إعـــــــلان

**محمد مهدي ابراهيم** · Oct-22-2020, 10:47 AM

صياف

ينفك باب الخير للطرقـي وحظـه يقفلـه
درب الصحيح يدله العاقل ويخطيه الغشيـم

إليانقصت الكيـل والمكيـال قلنـا كملـه
حنا ترى ماعندنا فاصحا بنا خشم وخشيـم

**محمد مهدي ابراهيم** · Oct-22-2020, 10:48 AM

مستـور

بان الصحيح وكل رجال ٍ عرفنـا منزلـه
أحد ٍ حياته في شقا واحد ٍ حياته في نعيـم

اللي يبا كحل العيون يلـد يمـي واكحلـه
والاعلى قول المثل مافى الغريم الا الغريم

**محمد مهدي ابراهيم** · Oct-22-2020, 10:49 AM

صياف ومحمد بن جرشان

**محمد مهدي ابراهيم** · Oct-22-2020, 10:50 AM

مـحـمــد ابـــــن جــرشـــان

سلامي ردة "ن" عدلة بدايتها سـرور وخيـر
على روس الرجال اللي عريبـات مناسبهـا

انا الليلة باشب النار وارمي فاللهيب عميـر
مادام شداد ريمة من يدينـا فـوق غاربهـا

**محمد مهدي ابراهيم** · Oct-22-2020, 10:51 AM

صــــيــــاف الــحـــربـــي

الا يامرحبـا ترحيبـة تحـزم بظهـر بعيـر
وتنزل فالبلد واهل البلـد تعـرف مناصبهـا

تجر السانية والسانية طاحت بوسـط البيـر
وحنـا تحـت جـم البيـر مانقـدر نسيبهـا

**محمد مهدي ابراهيم** · Oct-22-2020, 10:51 AM

مـحـمــد ابـــــن جــرشـــان

انا شايفك راسك فالسما من يوم جيت عصير
لكن اعرف من انتة قبل تنشب في مناشبهـا

الوم اللي ليا شافك يطلـع مكـرة التصويـر
واثرة اللي يعرف الناس حاضرهـا وغايبهـا

**محمد مهدي ابراهيم** · Oct-22-2020, 10:52 AM

صــــيــــاف الــحـــربـــي

انا راسي طويل وروس خلق اللة لها تدبيـر
والا ياكـم لحيـة نابتـة قصيـت شاربهـا

على راسك عقال وطاح يوم انك نفخت الكير
ولا تنفعـك بندقـك القديـم اللـي تزهبهـا

**محمد مهدي ابراهيم** · Oct-22-2020, 10:53 AM

مـحـمــد ابـــــن جــرشـــان

اعس الكيس احسبة بر واثر الكيس فية شعير
وايدينك ماتقص الا العلـوم اللـي تربربهـا

عقالي ما يطيح اكبر عليكم من جبـال النيـر
ياراع الوزرة اللي من زمـان العـام قالبهـا

**محمد مهدي ابراهيم** · Oct-22-2020, 10:54 AM

صــــيــــاف الــحـــربـــي

شهد لك واحد ضاري على التضليل والتزوير
نطحت القوم وانت صغير ماتقـدر تحاربهـا

على راسك سمعت الصوت بالتهليل والتكبير
ياراع المشلح اللي جبتهـا والمـا مخربهـا

**محمد مهدي ابراهيم** · Oct-22-2020, 10:55 AM

مـحـمــد ابـــــن جــرشـــان

مدحك العام مطلق وانتفخ راسك من التكبيـر
وحنا نعرفك حـي تعـاف البيـت واحلبهـا

تسعر لك علوم مالهـا فـي سوقنـا تسعيـر
لكن ارجع على اللي في العطل تبني تجاربهـا

**محمد مهدي ابراهيم** · Oct-22-2020, 10:56 AM

صــــيــــاف الــحـــربـــي

لو انك حر عقلك معتـدل حررتهـا تحريـر
لكنـك للعجينـة بالسنـون اللـي تركبـهـا

والا ياطير ياللي في سمانا ماتعـرف اتطيـر
لكنـك روح دور للجحـور اللـي تخشبهـا

**محمد مهدي ابراهيم** · Oct-22-2020, 10:57 AM

مـحـمــد ابـــــن جــرشـــان

انا لاجيت اقمر خبزتـك فـي نارنـا تقميـر
لقيت مقمـع يابـو سـدادة ماتصيـب ابهـا

لكن اليا ركزت خشيمك الازعر دهنا السيـر
ما اشح بحاجة مثلك ليا سيمـت يشـح بهـا

**محمد مهدي ابراهيم** · Oct-22-2020, 10:57 AM

صــــيــــاف الــحـــربـــي

زمان العام في سوق تربة سمرتكـم تسميـر
يشيبـون الاوادم والبقـوم انـا مشيبـهـا

تمسك بالطريـق الزيـن لا لفـة ولاتدويـر
بسلـم النـاس صاحبنـا ونفسـك لاتعذبهـا

**محمد مهدي ابراهيم** · Oct-22-2020, 10:58 AM

مـحـمــد ابـــــن جــرشـــان

زمان العام في سوق تربة شال الحمول العير
ياراع الساعة اللي كسر الصاغـي عقاربهـا

يابو حوتة تخمرها لورعـك لارقـد تخميـر
الك نية والك حجة على غيـري تحـج بهـا

**محمد مهدي ابراهيم** · Oct-22-2020, 10:59 AM

صياف واحمد الناصر

إعـــــــلان

مجلس ابو سلطان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق