إعـــــــلان

**عفراوي هواوي** · Jan-10-2011, 07:36 PM

لك مني جزيل الشكر على هذا الموضوع

الذي يستحق وبكل جداره التميز

ولا اخفيك اني تابعت جميع مقاطع الفيديو

وبحق هي ممتعه جداً وعقبال مااشتري كاميرا احترافيه

تحياتي ميس

**مانديلا** · Jan-10-2011, 09:54 PM

موضوع يستحق التميز من جد

مثل هذه المواضيع هي من تخدم الأعضاء بجد

لأني من هواة التصوير قد مريت عليها كلها تقريباً ولكن تميزك على تجميع كل هالكمية

شكراً أختي

**عبدالله الراجـــــحي** · Jan-10-2011, 10:45 PM

يستاهل التميز والتثبيت
اشكرك على هالاداء وعلى هالتميز والا بداع

**Miss Feeling** · Feb-18-2011, 02:49 AM

.

.

هذي بعض الصفحات على الفيس بوك لمحبي التصوير اتمنى تجدوا فيها المتعة والفائدة .

أصدقاء التصوير الضوئي <<

أصدقاء التصوير الضوئي | Facebook

http://www.facebook.com/home.php?sk=group_180863051951020&ref=ts

‎مجموعة أصدقاء التصوير الضوئي أسست لهدف إلتقاء هواة التصوير وتبادل الخبرات ومساعدة البعض في كل صغيرة وكبيرة ومناقشة المستجدات في هذا المجال وآخر الأخبار. الرجاء التقيد بالتالي: عدم الإساءة إلى...

التصوير الضوئي 201<<

Facebook

http://www.facebook.com/pages/التصوير-الضوئي-201/132904453431412

عالم التصوير الضوئي <<

Facebook

http://www.facebook.com/pages/عالم-التصوير-الضوئي/179302478777270?ref=ts

المشاركة الأصلية بواسطة علياء 2002 مشاهدة المشاركة

،،،،

المشاركة الأصلية بواسطة AL70ooo0T مشاهدة المشاركة

،،،،

المشاركة الأصلية بواسطة عفراوي هواوي مشاهدة المشاركة

،،،،

المشاركة الأصلية بواسطة مانديلا مشاهدة المشاركة

،،،،

المشاركة الأصلية بواسطة عبدالله الراجـــــحي مشاهدة المشاركة

،،،،

أسعدني مروركم جميعاً كل الشكر لكم

...اعتذر عن الانقطاع وأعدكم بالمزيد قريباً بإذن الله

وشكراً لك عبدالله الراجحي على التثبيت والتميز

**سلطان الحب** · Feb-21-2011, 01:02 AM

ما فيه أمل أشتري كاميرا مثل العالم

بس قريب ان شاء الله وبرجع للموضوع << ايه هين خخخ

الف شكر

**Miss Feeling** · Mar-27-2011, 09:40 AM

آسفة جداً جداً لانقطاعي عن الموضوع

قريباً لي عوده للدروس بإذن الله

بناخذ فكره شوي عن بعض الكاميرات

المشاركة الأصلية بواسطة سلطان الحب مشاهدة المشاركة

ما فيه أمل أشتري كاميرا مثل العالم

بس قريب ان شاء الله وبرجع للموضوع << ايه هين خخخ

الف شكر

لا تستعجل بشراء الكاميرا الحين
أسأل وشوف وقارن وادرس كل كام اخترتها زين وفكر وبعدين قرر
أنا فكرة اني اشتري كام جلست براسي 3 سنوات ماخليت منتدى تصوير مادخلته وغثيتهم بالأسئلة ويوم قررت واخترت جلست كثييييييير وانا اقرأ عنها وقرأت الكتالوج حقها وحفظتها عن ظهر قلب
وكنت ادخل الفلكرات واشوف صور
بعدين توكلت على الله واستخرت واشتريتها

اذا دوبك بأول الطريق أرشح

Canon PowerShot SD800 IS
هي موب احترافيه لكن تصويرها بطل
شوف نتائج تصويرها

Exif Data Viewer · PixelPeeper

http://www.pixel-peeper.com/digicams/?camera=58&p=1

The best online EXIF data viewer for JPG images. Read camera settings, GPS location and Lightroom edits!

Canon PowerShot SD800 IS Digital Camera Sample Photos and Specifications

http://www.pbase.com/cameras/canon/powershot_sd800_is

أو اذا تبغي وحده مستواها شوي أعلى يعني مدمجة شبه احترافية (SLR-like) أرشح
Canon PowerShot G10
جباره هالكام يمدحونها كثيير وهذي نتائج تصويرها

Exif Data Viewer · PixelPeeper

http://www.pixel-peeper.com/digicams/?camera=1086

The best online EXIF data viewer for JPG images. Read camera settings, GPS location and Lightroom edits!

Canon PowerShot G10 Digital Camera Sample Photos and Specifications

http://www.pbase.com/cameras/canon/powershot_g10

ولها ميزه تقدر تصور تحت المويه لها يجي لها غطاء

هذي صورة الغطاء

الكاميرتين اللي فوق من العشرة التوب في التصويت على كاميرات كانون الديجيتال

أما إذا تبغي احترافيه تصوير فقط بدون فيديو
فأرشح لك Canon 450D

Exif Data Viewer · PixelPeeper

http://www.pixel-peeper.com/cameras/?camera=879

The best online EXIF data viewer for JPG images. Read camera settings, GPS location and Lightroom edits!

وإذا تبغي احترافية فيديو مع تصوير
فأرشح لك Canon 500D

Exif Data Viewer · PixelPeeper

http://www.pixel-peeper.com/cameras/?camera=1201

The best online EXIF data viewer for JPG images. Read camera settings, GPS location and Lightroom edits!

وهذي موقعين حلوين تقدر تشوف فيها نتائج تصوير كل كام
ونسبتها بالتصويت

Camera Database and Museum at PBase.com

http://www.pbase.com/cameras

Learn to Edit Like Your Favorite Photographers · PixelPeeper

http://www.pixel-peeper.com/

Recover Lightroom edits and camera settings from JPG files. Turn JPG files into Lightroom presets.

وأي سؤال أو استفسار حاضرين للجميع

المشاركة الأصلية بواسطة ABDUL-AZIZ

السلام عليكم

من خلال كثير من الاسئلة الي تطرح في موضوع الاستفسارات اعتقد ان حنا في حاجة لموضوع فيه شرح للفئات من كاميرات slr الي موجودة في السوق.

نقطة مهمة هي ان بعض الفئات يكون فيها اكثر من نوع ... راح اوضحها بإذن الله.

وان شاء الله الموضوع يسهل على الجميع اختيار الكاميرا المناسبة.

راح اتكلم ان شاء الله عن شركة canon
وان شاء الله ابتكلم عن كاميرات nikon في موضوع ثاني

canon

شركة كانون تنتج اربع فئات راح اسردها من الاصغر الى الاكبر

الفئة الاولى:
هي الي يكون رقمها الف وفوق وتكون بالطريقة هذي (xxxxD)

مثال عليها كاميرا
Canon EOS 1000D

الفئة هذي مستحدثة في شركة كانون وما نزلت منها الا هالكاميرا.
اتوقع والله اعلم انهم ما نزلوها الا عشان تنافس كاميرات مثل نيكون d40x
المواصفات حقتها اقل من باقي الفئات وبالمقابل سعرها اقل.

تنفع للمبتدئين في التصوير... وسعرها في متناول الجميع ( مثل اسعار المدمجة الشبه احترافية).

الفئة الثانية:

هي الي يكون رقمها مية وفوق وتكون بالطريقة هذي (xxxD)

مثال عليها:
Canon EOS Rebel XSi / 450D

طريقة كانون في تسمية هالفئة كالتالي:
300
350
400
450
.
.
الخ

يعني كل ما نزل موديل مطور زادوا في الرقم 50 ... واخر موديل نزل منها الي هو 500d

لذا احيانا يجي شخص ويسأل " انا محتار بين 400 و450 وش اخذ؟"
هنا ال 450 عبارة عن الموديل الاجدد من هالفئة ( كأن السؤال مثلا عن سيارة نفس النوع لكن وحدة موديل 2000 ووحدة موديل 2005)

الفئة هذي مواصفاتها افضل من الفئة الي قبل ( لكن قريبة منها) ... وايضا اسعارها رخيصة.

شخصيا ما اشوف ان الفئة الي قبل لها داعي.

الفئة هذي ايضا مخصصة للمبتدئين.

الفئة الثالثة
وهي الي يكون مسماها بالطريقة هذي (xxD)

الموديلات الي نزلت منها
10d
20d
30d
40d
50d

بالترتيب.

الفئة هذي اكثر احترافية ... واغلى سعر.
فيها ميزات مثل عدد الفريمات ومواد صناعة البدي ... الخ.

اخر موديل الي هو 50d

الفئات الثلاث السابقة حساساتها باقتطاع 1.6

الفئة الرابعة

وهي الي يكون مسماها بالطريقة هذي (xD)

وهذي هي الفئة الاحترافية من كانون

الفئة هذي لها 3 انواع او 3 موديلات

الاول
نزل منه كاميراتين
5D
5D mark II

من اهم ميزاتها الحساس الكامل ( full frame) ومجال الايزو العالي

ميزة هالموديل ان سعره مهوب غالي مرة مقارنة باداءها.

الثاني
هو موديل 1D
ونزل منه
1d
1d mark ii
1d mark ii n
1d mark iii

هذا الموديل مهوب فل فريم ... لكن حساسه باقتطاع 1.3 ( اكبر من الحساسات للموديلات الثلاث الاولى)

من اهم ميزاته ... الفريمات في الثانية تكون كثيرة ونقاط الفوكس (45 اوتو-19 مانيوال) والبدي حقه قوي جدا و ضد عوامل البيئة ( الغبار و الرطوبة ..الخ)... وميزات اخرى.

حجمها اكبر من الفئات الي قبلها وسعرها اغلى.... بس تستاهل

العادة يستخدمونه المحترفين في التصوير الرياضي وتصوير الطيور والحيوانات ... بحكم عدد الفريمات والحساس المقتطع

الثالث
موديل 1Ds

وهذا والي قبله هم الي يتربعون على عرش الفئات

فل فريم
نقاط فوكس مثل الي قبل
بدي قوي جدا ومقاوم للغبار والرطوبة وانفلونزا الخنازير

بالاضافة الى مميزات اخرى

وهذي تعتبر الاغلى ... سعرها يوصل فوق 25 الف بدي بس.

----------------------------------
هذا سرد مختصر وبشكل سريع لفئات الكانون فقط عشان نفهم وش الفرق بينهم

**سلطان الحب** · Apr-01-2011, 08:51 PM

الله يعطيك ألف ألف عافية أختي مس فلينق

والله لي فترة طويلة ابحث وادور واقارن ولا شريت خخخ

تأذت مني المحلات لا اكسترا ولا الحاثي وجميع المحلات

أجلس اسألهم وأجرب واخذ الكتلوجات وفي لأخير أمشي واخليهم ههههههههههههههه

أنا جربت كاميرا مع أحد الأخوان Nikon D5000 أعجبتني لكن البعض قال ما تنفع للمبتدئين في التصوير تنفع للمبتدئين في الإحتراف

< ما ادري لا زلت متردد

وفي بالي كم كاميرا من اول منها Canon D450 اعجبتني مرررره

بالنسبة لـ Canon PowerShot SD800 IS

مواصفاتها لا باس بها سرعة الغالق تقريبا جيدة جدا بس أحس البكسيل ضعيف والزوم كمان اممم والله مدري

و Canon PowerShot G10

أعجبتني مرره مواصفاتها جميلة وسعرها لا باس به

سأضعها ضمن الخيارات اللي عندي من أول

أستفدت من ما طرحتيه كثير وسأعود له مرارا وتكرارا

ولا نستغني عن بعض الإستفسارات منكم

والله يكتب ما فيه الخير

ألف ألف شكر

**Miss Feeling** · Apr-02-2011, 12:51 AM

لا شكر على واجب

اهم شي لا تستعجل ..وحدد مستواك والميزانية وعلى أساسها اختار

قال ما تنفع للمبتدئين في التصوير تنفع للمبتدئين في الإحتراف

أنا يوم أشتري الكام حقتي ترى ما عندي سالفة بالتصوير أبداً ولا مسكت كام من قبل
بس تعلمنا كتب ، مواقع ، يوتيوب ..
صحيح في البداية ماعرفت لها وطفشت وقلت بيني وبين نفسي انا وش خلاني اشتريها بس الحين بدأت أحبها

وما عاد أستغني عنها ،، حتى لو أطلع مشوار أبو 10 دقائق آخذها معي

بالنسبة للبيكسل

لا تناظره ولا تركز عليه ابداً لأنه ماراح يفيد إلا بشغلة وحده إذا بتطبع الصور على حجم كبير جداً
يعني مثلاً كاميرا بدقة 7 ميجا بيكسل كافية وحلوه
شوف هذي الصوره بكاميرا الوالد اللي هي Canon PowerShot SD800 IS
مره تعجبني تصويرها ما شاء الله واضح مع ان البيكسل 7 ويطلع منها صور حليوه والله

404 Not Found

http://img705.imageshack.us/img705/9915/img0579nk.jpg

لزيادة معلومات عن البيكسل اقرأ هنا
هل تحتاج فعلاً للميجا بيكسل العالي في الكاميرا ؟ إجابة واقعية

الفلكر هذا

Hessa. ..

http://www.flickr.com/photos/zay-alhawa/

Explore Hessa. ..’s 120 photos on Flickr!

الصور رائعة والكاميرا المستخدمة سوني ديجيتال عادية وليس احترافية
يعني اللي أبغي أقوله انه ممكن تطلع بصور رائعة من كاميرا بسيطة

بالنسبة للزوم

فيه نوعين واحد مهم ولازم نحطه بالاعتبار عند اختيار الكام والثاني لا
المهم هو Optical zoom هو زوم بصري تكبير من دون ان تفقد الصورة جودتها ..

digital zoom هو زوم رقمي اي تكبير الصورة مقابل الجودة ..

البصري بكل تأكيد هو الافضل

اقرأ هالمقال زووم الكاميرا والفرق بين الزووم البصري والرقمي

طيب الحين في بالك
Canon D450
Canon PowerShot G10
Nikon D5000

بالنسبة لمين تختار كانون أو نيكون

كل الشركتين ناجحة وقوية ومواصفات كاميراتهم ما تختلف كثير عن بعض
أهم شي انت امسك الثنتين وجربهم وشوف انت ترتاح لأي وحده فيهم …
الكانون لها شعبية أكثر لأن استخداما سهل
النيكون شوي معقد << كذا قالنا الحارثي مع ان أشوفها كلها مثل بعض
وأميل أنا للنيكون ...

واذا بتاخذ من النيكون فيمدحون Nikon D90 << إذا الميزانية تسمح
لانها حتى أفضل من كاميرات Canon ... ليش ؟؟

الجواب هنا

كلكم عارفين أن كاميرتي هي Canon EOS 450D ، لما أحد يسألني ارشح له أي كاميرا ، أقوله Nikon D90

الجواب اللي فيه كثير من اللبس ،، الكاميرا ( Canon EOS 450D ) ماعليها كلام زينه .. لكن المشكلة في عدستها الـ 18-55

الي تجي مرافقة للكاميرا .. العدسة ماتعطيك نتائج مرضية ، إلا اذا كان التصوير Indoor داخل المنزل أو لمسافات قريبة ،

أما اذا كان تصويرك Outdoor خارجي بتجيك حالة إحباااط !!

خلاصة الكلام :
* اذا كنت مستعد تشتري عدسات لـ Canon ، وماتعتمد بس على عدستها .. انصحك فيها

* اذا كنت بتشريها وماعندك نية تشتري عدسات .. أنصحك في هالحالة بـ Nikon D90

- ايش ميزة Nikon D90 ؟

ميزتها أن العدسة اللي تجي معاها هي 18 – 105 ، هذي العدسة تصور close up ، بورتريه ، وتعطيك زوم رائع على أي مكان بعيد

العدسة متعددة الاستخدامات ومرييحة ، ما تضطر تشيل هم شراء عدسة ثانية .. تقدر تعتمد على هذي فترة طويلة لحد ما تشتري

غير أن كاميرات Nikon ألوانها ناقعة وواضحة أكثر من Canon ، محد بيلاحظ الفرق الا اللي جرب الكاميرتين ..

لما طبعنا الصور بمقاس كبير أنا وصاحباتي ، حطينا الصور جمب بعض ، والصور مافيها أي تعديل فوتوشوب

والنتيجة أن Nikon كانت ألوانها أحلى و أوضح ..

آسفين طولنا وكثرنا كلام

الموضوع للجميع لا تبخلون علينا بتجاربكم ونصائحكم ...

**سلطان الحب** · Apr-02-2011, 12:24 PM

والميزانية

هذا بلا بوك يا عقاب

لا تناظره ولا تركز عليه ابداً لأنه ماراح يفيد إلا بشغلة وحده إذا بتطبع الصور على حجم كبير جداً

فعال كثير من قال لي نفس الكلام وقريته في أكثر من موقع بس أحس أني لو أخذتها بأجلس فتره وباحتاج اغيرها

أبغى وحده حتى لو تقدمت في التصوير شوي تنفع معي ومع ذلك بفكر واشوف

شوف هذي الصوره بكاميرا الوالد

ما شاء الله النتيجة مغرية صراحة

النيكون شوي معقد

وهذا اللي خوفني منها لأني اعرف نفسي ما اصبر يمكن أكسرها

بالنسبة لمين تختار كانون أو نيكون

أنا والله ابغى نيكون لكن متخوف لا تكون معقده

والكلام هذا كمان حمسني لها

واذا بتاخذ من النيكون فيمدحون nikon d90

هي مواصفاتها جبآره وحلوه بس سعرها غالي شوي

آسفين طولنا وكثرنا كلام

لا بالعكس الله يعطيك الصحة والعافية

أستفدت من كلامك كثيرر

عاجز عن شكرك

**Miss Feeling** · Apr-02-2011, 02:24 PM

أنا والله ابغى نيكون لكن متخوف لا تكون معقده

شوي شوي بتتعود عليها ....

أبغى وحده حتى لو تقدمت في التصوير شوي تنفع معي ومع ذلك بفكر واشوف

أجل خلاص استبعد الكانون g10 لأنها شبه احترافية
واستبعد نيكون d90 بسبب الميزانية

باقي عندك
كانون 450d << حلوه وسعرها مناسب بس ما فيها فيديو
كانون 500d << هذي حقتي برضو حلوه ومن مميزاتها تدعم اللغة العربية وفيها فيديو

نيكون d5000 << دام انك جربتها مع صديقك وأعجبتك توكل على الله وخذها ...

الله يرزقك بوحده منها

بالتوفيق

**سلطان الحب** · Apr-03-2011, 10:47 AM

الله يجزاك خير ويوفقك

كنت في بحر من الكاميرات ما ادري وش أخذ وش أخلي

بس الحين تقريبا صار عندي خيارات بسيطه ستكون احدها من نصيبي ان شاء الله

لكن متى مدري

كانون 500d << هذي حقتي برضو حلوه ومن مميزاتها تدعم اللغة العربية وفيها فيديو

ما شاء الله

أحسن ميزة في الكانون دعمها للغة العربية

بعكس النيكون

وهذا اللي يخليني قد استبعد النيكون

مع أنها صيانتها افضل من الكانون

و بصراحة كل وحده فيها مميزات أحسن من الثانية يعني من جد تحتار بينهم غصب

من هنا الى ذلك الحين الله اعلم متى تحملوني في هذا الموضوع

ألف ألف ألف شكر لك

**Miss Feeling** · Apr-03-2011, 04:44 PM

^
آميين يارب واياك
ولا شكر على واجب

فن العزل بالتصوير

تعريف بسيط لفن العزل

باختصار شديد الهدف أو العنصر يكون واضح والخلفية غير واضحة .

أي كاميرا نقدر نسوي فيها العزل موب شرط احترافية

شوفوا معاي هالصور

نلاحظ بالصورتين الأولى عنصر واحد واضح وباقي العناصر بالخلفية غير واضحة

أما الصورتين الثانية كل العناصر واضحة

المنطقة الواضحة تسمى عمق الميدان

قاعدة

كل ماكبر عمق الميدان زادت العناصر الواضحة بالصورة

وكل ما صغر عمق الميدان قلت العناصر الواضحة بالصورة

إذن السؤال هنا كيف أتحكم بعمق الميدان عشان أسوي عزل مضبوط ؟؟

هناك 3 أشياء رئيسية

أولاً : اتساع فتحة العدسة

كل ما كانت فتحة العدسة أوسع [ يعني رقم F صغير ] كل ما كان العزل أفضل

شوفوا هالصوره خلينا التركيز على عنصر واحد فقط اللي بالمقدمة هو اللي واضح والباقي معزول
فهنا خلينا فتحة العدسة واسعة يعني اخترنا رقم صغير F=2

أما هذي الصورة كل العناصر واضحة لأننا اخترنا فتحة عدسة ضيقة يعني رقم كبير F=22

طيب متى نختار فتحة عدسة واسعة ؟؟

إذا كنا نبغي نزيد التركيز على موضوع الصورة الأساسي مثل هنا يهمني الوجه ما احتاج أطلع الخلفية
فاستخدم رقم صغير f/2

ومتى نختار فتحة عدسة ضيقة ؟؟؟

إذا كان موضوع الصورة منتشر بكل أطرافها
مثل صور المجموعات وصور اللاندسكيب << هنا احتاج أظهر كل العناصر بالصوره استخدم رقم كبير f/22
مثل كذا

هذي فتحات العدسات عشان تتوضح أكثر

لاحظتوا كل ما كبر الرقم صغرت الفتحة والعكس
كل ما كان الرقم صغير تكبر الفتحة ..
إلى فتحة رقم 5 تعطينا عزل مضبوط

خلصنا أولاً

ثانياً : المسافة بين الكاميرا والشي اللي أبغي أصوره [ الهدف]
وبين الهدف والخلفية .

قاعدة

كل مازادت المسافة بين الموضوع وبين الخلفية كل ما زاد العزل

وكل ماقلت المسافة بين الكاميرا وبين الهدف كل ما زاد العزل

يعني عشان أطلع بأفضل عزل لازم أخلي الهدف بعيد عن الخلفية وأقرب الكاميرا عند الهدف

عشان توضح أكثر شوفوا هالصور

هنا مافي عزل ليش؟؟
لأن الخلفية قريبة من الهدف والكام بعيدة

هنا فيه عزل لبعد الخلفية

وهنا أفضل عزل لبعد الخلفية وقرب الكاميرا

ثالثاً: الزوم

كل ما زاد الزوم على الهدف كل مازاد العزل

يعني على حسب العدسة مثلاً اذا عدستي 18-55 يعني أقصى زوم هو 55 بيعطيني نتيجة أفضل

خلصنا الدرس إن شاء الله يكون سهل وواضح

الأرقام المذكورة بالدرس تختلف من عدسة للثانية
بس أهم شي نختار عند فتحة العدسة أقل رقم ممكن توصله عدستنا
وللزوم نختار أعلى رقم

هذي بعض الصور

اعدادات الصوره

CANON EOS 350D

50/1 << الشتر أو سرعة الغالق

F5.6 << فتحة العدسة

ISO100 << الأيزو

55MM << الزوم

WHITE BALANCE AUTO << توازن اللون الأبيض

Manual << وضع التصوير

الدرس مقتبس من المصور خالد عبدالغفور
وبعض الدروس من منتديات مختلفة

موفقين يارب

أي استفسار لا يردكم إلا الكيبورد
وياليت نشوف تطبيقاتكم ترى حتى بكاميرا الجوال ينفع

**سلطان الحب** · Apr-03-2011, 08:42 PM

ربي يسلم يدينك

من أحب و أجمل فنون التصوير عندي

من أول أشوفه في أكثر الصور و يعجبني كثير بس ما كنت ادري أن اسمه عزل الا قريب

وياليت نشوف تطبيقاتكم ترى حتى بكاميرا الجوال ينفع

طيب ممكن اذا ما أعرف كيف ؟

عرفت انا نخلي الخلفية بعيدة والجسم اللي بنصور قريب وبعدها

حاولت اعرف من الدرس بس للأسف ما عرفت

وبالنسبة لخالد العبدالغفور

ما شاء الله عليه تابعته فترة صراحة متميز

ومعي على الجهاز له كتاب جميل جدا ومفيد خاصة للمبتدئين

اسمه ( خطوة أولى تجاه الضوء ) اذا بغيتوه ممكن ارفعه هنا

شكرا لك

**Miss Feeling** · Apr-03-2011, 11:17 PM

حاولت اعرف من الدرس بس للأسف ما عرفت
عرفت انا نخلي الخلفية بعيدة والجسم اللي بنصور قريب وبعدها

طيب حلو الحين اختار من أوضاع التصوير بالجوال وضع الماكرو
ومثل ما قلنا تقرب من الهدف وتبعد انت والهدف عن الخلفية

هو أكيد الجوال ماراح يعطيك نتائج مثل الكام الاحترافية بس يجي منه

شوف هالصوره مصوره بجوال نوكيا N95

العزل موب سيء فيها..

**AL70ooo0T** · Apr-04-2011, 12:03 AM

مميزه اختي الفاضله في هذا الموضوع
وجهد تشكرين عليه ومتابع من الجميع
وفقك الله ... وبارك الله فيكي

اضيف لكلامك بالنسبه للتصوير من الجوال سيجد العزل بوضع الماكرو وفي اكثر الجوالات يوجد بأسم وضع التقريب ويرمز له بالورده وهذا هو الوضع المخصص للعزل ويتبقى ايضاً مهاراتك بالاضافه للمعلومات القيمه التي وضحتها اختنا ‏Miss Feeling
وهذي صوره خاصه للموضوع من تصويري وهي من جوال N82 مستخدماً فيها وضع الماكرو للعزل

دمتي مبدعه كما انتي

إعـــــــلان

~ |[ سيمفونية الضوء ،،، موضوع متجدد ودروس بالتصوير الضوئي ]| ~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق