[poem=font="simplified arabic,6,black,bold,normal" bkcolor="transparent" bkimage="backgrounds/19.gif" border="double,4,black" type=1 line=0 align=center use=ex num="0,black""]
أيا الله يامن رد يوسف على يعقوب=تردّ اللي أخفته المقادير عن عيني
تفارقت أنا وياه يوم إنه المكتوب=يجيه القدر في غير ماراد ويجيني
أسوي قوي..وآقول صكّوا عليه البوب=وأنا آطيّح الفنجال من رعشة يديني
وأنا وين وأنته وين ياكفّه المخضوب=سمعت إنك تمسّح دموع المحبيني
وأنا وين وأنته وين ياقلبه المقلوب=عليّه..وأنا ماقلت للشمس تدفيني
وأنا كنت والغالي وجمر الغضا مشبوب=ويرقص على أبياتي ورقصه يسليني
وأنا آجرّ له مجرور وأسحب على المسحوب=وأنا آسامره بالسامري وأهجن هجيني
يحط اصبعه في الكوب.. ويحلّي المشروب=وتشرب عيوني من عيونه وترويني
يموت الفتى ماقدّ تهنّا بلبس الثوب=ويخرج من الدنيا وهو دون عشريني
ولكنها الدنيا بها غالب ومغلوب=يموّتني المحبوب والله يحييني
ولاقد تحقق لي على يدّه المطلوب=ومن شافني قال إني أقدر ويمديني
عساني قوي ..وأدحر رفيق الهوى وآتوب=ولاأعطيه فرصه ويتمادى ويغويني
أنا آعوذ بك يالله من حظي المنكوب=من القهر ومن الفقر والعجز والديني
وأنا آعوذ بك مالذنب فإني كثير ذنوب=وماتكسب يساري وماتكسب يميني
ومايرضي المولى ولو يغضب المحبوب=أقدّمه غصباً عنه..وأبقى على ديني
[/poem]
أيا الله يامن رد يوسف على يعقوب=تردّ اللي أخفته المقادير عن عيني
تفارقت أنا وياه يوم إنه المكتوب=يجيه القدر في غير ماراد ويجيني
أسوي قوي..وآقول صكّوا عليه البوب=وأنا آطيّح الفنجال من رعشة يديني
وأنا وين وأنته وين ياكفّه المخضوب=سمعت إنك تمسّح دموع المحبيني
وأنا وين وأنته وين ياقلبه المقلوب=عليّه..وأنا ماقلت للشمس تدفيني
وأنا كنت والغالي وجمر الغضا مشبوب=ويرقص على أبياتي ورقصه يسليني
وأنا آجرّ له مجرور وأسحب على المسحوب=وأنا آسامره بالسامري وأهجن هجيني
يحط اصبعه في الكوب.. ويحلّي المشروب=وتشرب عيوني من عيونه وترويني
يموت الفتى ماقدّ تهنّا بلبس الثوب=ويخرج من الدنيا وهو دون عشريني
ولكنها الدنيا بها غالب ومغلوب=يموّتني المحبوب والله يحييني
ولاقد تحقق لي على يدّه المطلوب=ومن شافني قال إني أقدر ويمديني
عساني قوي ..وأدحر رفيق الهوى وآتوب=ولاأعطيه فرصه ويتمادى ويغويني
أنا آعوذ بك يالله من حظي المنكوب=من القهر ومن الفقر والعجز والديني
وأنا آعوذ بك مالذنب فإني كثير ذنوب=وماتكسب يساري وماتكسب يميني
ومايرضي المولى ولو يغضب المحبوب=أقدّمه غصباً عنه..وأبقى على ديني
[/poem]
تعليق