اليوم حبيت اعلمكم كيف طريقه تسويه سمن الزبده انشاء الله تعجبكم وتستفيدون
طبعا بطريقتي من مطبخي تفضلوا -نبدا المقدير >
<
>
الدقيق الى يطلع منه الحماشه خلاصه السمن كيف نسوي الدقيق
ناخذ حجر (حيد)ملايم يعني (مدور)ونحطه في الجمرالين يحمر( يحمى) وبعدين نحطه في طاسه (صينيه)لها غطا
في داخلها دقيق برونغطيها ونبدا نحركها بشكل دائرى الين يصر لون الدقيق زي الي في الصوره وريحه شى ثاني
>
<
هاذي الزبده المذكوره اعلاه افضل حجم للستخدام الوسط او الكبير الصغير مايزين كثير
والحبات علي حسب الكميه الي تبون
بسم الله نبدا نضع الزبده الوسط حبه في قدر حديد وسط على نار مقصره
الين تذوب مايبقى منها الا شويه نضع نص كاسه كبيره حليب سعوديه او لبن
ونبدا نحرك بطريقه بطيئه بملعقه خشب او مخوض زي حق العصيده بس الحجم الصغير
(وشكله يصير زي هاذي الصوره اقبل يطبخ طبعا)
وبعد مايطبخ يصير زى كذا الى في الصوره على فكره انتبهو لا تتركونه يطبخ كثير عشان مايحترق
هنا نبدا نحط الدقيق الي ذكرته في الاول ملاعقه ونصف اواكثر على حسب الى تبون من كميه
يحرك على بطى شديد حتى تبقى الحماشه متماسكه ماتجى مفتته (منثره)
نخليه على نارهاديه الين يطبخ تقريبا عشر دقيق مانزود عليه عشان مايحترق
يصقر على قولت امى الله يطول في عمرها ويشفيها يارب
زي الي تشوفون في الصوره خلاص نطفي عليه
نخليه حتى يبرد بعدين نصفيه زي منتو شايفين في الصوره
نعزل السمن عن الحماشه بدقه عليه
الحين زي مانتو شايفين انعزلت عن بعض
كلن على حدا جاهز الشغل
وهنا بالعافيه كلوه عسى معه الف عافيه
مع خبزه زى الي تشوفون ولا عيش (عصيده)ولا فطيرالي نفسكم فيه
تعليق