تويت
قلبي فداها كاش مايقبل السوم
كم قلت ياقلبي من الحب توبه
مهما حصل ياقلب لاشك مقسوم
ياما وياما قبلك اللي مشو به
وكم واحدن من لذه النوم محروم
الحب ناره بالمحاني شبوبه
ماتنطفي لاصارت علوم وعلوم
ياصاحبي حبك لقلبي عقوبه
عذبتني حسبي عليك الله اليوم
ياما دعاك القلب مارحت صوبه
وياما حرمت العين من لذه النوم
من يوم شمس الحب قرب غروبه
غديت كني ياأريش العين منجوم
مدري شمال الدرب وألا جنوبه
ماغير دارك ماجهلته ولايوم
الحب بلوى وأتعبتني دروبه
كني على حبك لك الله مفطوم
والعين عن شوف البنات معصوبه
أصد عن شوف الغنادير وأشوم
وألد يم اللي عفافه إعجوبه
اللي خذت قلبن ينادي لها دوم
أليا لبست بالعون يزهاه ثوبه
وأليا ضحكت كل القوافي له تروم
وليا أقبلت قلبي يجي فيه نوبه
قلبي فداها كاش مايقبل السوم
الخصر ناحل والملا شبهو به
والنهد عن هافي حشا الخل مزموم
ماأسمع بها لوعذربو لوحكو به
حبه بوسط القلب لاشك مرسوم
قالت بسافر وأحسب أنه كذوبه
لاشك راحت باصبر اليوم ملزوم
الصيف لاتامن ذواري هبوبه
قد قيل عقب الذنب ماينفع اللوم
تعليق