[poem=font="simplified arabic,6,white,normal,normal" bkcolor="chocolate" bkimage="backgrounds/38.gif" border="double,4,darkred" type=2 line=1 align=center use=ex num="0,black""]
يافارع الطول وحسين التواصيف=وعيون أحد من الحدب فوق الأعناق
على خدودي كم تهل الذواريف=والقلب من سُكر الهوى مابعد فاق
ما ودي آشب القلوب المواليف=والا..معي رزمة مواويل.. واوراق
ياواقعي والطلسمة والتخاريف=يالهاجس اللي قد له سنين ماراق
دن القلم وارفع جميع التكاليف=وادهل فجوج القلب والدم صفاق
واستقطب احروفي وخذها محاريف=وارسم صور حبي من اعماق الاعماق
واقلط على اشقر بن ..و(ا)على مناصيف=وانق الفرايد نقوة خيول ونياق
مادام يرتادك وعود وصواديف=احذر تعرضني لتكرار واحراق
بيتك هنااا..داخل نطاق السراجيف=بين الخفوق وبين روحي والأشواق
قوي عزم أعرف لكبت الملاقيف=اللي لهم خبرة بتنشيف الأرياق
وإذا قد الدعوى مزوح وسواليف=احفظ غرور الملهِمة وارض الاذواق
وارفق بالارواح الخفاف المهاديف=اللي مجرعها الزمن حب وفراق
وإذا تربعنا بروس المشاريف=للصدق ناس وللتعاليل عشاق
[/poem]
اهنيك يا غالي ابو احمد على الاحساااس المرهف الدافي ونتظر جديدك
تعليق