تويت
ما نيب ناسي قصةٍ صـارت وأنا ازور القبـور
لازلـت أفكر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه
سلّم وجا صوبي يقول : أبنشدك يللـي تـزور
عن حالة الدنيا وعن وضع الزمان وعـن هلـه
أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه
قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه
أما البشر , , , لا والله إلا غير من حد الجـذور
صار انتقالٍ مـن يميـن إلى يسـار المنقلة
استغرب الشايب من اللي قلـت وبليّـا شعـور
حط اليمين أعلى الشمال وخاطـره فيـه اسأله
قال : افتني عن حالة الشيبان والشيـخ الوقـور
أهل الخبر والرأي والحكمة وضـرب الأمثلة
القدوة أصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلة
قلت : البعض منهم على ما قلت في وصفك وقور
قدوه ولكن رأيهم مـا ينفـرض فـي مسألة
الطاعة العمياء بقـا منهـا مجاملـة الحضـور
اللـي تلاقيهـا مـع أول فـرصـةٍ متنصلة
والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّلـه
بهيمةٍ يرجـع علـى منحـاه الأول ومحصـور
فـي لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجـور
ينقـل جـوازه للسفـر مـن مزبلـه لا مزبلة
أشيمطٍ زانـي قضـا عمـره بحانـات الخمـور
والعايلـه ورعٍ يغـرّر بـه وبـنـت مهمّـلـه
قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وثوب تسبلـه
قلت : العـذارى فـي زمنّـا ببغـاوات الطيـور
تقليد هرج و عرض ريـشٍ خلفهـا تستخملـه
تلبس عباةٍ ضيّقـت حـول الردايـف والخصـور
فضيحةٍ تكشف جسدها مـن علـوّه لأسفله
وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكلة
الأم ما صانت عفاف البنت من عمـر الزهـور
والأب ديّـوثٍ تحكـمـه حـرمـةٍ مسترجـلـه
وشلـون يتربّـى عيـال أم التبـرّج والسفـور
إلا خنـازيـرٍ دمـاهـا باردة ومغفلة
قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور
البار عند أمه وأبوه وعلـم ربعـه يشغلـه
قلت : الشباب بوقتنا وجهه مثـل بـدر البـدور
والجسم من زود الرخاء ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى إلا عـالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )
صار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )
ما منهم اللي قام دون أعراض جيرانـه غيـور
من قام قالو , , وش ملقّف حضرته ؟ وش دخّله
والوالدين حقوقهم ضاعت وعنهـم فـي نفـور
إن غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور
لو تعزله عنهم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه
ناظر لي الشايب بعينٍ تجمـع السبـع البحـور
يقول : أنا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور
ما يقعد الجمّال به ساعة ولـو ضـاع جملـه ...
.
وسلامتكم.
.
وسلامتكم.
تعليق