي موازين ولا موازين قناطير الذهب والدنيا

الله يحبك ويجعلك محبوب عند الناس ويغفر ذنبك ويعفو عنا وعنك

لا يسعني يابوبتول وألم فراق أصابعي على المفاتيح لك شديدة وأليمة

لكن مثل ماقلت ياحايف النواميس والشرف والله يستر عليك والله يستر عليك

**شهري وبس** · Apr-23-2010, 09:31 PM

مرجله اصيله كفو0000هذا العلم الغانم والله
ابل وحليب وهبات ريح

**مسامر البرق** · Apr-23-2010, 09:44 PM

المشاركة الأصلية بواسطة attractive heart مشاهدة المشاركة

يااااااااااااااااااااااااربي وربي ما قلت شي انا جد معجبه بلبدو وطبايعهم .... وانا اسأل جد عن الصوره ليش الاض كذا...

بس خلاص شكرا كل اللي بلمنتدى يفهمون غلط وانا اصلا بطلع من المنتدى والله ما تسوى علي

بحفظ الله

بالطقاق اللي يطقك

ما احد ردك

هههههههههههههههههه

لاولا ولا

لا والله يااختي لا تخلينا ولا بنخليك

كلامي مفهوم وبعضه مطعوم بشي يعني على قولتهم أمون عليك وعلى القروم اللي بالمنتدى وأندر معهم وامزح وان ما ضحكنا بالدنيا بتعبس وتكشر بوجيهنا

انا مافمتك بالغلط لكن تعرفين جحا قالوا له وين اذنك قال بيده اليمين من ورا راسه ومسك إذنه اليسار

هههههههههههههه

طيب كان امداه يمسك إذنه اليمين لكن جحا يحب يطولها وهي قصيرة

ومن كلامك يابنوته أفهم إنك تحبين العلوم الغانمة وتحبين الطيب ياكسابة الطيب

لك مني إحترامي وتقديري وإجلالي ولا تاخذين الموقف بجد حنا هنا أكبر من إخوان ونحب نمزح

الله يبارك فيك وواصلي بدربك هذا وربي يفتح عليك ويوفقك في الدنيا والآخرة

**مسامر البرق** · Apr-23-2010, 09:48 PM

المشاركة الأصلية بواسطة شهري وبس مشاهدة المشاركة

مرجله اصيله كفو0000هذا العلم الغانم والله
ابل وحليب وهبات ريح

مرحبا ياولد شهرين

مرحبا واهلا هلا بالغالين

ما اقول الا ربي يسهل دربك ويسلمك يا بعد روحي

تسسسسسسسسسسلم تسسسسسسسسلم ولا هنت يالشهري وبس

**وردة** · Apr-23-2010, 10:10 PM

المشاركة الأصلية بواسطة عالي العماري القرني مشاهدة المشاركة

لو شفتيني أطرحها طرح وتطرحني طرح كان ونسناكم وناسه

مسوي فيها عنترة

هههههههه

بس لا تخافين منها ترا مافي أطوع منها وأشرس منها

وعلى حسب راعيها وولفه معها

ومثل ماقالوا الدين المعاملة وبعض المرات تزعلني زعل وأطقها بالقطلة لوأنطقيت بها كان أغمى علي

البل لها مشاعر لها أحاسيس تعلم المرجله والخشونه وتتعلم منها المره الحنان والعطف

ماودي أطيل عليك ياخاله هذا علمي جاك والله يستر عليك

وردة تسلمين على الحضور والله يسوي دربك

عالي ترا مصختها قال خاله قل امي احسن والله لن تعاودها ههههههههههههههههه
لو قلت جده تنبلع هههههههههههههههههههههههه يعني بعدني ابتدائي هههههههه

**مسامر البرق** · Apr-23-2010, 10:28 PM

المشاركة الأصلية بواسطة ورده مشاهدة المشاركة

عالي ترا مصختها قال خاله قل امي احسن والله لن تعاودها ههههههههههههههههه
لو قلت جده تنبلع هههههههههههههههههههههههه يعني بعدني ابتدائي هههههههه

لو قلت جده

أثرك جده وتشاركين بعكازك

هههههههههههههههههه

يعني بعدني ابتدائي

ولا يهمك بس الله الله مدارس الروضة يمدحونها تعلم وتثقف وتودب

هههههههههههه

وعلى العين والراس أنتم كلكم تعتبرون بنات حواء

حلو .............. خلاص

**مسامر البرق** · Apr-23-2010, 10:58 PM

المشاركة الأصلية بواسطة attractive heart مشاهدة المشاركة

واحلا شي فيكم لسانكم ومرجلتكم .... اشكرك على الابيات والايضاح

والله شكلك متربية بالبادية وتحبين البدو

الله عليك يابدوية ربي يخليك ويستر عليك

**attractive heart** · Apr-24-2010, 02:15 AM

لاموبدويه ومتربيه بشرقيه؛
ايش معنى قروم؟ وثلاث ارباع كلامك من اول مافهمته؛إلابطلع وخل الجمل تاكلك واشرب حليبها كمان_ولابنصحك ولابخاف عليك؛تستاهل؛ياموكلي؛

**مسامر البرق** · Apr-24-2010, 07:50 AM

لاموبدويه ومتربيه بشرقيه؛

مرحبا بالشرقاوية مرحبا شرفتي

ايش معنى قروم؟

قروم جمع قرم ومعناها المطاليق النشامى العزاز الأجواد الشجعان
أكمل والا تكملين أظنك فهمتي معنى قروم

وثلاث ارباع كلامك من اول مافهمته

والله ماتكلمت إلا عربي بس المشكلة إني مخاوي عنترة وإمرؤ القيس وتأبط شرا وهذا اللي خلاكي
ماتفهمين كلامي بس أحاول قدر المستطاع وأتكلم بالاردو إن كنت تعرفين الأوردية

؛إلابطلع وخل الجمل تاكلك واشرب حليبها كمان_ولابنصحك ولابخاف عليك؛تستاهل؛ياموكلي؛

والله حزنتيني كثير وشكلي أنا اللي بسبقك وأطلع و ياختي ماسويت شي يكدر الخاطر ماغير دردشة
مع مزوح وصلى الله وسلم

وتقولين الجمل بياكلني وبعدين تقولين إني موكلي

ههههههههههه

موكلي عايش مع ذيابة مثلي ومثلك وما خاف من شريخان كيف يخاف من الجمل

ههههههههههههههه

ياهيه والله مادري وش معرفة باسمك بالانجليزي لكن ماني بقايل لك إلا مسامح إن كنت أخطيت فيك
وقصرت بحقك فالعذر والسموحة فالعذر والسموحة

**مانديلا** · Apr-24-2010, 10:18 AM

[align=center]ونعم ونعم براعي الخلفات

بعدي والله ياعالي وجعل حظك دايم عالي

بس قبل ماتروح البيت مر العيادة البيطرية وخذ لك دوا القردان ثم رح البيت وعب البانيو مويه وحط فيه مقدار فنجالين من الدوا وبعدين تنقع فيه لمدة ساعة

لأني مجرب وكان عندي نياق وكنت أستخدم هذي الطريقة للتخلص من القردان جمع ( قراد )

تحياتي لك وترانا هاللحين في بداية الصيف يعني موسم ( الجز ) اذا كان حولك أهل نعيم مُر عليهم

تحياتي لك يابطل[/align]

**المرقاب** · Apr-24-2010, 04:42 PM

احس انك متغير كثير يابوخالد واش السالفه
ومتي جيت الديره ولا تمر ولا شي

**مسامر البرق** · Apr-24-2010, 06:40 PM

ونعم ونعم براعي الخلفات
بعدي والله ياعالي وجعل حظك دايم عالي

ماعليك الزود ياراع النواميس

ولاهنت ياخوي مانديلا زين الله فالك وعلا شانك يابعد روحي

القردان

ملاحظة مهمة بارك الله فيك

من قالك إن القرود تتشبث بالابل

القرود طال عمرك كانت قديما نعم تتشبث وأما الآن ومع خروج أبوعطفة والجثري ما عاد تصطى
وتقرب منها ومن وحيك ياخوي عرفت إن عمرك كبير وكهل وعاصرت القرود وهي تتعلق بالبل غير الله يحسن لنا ولك الخاتمة

خخخخخخخخ

بس قبل ماتروح البيت مر العيادة البيطرية وخذ لك دوا القردان ثم رح البيت وعب البانيو مويه وحط فيه مقدار فنجالين من الدوا وبعدين تنقع فيه لمدة ساعة

هههههههههههه يسعدك ربي يامنديلا

ياخوي جبت فيني العيد

يعني انا جربان والا والا
مايخالف
بس أحب أبين لك نقطة وهي

كان يمديني والله العظيم أطلع الناقة برا الشبك وأصور معها في الرملة النظيفة وكان يمديني أحتذي
وأتكشخ وأهندم روحي

بس لي مغزا وكلكم تشوفني بالصورة حافي وتحتي سور الناقة

مغزاي طول الله عماركم هو إن البل وحتى الغنم والبقر كل سورها طاهر فلعابها طاهر ودمنها طاهر
ووزرها أي( بولها ) طاهر ولا يدخله شي من النجاسة فبعض الناس إلى صابه شي من سور الحلال
يقوم يتروش بفلاش وكلوركس ويتروش سبع مرات وأولها يتعفر بالتراب وكأنها نجسة

هذا إللي بغيتكم تلحظونه من الصورة بعكس الدم فالدم معروف عنه بنجاسته هذا إن كان كثير

كأني قلبتها محاضرة فقة لكن زين إنك نبهتني ونبهتكم

تحياتي لك وترانا هاللحين في بداية الصيف يعني موسم ( الجز ) اذا كان حولك أهل نعيم مُر عليهم

هههههههههههه
يعني أنا خ ر و ف

ههههههههههههههههه

إلا وأنت صادق بروح مزارع البرسيم لأن فيه من مدح المحش والمحش طيب للي عنده نخيل ودخن وذرة بعدين بافيدهم فلما يجزون يعيدون زراعتها عندهم باسرع وقت وزرعي ولله الحمد مبارك فيه

طيب

أباخذ شورك وشور سلطان الحب والا شور الظامي

أممممممممممممممممممم

خلوني أستخير وأرجع لكم

أخوي مانديلا أبي أعرف ليش أخترت معرفك بهذا الشخص يعني بينكم نسب والا مصالح وشراكة !!!

مانديلا ياحبيب الروح عقبالي وأشوفك وأنت بصحة وعافية

ما تقصر يابطل حياك ربي ورفع شانك ورزقك من حيث لا تحتسب

ومرورك مشكور عليه يابعدي وفي وداعة الله

**احمد بن عجراف** · Apr-24-2010, 06:54 PM

يااا عالي المعالي

اسمي احمد بن (عجراف) مو(حجراف) الله يحجرفبك ياشيخ

مالك هههههههههههههههههههههههه

إعـــــــلان

تشهدت بلا إله إلا الله وقعدت تحت سمحات الوجيه عصر اليوم عشانكم عشانكم جعل عيني فدا عيونكم

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق