عــــــــــــــسل ياعســــــــــــــل

الآدمـي لاعرفنـا ويـش غايـة مـنـاه *** أسهل مـن السهـل نسكـن قلبـه ونملكـه

شاعر كبير هقاويك بعيده ونعتز بشعرك للقبيله (بالقرن)

صح لسانك . وعلا شانك . وزاد تألقك .

[poem=font="simplified arabic,4,white,bold,normal" bkcolor="transparent" bkimage="backgrounds/38.gif" border="none,4,gray" type=0 line=0 align=center use=ex num="0,black"]
يا مدّعي الحق ضاع الحق في مبتداه=وسمحان يوم أنجرب مافيه أحد برّكه
البعض من صغر تفكيره .. وقلّة دهاه=يدني على جنبه الجربان ويحكحكه
لكنّ لو قلّة الحيلات عندي دواه=وان ماتشافى لك الله ماني مترّكه
فالداعيه لاتمايل عن دروب الدعاه=هذي نصايح عسا لاقيلت تحرّكه
مآآقول أباغيّره لأن الذهب من غلاه!!=يبقى ذهب لوّ في مَسابكه تسبكه
أنا مجمرك وهو في مايقول اشتباه=والسلعه اللي من الخارج تبي جمركه
ياخوي لاجيت قومٍ يمدحون العصاه=حكّم ضميرك قبل دمّ البري تسفكه
ثم سم بالله وثنّ (ا)على الرسول الصلاه=وابد بمسى الورد .. والريحان .. والمستكه
واجعل زهابك كتابٍ ماروته الرواه=آياته (ا)تدكدك جبال الكفر دكدكه
تراه درع المدافع لانوَت به عداه=وتراه سيف المهاجم ليلة المعركه
طعّم به سمان هرجك عن زوايد غثاه=والهرج لاصار ماحوله سناد اتركه
واصدق وتجني وفا من نبت بذرك جناه=واحذر تسمّم كلامك لدغة الفبركه
الكذب يجعلك تدخل في متاه .. ومتاه=والصدق يجعلك تدرك كلمةٍ موشكه
وأعتبر ممّا تشوفه من عذاب الطغاه=واصطبْر لاصارت حمول الدهر منهكه
وان جيت للمال يامال السعَد والغناه=هي كلمتينٍ لها في خافقي دربكه
((المال)) حسب انطباعات الرجال الوجاه=سلاح يايبكي الأنسان يايضحكه
آرب مالٍ قليله مثل شمّ السراه=يردي بصاحبه للنيران والتهلكه
وآرب مالٍ كثيره مثل كبر الحصاه=يدخلك جنّه ويطرح فالعمار (ا)بركه
وياصايد الفكر خذ لك من دروس الحيآه=((أسلوبك)) الطعم ((وأفكارك))عليه (ا)شبكه
فأن كان مامعك طعمٍ يجذب الأنتباه=مآأنته بمصطاد من بحر الفجور (ا)سمكه
وأقتد بموسى وعدّ العقل حسبة عصاه=العقل زينه ولكن كيف تستهلكه
أعط الحساوي من خيار المشالح .. عباه=والبيشي أعطه من خيار التمور ..(ا)تنكه
الآدمي لاعرفنا ويش غاية مناه=أسهل من السهل نسكن قلبه ونملكه
ياوجهة الدين الأسلامي بكل اتجآه=وممثل القوم قدم العالم المشركه
الشرك غبّه .. لكنّ النصح طوق النجاه=لعلّ أحدهم ليآمنْه ألتهم يمسكه
أليآ أهتدو فالله يثيبك وتكسب رضآه=وان مآ أهتدو لايمرّ الدمع من مسلكه
قبلك محمد رسول الله وسيد الهداه=أزرى يغيّر فأبوطالب وفي منسكه[/poem]

كان لي شرف سماع هذه المعلقة مباشرة في حفل زواج الأستاذ ظافر بن عبدالله
وسمعتها أُخرى مع مثيلاتها الروائع في أمسية جمعت شعراء المنتدى بُعيد مناسبة
الزواج ... وقد حازت المرتبة الأولى وحاز شاعرها المكان الأول
فلله درك من شاعر ولله درها من قصيدة