[align=center]قصيده لشاعر مجهول

وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!

ويقول فيها : [/align]

[poem=font="Simplified Arabic,6,white,bold,normal" bkcolor="white" bkimage="backgrounds/38.gif" border="outset,4,gray" type=2 line=0 align=center use=ex num="0,black"]
شفتها يا سعود صدفه بعد ما غابت سنين = عند قسم المختبـر وسط مشفى الجامعـه

جيتها ثم قلت ممكن في سؤالي تسمحين = ناظـرت فينـي بدهشه نظره متواضعـه

قالت انته تـحسبني من بنات صايعين = تـحسبني في زماني عن طريقي ضايعـه

قلت انا ماراح اطـول كلبوها كلمتين = وابعـدت عني شويه ثم جتنـي راجعـه

قالت اسال واضح انك من رجال طيبين = بس هرجك يالسنـافي كان وشهو دافعـه

قلت انا حبيت وحده يـوم كنا صغيرين = ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين = ساهر في طول ليلي لين شـمسي طالعـه

اذكر انه فيه حبه فـوق ثغـره من يمين = واذكر انه لاجـرينا كـن شعـره تابعـه

واذكر انـه عاشـق الورد والياسمين = وصار قلبي بالـورود اللي عشقهـا زارعـه

طابعا اسمه بقلبي فيه (سين) وفيه (عين)= وفيه (الف) وفيه (دال) وسط قلبي طابعه

قاطعتنـي بقولها سبحـان رب العالمين = كـررتـها مـره .. ومرتين .. ورابعه

قلت وشفيك وشبـلاك يابنيه ترجفين = ليش عينك يابنيـه من كلامـي دامعـه

قالت الموقف وقلبـي والمحبـه والحنين = كيف اشوفك بعد ماكنـت عنك قانعـه

قلت انا بسألك ان كانك انتـي تذكرين = عن مواثيـق ثـمنها من حياتـي دافعـه

قالت ظروف الزمان ماتطيـع العاشقين = بيعونـي غصب حبك لو هو ماني بايعـه

انا في دنياي حالي كنهـا حال السجين = حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين = السعاده فـي زمانـي والحيـاه الرائعـه

والحين انا ام لثلاثه ريـم وياسمين = والولد اسمه على اسمك والمشاعـر جايعـه ...!! [/poem]
[align=center]:

:

:


كل من نقلها نسبها لشاعر مختلف وشخصية الشاعر غائبه لا يعرفها إلا الشاعر نفسه او من يعرفه ..

ولعلها قصيدة المعلم اللي يقولون انه تعين في ديرة فيها حبيبته التي تزوجت قبل 8 سنوات

وكان ولدها يقولون انه ابو سبع سنين ( ويدرس في اولى ج ) في المدرسة اللي تعين فيها المعلم


ويقول فيها : [/align]
[poem=font="Simplified Arabic,6,black,bold,normal" bkcolor="sandybrown" bkimage="backgrounds/17.gif" border="double,4,teal" type=2 line=0 align=center use=sp num="0,black"]

مرت ثمان سنين حل ٍ وترحال = مرت ثمان ٍ كلها مِدلهمّه

سألت عنها سنين وشهور وليال =ولا فيه فج ٍ غير وجهت يمه

وبعد الثمان اللي تعبها شقي الحال = جاب الزمان الكارثة والمطمه

جاني ولدها يبتسم بين الأطفال = ومن بسمته ذكرت أنا بسمة امه

شفته وصاحت داخلي كل الآمال= وصوت ٍ عجزت بكتم الأنفاس ألمه

واستلهمت نفسي مقاديم الأهوال = وتم الضياع ووكدت لي متمه

ساعة حضنته والطفل في يدي مال = وشميت ريحتها على أطراف كمه

والحين بنت الناس في بيت رجال = وحب ٍ على غير الشرف لي مذمه

برجع غريب ٍ سكته بر ورمال =يموت , يحيا , يندفن , مايهمه ..!! [/poem]:
[align=center]
:


قصيدة للشاعرة عابرة سبيل (( رحمها الله )) عندما كانت تسير وسط السوق فعرفها حبيبها الغائب ..

وتقول فيها [/align]:

[poem=font="Simplified Arabic,6,blue,bold,normal" bkcolor="white" bkimage="backgrounds/5.gif" border="outset,4,red" type=2 line=0 align=center use=ex num="0,black"]
مشيت بالزحمه مع الناس بالسوق = ولا ادري من اللي طق كتفي بمسباح
ادرّج النظرات من تحت ولا فوق = وشهقت مثل اللي تواجه بالأشباح
غايب ثمان سنين والقلب محروق = أتلى العهد به تو ما شاربه لاح
واليوم عندي ناحل ٍ بيّن عروق = وعوارض ٍ على اصفر الوجه واجراح
والله يادمع ٍ تحدر من الموق = إنه على الموطى من العين لا طاح
يقول لا تزعل من البعد ياشوق = وانا كما اللي قاضي ٍ منه جراح ..!! [/poem]


:

:

معظم القصائد تكون نسج من الخيال وليست بالضروره ان تكون قصه حقيقية ..!!

راقت لي فجمعتها ونقلتها لكم