الله يوفقك / وعلى العموم مثل ما قال احد الآخوه/ اذا شفت الوضع يسمح بمد بالهديه والباقي على الله عالم النيه .

شكرا لك .

[marq="4;right;2;alternate"]شكرا لكم جميعا
تم الموضوع على خير وقريبا سوف يتم الاعلان عن النتيجه بالتفصيل كتجربه فقط.[/marq]

اللهم لك الحمد حتى ترضى و لك الحمد إذا رضيت و لك الحمد بعد الرضى
سبحانك اللهم وبحمدك أشهد أن لا إله إلا أنت أستغفرك ربي و أتوب إليك .

لاحول ولاقوة الا بالله

آسأال الله تعالى ان يفرج كربتك ويزيح همك

قرارك جدا صععععععععب وراح يعقد موضوعك اكثر واكثر

ليه مااتلجأي للزواج افضل؟

ايااااكِ وقرار الهروب لانه راح يأثر على مستقبلك وسمعتك وسمعة اهلك

الجأي الى الله وقولي" اللهم كما نجيت يونس من بطن الحوت نجني من مصيبتي"

ولاتنسي تكرار " اللهم اني اسألك الأنس بقربك"

تأكدي ان لكِ رب رحيم وهو أرحم من الأم على ابناءها ولعل ماانتِ فيه ابتلاء وراح ينزاح ان شاءالله

اختك

اختي الكريمة اسال الله ان يكون بعونك ويفرج همك

القرار الذي اتخذتيه قرار غير صائب ابدا

اصبري والله سبحانه لن يتركك

كوني مع الله يكن الله معك

اكثري الإستغفار ليل ونهار فإنه والله جلاء كل هم وغم

ضاقت فلما استحكمت حلقاتها ... فرجت وكن اضنها لا تفرج

قد يسخر الله لك الزوج الصالح الذي بإن الله يعوضك عن كل شي فقدتيه

فقط ضعي الله نصب عينيك

أخوكـ

الله يفرج همك يا رب
ما راح أزيد على كلام شموخ أنثى وسلطان الحب الله يعطيهم العافية

بس هذا ايميل مستشارة أسرية اسمها فاطمة الخليوي حاولي تتواصلين معها

[email protected]
[email protected]

أو من خلال صفحتها على الفيس بوك Fatma Alkheliwi

Log into Facebook

http://www.facebook.com/falkheliwi?sk=wall

Log into Facebook to start sharing and connecting with your friends, family, and people you know.

أنا واقع بمشكله عويصه أبي لها حل وجيت أعرضها عليكم لأني أعرفكم راعين فزعات.


أولا.هذا الوالد الله يطول عمره ماعنده كلام إلاطفوا اللمبات وكل يوم وحنا على هالموال أبوي يقول طفوا اللمبات مادامكم منتو عندها وكل ماشاف لمبه ما عندها أحد قام يضارب وكل يوم هو وأمي محاذفه لأن أمي عكس تمشي وتولع وأبوي وراها يطفي .



على العموم أنا ماعلي منهم لو يتحاذفون على لمبه
أما
إن المسأله توصل ليي
فهذي لها كلام ثاني المهم إنا على طول بالبيت مخانقه عشان هالمبات لدرجه إن الجيران منزعجين منا وكل ما سمعونا نتخابط شغلوا لمبات سورهم نذاله .


وأبويه ماله شغله إلا اللمبات المسأله عنده مبدأ (طفها أول ماتتنام او تطلع منها )لاتفهمون من كلامي إن الوالد بخيل وخايف على الفاتوره بالعكس ابوي ماعليه خلاف علينا لكن اللمبات ماش تعود على كذا لدرجه إنا يوم رحنا مكه وطفنا ارتفع ضغطه لأن اللمبات واجد ومالها داعي ويوم طلعنا من الحرم إلى عمارة الملك قدامنا ويجي ابوي حساسيه بإصبعه وده يطفي كل لمبات القصر والله البلشه ألحين وش أسوي بالوالد على العموم حاولنا نهديه ونفهمه إن ذي بعيده عنه معد إلا هي يدخل عمارة الملك يطفي اللمبات وين شفتو هاذي؟!!






المهم نرجع لصلب الموضوع وهو أن أبوي متسلط علي بهاللمبات مابعد شافني إلا ويقول لي طف طف لدرجة إني صرت إذاشفته أجفي أخاف اطفي واشتهرنا عند الناس باللمبات لدرجة إني كل ما خطبت أحد ردوني تقول بنتهم أخاف أعيش بالظلام والله النشبه -يعني المشكله الصعبه-ما أحد يبيني ,ياليت ماعندنا لمبات ياحظهم منول مفتكين من اللمبات ماعندهم إلا فانوس واتريك بس تفتكرون لو إنا عايشين مثل اول أبوي بيقول طفوا التريك ؟؟ الله أعلم




وقمت أدعي بكل صلاه على إلي إخترع اللمبات يقولون إنه (جراهام امبل) الله يسمجه وش فيهم منول عاشوا بدون لمبات ما احلاهم وماضرهم .


ويوم من الأيام كنت جالس وكنت زعلان على الاخر طبعا فريقي ضيع البطوله ويدخل علي أبوي وأنا مايبي لي إلا من ينوشني وأنفجر-ينوشني يعني يلمسني بخفه أو يستثيرني -ويقول لي أبوي طف اللمبات ياللي ماتخاف الله البيت كله مشبوب ياللي ما تستحون وأقوم وأرد على أبوي وتجي مراده بن عزيز والغويد وش كبرها.



وأطلع من البيت زعلان وآوقف عند الباب وأحذف لمبات الجيران -نذاله- وأروح لشقة إخوياي العزوبيه وأجلس عندهم وأعلمهم إني قررت أعيش معهم قالوا يالله حيه بس لازم تقط معنا بالقطه قلت.أبشروا وتطبخ الغدا إذا جا يومك قلت :طيب .




حياة العزوبيه :اليوم الأول: قمت الصبح طبعا قومت روحي أول مره أحس بالمسؤليه إييه مافيه أمي تجرجرني وأطالع حولي إلى المكان يجيب الهم حوسه ودوسه ثياب مرميه يمين وشمال وأقوم وأدور ثوبي وألبسه وأروح للمطبخ وألقاه يصفر ما فيه ولا لقمه يالله المهم الراحه مافيه تطفات لمبات وبس وأروح الجامعه وأنا ذبحني الجوع أثره زفت وأنا مدري؟؟



المهم يوم رجعت الشقه إلى أبومرعي طابخ الغدا وكنه طاووس وخلاني ما أتغدا إلا لين يجون الزمره كلهم ويوم جو وانا خايس من الجوع قام أبومرعي وجاب الغدا وهنا كانت المصيبه الغدا إللي أنتظره من الصبح صار إندومي قلت: وش هالغدا قال: عاجبك كل وإن ماعجبك ما بنغصبك على الأقل توفر؟؟المهم اكلت وخليت العنطزه حقتي وانبسطت مع الشباب الدعوه وناسه والعشاتونه ! اليوم الثاني : الغدا على بن دوله ويتمنن علينا قبله بيوم وأجي أنا شهيتي مفتوحه وقبلها بطني للكبسه بس حسافه الرجال مسوي إندومي بس نكهه مختلفه على باله يغير شوي اكلت بدون ما أقول شي والعشا تونه واستمرت الحاله كذا حول إسبوع تصدقون خفت ينفطس خشمي من الإندومي انقلب اندنوسي عاد خلقه الخشم منفطس وأنا أتصبر على هالحاله,ويجي ذاك اليوم والغدا على بن مجدوع وكنت متوقع إنه إندومي زي العاده بس حسافه الدعوه من سيئ إلى أسوأ جا ومعه الغدا تعرفون وش الغدا؟؟؟؟؟

تونه ويوم قلت وش السالفه خبري التونه عشا وش صار قال لي: اسمعوا شباب الغاز انتهى والإندومي يكلفنا واجد التونه أرخص وأوفر وإلي عنده دراهم يفزع يقوم يجيب غاز وأبشروا بالإندومي المفلفل.
الشباب:حنا طفرانين ماعندنا إلا إللي يكفينا إلى الشهر الثاني ,وإضطرينا ناكل التونه غدا وعشا والشباب صارشخيرهم مثل صوت البساس والحاله بدت تصعب أثر العزوبيه بخه
ثيابي خاست وطفران ماعندي ولا قرش يعبرني إييه وينك يا كهلتي توكليني وتغسلين ثيابي وينك يابويه تملا بوكي دراهم
إييه ياحليلك وياحليل اللمبات


المهم الظاهر إن الحنين للأهل عاودني وقمت أتصرف مع الربع تصرفات لاإراديه قمت أطفي اللمبات المسأله عندي إدمان والشباب ماتعودوا على التطفي وزهقو مني انتقلت العدوى لي أطفي اللمبات وألبس ثيابهم لأن ثيابي كلها وسخه ومابعد تكيفت على الوضع أتعنطز عليهم وأتأمر بغداي وعشاي عاد ليته نافع من يوم جيتهم وانا آكل تونه وشقتهم تجيب المرض حوسه وريحتها تصرع الطير هم متعودين وأنا ماش عجزت أتعود .


حسيت بالندم وقررت أرجع البيت بس وش لون وأنا مزعل أبو لمبه (حبيبي ابويه ) وعشان لمبات إييه ليتني أطفي لمبات شوارع الرياض ولا آكل تونه والله المشكله وش لون أراضي الوالدألحين؟؟ أرجو منكم حل المشكله بسرعه قبل ما أنقلب (بسه) من هالتونه؟؟

منقول منقول ههههههه منقول.

اللي طرحوا مشاكلهم طمنونا وش صار معكم

الفكرة ممتازة جدا ولو تعرض المشكلة باسم مستعار يكون أفضل
منعا لإحراج صاحبها وأن من المؤيدين لذلك 0
أما من ناحية المشكلة المطروحة الآن فلابد من وجود أخصا ئي في علم الإجتماع ولكن
أرى إن هذه الفتاه وبكل بساطة إذا لأمها أخوات أوأخوان تشوف من فيهم له تأثير على
الوالده وتصارحه أوتصارحها بكل تفاصيله وتطلب التدخل بسرية تامه وبدون شوشره
وستحل المشكلة بإذن الله 0

شموخ أنثى
سلطان الحب
مس فيلينق

يعطيكم ألف عآفيه

و سن المراهقة سن صعب جداً على كل حآل
و فيه تهويل لأمور لاتستحق

بعد أن تكبري أختنا الكريمه
ستختلف نظرتك للأمور التي تتطلعين اليها الآن

في سن المراهقة كانت تمر بي مواقف بسيطة وأهولها وأعظمها
أذكر ان والدي كان اذا سألني غسلت أسناني والا لأ ..أزعل..!!
واذا عاتبني عتاب بسيط على علاماتي في أحد المواد في المدرسة <<<يومين ماأنام من الزعل!!!
وكأني أنتظر عتبه لأخلق مشكله وأكدر خاطري
الآن حين أستعيد الذكريات أضحك كثيراً أني أعطيت بعض الأمور مالا تستحق
و هذه المرحلة معروفة بحساسيتها الزاااااااااااااااائدة

انا على يقين ان كلماتك خرجت من باب العتب لا المواجهه..
ثقي تماماً انك رائعة حين لاتواجهين
لذلك سايري الأمور أكثر واصبري واحتسبي
لاتنظري الى من هم أعلى منك بل الى من هم دونك
والفراغ نعمة استغليها قدر الامكان
العقل البشري حين لايتم شغله بالايجابيات وبمايعود عليه بالفائده فانه حتماً سينشغل بمايضره
فلاتجعلي لوساوس النفس اليكِ سبيل

أسأل الله أن يفرج همك ويريح فؤادك

أهلاً بك أخي الكريم

بالنسبة لعرض المشكلة باسم مستعار فالحقيقة انها لاتعرض هنا باسم صاحب المشكله لأنه يرسلها الى ايميل القسم الموجود..

[email protected]

ومن ثم نقوم بنسخها ولصقها هُنا ومن ذلك لايعرف أحد صاحب المشكلة احتراماً لخصوصيته

أما كون أحد الأعضاء يكون مشترك معنا ثم يطرح مشكلته بمعرف مستعار فنحن لانشجع ذلك أبدا وما انشاء الايميل الا لدرء هذه الخطوة

شكراً لمرورك ومشاركتك
بارك الله فيك

اطلب نصيحه جديه /ارجو العقلانيه بالمشاركه .

اختي مطلقه وعندها ولد وبنت
لها عندي بالبيت سنتين
وقايم بواجبها على اكمل وجه ولا رديت لها طلب ....ومعززه ومكرمه والله العالم ماهو انتو.
المصيبه ان زوجها السابق دايم يرسل لي رسايل بالجوال يستسمح ويتندم ويبين خطاه وبكل وضوح
وحتى وصلت المواصيل انه يفنط لي تفاصيل اغلاط صارت منه وهي بيني وبينكم تافهه المهم ...انا قابلته وخصوصا اني اعرفه زين رجال بمعنى الكلمه واحزني انه وصل به المواصيل انه يكون حزين لفراق هالمسكينه اللي ما تقدر هالرجال .

قابلته وسمعت منه كل شي يدل على ان اختي غلطانه / واكتشفت ان اختي نمامه وسوت مشاكل مع اهله بشكل خبيث وحتى انا خجلت منه وتفا جأت ان اختي بهالصوره الخبيثه .
تصدقون اني حتى فكرت اني ما ارجعها له عشان انه ما يستاهلها الحيوانه.
المهم
تكلمت مع اختي في الموضوع بدون ما اقول لها عن التفاصيل الخبيثه اللي هي تسويها .وكل مره تقول اذا ما تبغاني اقعد معك ودني للديره عند ابويه وامي ولا ابغاك تكلمني في الرجوع له .

الغريب هي في بيت (فله ) بلحالها مع زوجها والاغرب اني اعرف انها تحب زوجها لآنه لما يجي ياخذ عياله يوم الآربعاء تكون متزبرقه وكنه بيشوفها .
الآغرب اني اسمعها تستجوب عيالها اذا رجعو وش اكلتو وش سوا ابوكم هو قالكم شي عني هو كان (ينعس) .
على فكره / انا اقدر اشكمها والعن خامسها / العائق الوحيد هو الوالده تلعنه ليل ونهار ولا قدرت استشف منها ليش .
انا مثل الآطرش في الزفه ولا ودي اسوي شي غلط /عطوني شور.ودمتم.
ملاحظه: يمكن ماقدرت اوصل بالكتابه الفكره ولاكن لمن يحب يستفسر انا جاهز وشكرا له.

موضوع رائع جدا الف شكر ريانه ..


بالنسبه لموضوع اختي الي طرحت مشكلتها مع اهلها .


حبيبتي اول شي واضح انك انسانه عاقله وفيك خير والله يزيدك من فضله والدليل انك ماتصرفتي تصرف طائش ورحتي من راسك ..

حى لو قلتي ماقلتي فهي ساعة غضب ..


حبيبتي مهما كانت مشكلتك صعبه تأكدي ومليون في الميه ان في اصعب منك ..

انتي لو بس جلستك ع النت هذي نعمه غيرك مايقدر يتواصل مع العالم الخارجي بأي وسيله تُعامل كأنها حيوان تكرمين .. ثانيا درستي ماشاء الله وهذي نعمه بعد .. من تكفل بكافة مصاريف دراستك من بديتي .. مو اهلك ؟؟
خرجتي شفتي السوق بعينك غيرك والله ماتعرفه ولا عينها شافته .. شفتي انك احسن من غيرك بكثير ..


اما بالنسبه لأهلك مااقدر اقول انك غلطانه لان فيه زي هذي النوعيات في مجتمعنا .. لربما انهم من الي ((واذا بشرأحدهم بالانثى ضل وجهه مسودا وهو كظيم )) يعني اذا اخوانك الباقين ذكور ستلاحظين الفرق . هذي مشكلتهم واكيد انهم غلطانين بس هذا مايعني ابدااا انك تخرجين من بيتك حبيبتي .. لا بالعكس تجلسين ولك حق زي مالهم .. تأكدي انك لو طلعتي الشارع والله ماتنرحمين ابد وراح تلاقين اسوأ من العيشه الي بتعيشنها .. مالك الا الصبر وان شاء الله ربي يرزقك بالزوج الصالح عاجلا غير اجل الي يعرف قيمتك ويعوضك يارب ..

وتأكدي بعد ان اثمهم عظييييييم وان الله ماراح يتركك لأنك مظلومه و اذا مانصرك في الدنيا راح ياخذ لك حقك في الاخره .وهو قالها سبحانه ( "وإن الظالمين لهم عذابٌ أليم ترى الظالمين مشفقين مما كسبوا وهو واقعٌ بهم")

اخر نصيحه لك حبيبتي وتأكدي ان والله قلبي معاك وان ادعي ان الله يفرج مابك ..

لا تدعين على اهلك مهما كان .. مو عشان شي بس عشان الاثم لا يلحقك .. اذا سار اي شي ومقهوره قولي حسبي الله فيكم ووكلي الله وهو اعلم بهم ..

وتعلقي بالله قد ماتقدرين والله راح تستغنين عن كل ماسواه وراح تلاحظين .. قوي صلتك بالله قد ماتقدرين خليه هو شغلك الشاغل ..

ارضيه بكل ماتستطعين حتى يرضى ومااحلى الشعور و مالك الملك راض عنك ..


ولو بغيتي اي شي راسليني ع الخاص تحت امرك واعتبريني اختك ..

بالنسبه للأخت المعجبه ..


اول شي. الشي الحلو انك عارفه انه غلط ومقتنعه بها الشي وتدورين حل وهذي نقطه ايجابيه وتاخذين نجمه عليها ..


ثانيا ولا تزعلين مني ترا والله انه من الفرااااااااااااااغ ..لازم تشغلين وقتك او راسك بما هو اهم اي شي مو شرط

تفكرين دراسه لا .دوري وراح تلقين ..

ربما انها فتره وتعدي . وربما انها تتطورالحاله وتبدين تراسلين وتنسين نفسك وبعدين تندمين تسيرين ماتحسين بنفسك الا تعلقتي تعلق مجنون وساعتها ماراح تفكرين هل الشي الي راح تسوينه صح او غلط ..


عموما ياحبيبتي حاولي تبعدين عن المنتدى وادعي ان الله يصرف قلبك ..

خليك فتره بعيده لين تحسين انك نسيتي ثمن ارجعي لا تنسين ..

واذا حسيتي ان الحاله لسا وممكن تتطور فخذي نصيحتي وابعدي تمااااااااما واعرفي ان قلبك اذا تعلق ماراح يصير في يدك ... خلي هالشي دايما في راسك ..

ودايما تذكري قصص بنات كثير كيف بدأو لطريق الغلط وين وصلوا .. والمشكله ان في البدايه تكون الوحده مو بالها ابداااااااااااا تغلط او توصل للمرحله الي هي فيها ..


والله يحفظك دايم ..