تويت
ان كان صدتك ثقل وتحسب اني باطيح
عز الله انك بتبطي ما بعـَد طحت انا
.
يا هيه مانيب انا من يستخف ويصيح
ويطرد ورى اللي لحبه ما انثنى وانحنى
.
للحين وانا خفوقي بالمحبة جريح
من واحدٍ راح قدامك يا مال الفنا
.
وفيت له ما ادري انه بالمحبة شحيح
وسميته الحب والمعشوق واغلى ضنا
.
كنت احترق من عذابي واثر قلبه مريح
قلبي تعذب وقلبه عايش في هنا
.
زرعت زرع قفاني فيه عصفٍ وريح
واللي قفاه بزروعه ريحْ ياوش جنا
.
فلاتحسب اني باكرر غلطتي يا مليح
واطرد ورى ناس ما يستاهلون العنا
.
والله لو صرت من سكين هجرك ذبيح
ما اقول وينك لو ان الوصل عندي مُنى
.
والخاتمة خذ كلام من عميلك صريح
باعيد لك ما بنيته لك براس البنا
.
ان كانها منك ثقل وتحسب اني باطيح
عز الله انك بتبطي ما بعد طحت انا !
ـي ـــاء
[/align]
تعليق