السلام عليكم ورحمة الله وبركاته وبعد:

عندما اجد قصيدة لهذا الشاعر المفخرة والاستاذ الكبير بجاد القرني
يغلبني شعوري لمجاراتها فاسميحك عذرا على هذا الفضول استاذي
الكريم اذ اقول:


[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]
بجاد قلبه من هوى الزين منصاب = ياصاحبه لطفك بقلب (ن) وليته
كنا نظنه سالي وظننا خاب = اثره سرى مع دربي اللي سريته
درب الغرام اللي خطير (ن) وجذاب = مرتاح ياقلب (ن) بعد ما مضيته
صحيح احب وخافقي ما بعد تاب = من حب ملهوف الحشى اللي فديته
غرو (ن) صغير السن يا بجاد لعاب = لو ينشرى من حر مالي شريته
شيبت من حبه وانا توني شاب = يرتاح قلبي لو بيسمع بصيته
في خافقي هو الذي نال الاعجاب = ويذوب قلبي لانده لي وجيته
اشبهه بالبدر والبدر لاغاب = هضمت حقه احسني ما وفيته
بالخص لامنه مشى لابس (ن) كاب = ما اقول غير ارفق بقلب (ن) سبيته
حلاه يغوي راهب (ن) وسط محراب = انا سعيد الحظ يوم (ن) لقيته
فيا بجاد لاتشكي ترى الحب غصاب =يخلف هقي ويجيب شئ ما هقيته
ويصير مابين المحبين الاعتاب = بلاش تظلم خلك اللي نويته
ورجاي تقبل مننا هذا الكتاب = رد (ن ) على مكتوبك اللي قريته

[/poem]وسلامتكم جميع