فيني كلام ومنجرح من سكاتي
ولا لقيت لمشكلة صوتي حلول
من قبل اعرفه كانت اجمل حياتي
ماكان بالي مثله اليوم مشغول
ماكنت اهوجس بالليالي واحاتي
ماهمني وقتي وكل شي معقول
سمت المحبه مايناسب سماتي
لاغرني غرون ولا زين مجمول
والحين يومه صار عايش بذاتي
بدت معاناتي مع ليلن يطول
تبعثرت في داخلي امنياتي
مدري من اللي بالمعاناة مسؤول
اغليه لكن ماعرف وش غلاتي
عنده وانا مدري وش عيونه تقول
من كثر ماحبه عطيته حياتي
تبعت رغباتي على درب مجهول
تعليق