السلام عليكم ورحمة الله وبركاته ..

صباحكم خير .. ياوجيه الخير

أبيات .. خرجت عنوه .. في هذه اللحظه تجد طريقها الي قلوبكم .

::::::

:::

::

:

[poem=font="simplified arabic,4,teal,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يقولون فيه اسماء بتنزل قريب أسبوع = جوازات ناسً قد لها سنين مسحوبه

وانا اقول جعل العلم صدقً وهو متبوع = بتسديد دين الناس والناس مطلوبه

فكم واحدً يشكي الفقر ماشكى من جوع = ضروف المعيشة تطلع الرجل من ثوبه

ياحزن الكريم اللي تلافوا عليه ربوع = عجز لايسد الدين من طيب ماجوبه

وهي عادةً له يكرم الطارش المقطوع = يقدم سمين .. ودلة الهيل مصبوبه

لحا الله من راعه وسبب عليه الروع = تعمد يكدر ماصفى فيه مشروبه

تحمل وزر غيره .. وهو موقفه مشروع = عن ذنوب غيره .. لازمً يعلن التوبه

الا ياوجيه الخير وش حيلة المفجوع = سوى يلتجي لله لاضاقت دروبه

عسى الله يفرجها على الصابر المنزوع = سنين الدهر حتت خطاياه وذنوبه

فكم له وهو يدعي وصوت الدعاء مسموع = ولاغيره اللي يكشف الهم وكروبه[/poem]

كل الود ..

::::

:::

::

: