تويت
جزاكم الله خيرا
-
-
تعليق
-
.
عادت الذكرى ومرتني طيوف
طيفها العابر شغل فكري وفات
ياربيع العمر يا زين الوصوف
ي اجمل ايامي على مر الحياة
لويطول الوقت وسنينه تطووف
مانسيتك رغم كل المعطيات
كيف ابنسى نظرة الريم الخشوف
في خيالي وين ما راحت وجات
ليتها تدري عن الحال وتشوف
كيف خلاني هواها في شتات
وليتها توصل مضامين الحروف
كلما سجيت في عذب الصفات
ياحبيبي كيف خانتنا الظروف
وانتهينا في كشوف الذكريات
واختفت شمس المحبه بالكسوف
وانتحر حلم المواصل في سكات
عبدالله سليمان
.تعليق
-
.
بعد صدور قرار الغاء العلاوات والبدلات لعام 1438
حنا معك يابو فهد في لين والا في قسا
من وين ما وجهتنا آمر وحنا جاهزين
اوامرك ياسيدي ع الروس تيجان وكسا
سمعاً وطاعه للقرار اللي صدر ومؤيدين
في كل راي نأيدك من دون لاعل او عسا
انت الامام وواجبه طاعة امام المسلمين
هذا الوطن واغلا وطن بقلوبنا حبه رسا
حب وولا مزروع من عهد الجدود الاولين
لجله نبيع ارواحنا من غير هم ولا اسا
بموالنا وارواحنا نفدي تراب الح ا رمين
مانستمع للحاقد اللي ينفث السم ايخسا
ما زاد فينا الا ثقه وشموخ واصرار ويقين
خذنا سيوف مجرده وافلق بنا روس انجسا
طهر بقاع الارض من رجس الطغاة المفسدين
من عرعر الي نجد لا جيزان لا بعد الحسا
حدد مسار القافله وابشر بنا في كل حين
عبدالله سليمان
.تعليق
-
.
يدور الوقت وتدور الليالي والفلك دوار
ومركبنا على بحر الأماني تايه وحاير
تسييرنا مجاديف الحياه ويطول المشوار
نجاهد والقدر فينا يصول بسيفه الغاير
دروس الوقت في عصر التبللد حيير الشطار
توسلّنـــا عيون المســأله واحساسنـا بـاير
خدعنا السامري بعجل حسنه يلفت الانظار
وسلمنا مهمــــات الدروس لخصمنا الجاير
عبدالله سليمان
.تعليق
-
.
حسبي على نجلا العيون اللي رمت قلبي وطاح
طارت مع سرب القطا وانا احسب انها في يدي
مرحوم ياحلمن رماه الحظ في وجه الرياح
اقفت به ارياح الزمان وضاع حلمي واجهدي
عبدالله سليمان
.تعليق
-
وجدت نفسي أتجول بين أقوال كريمة وعبارات جميله
مدونة رائعة كروعة صاحبها ..
كل الامنيات بالتوفيق والسعادة الدائمة والسرور المستمر .تعليق
-
.
ما عاد لي في بنك الاحباب مخزون
وقف عطاهم فالظروف العصيبه
جرو شلافيهم مع اللي يجرون
وستنزفو دم العطا بالغصيبه
أبني جدار الود . وتهده ضنون
واضحك لهمي كذب والكذب خيبه
يا ذا الزمن وش عاد من سر مكنون
شفت العجايب ف السنين العجيبه
الصاحب اللي ذاخره للزمن عون
اقفى وخــلاني بحـاله كئيبه
طاوع ظنون ابليس وابليس ملعون
يوقد بجوف الصدر نار ٍ لهيبه
زادت همومي والمصايب يزيدون
مدري قدر وإلا عقاب وضريبه
عبدالله سليمان
.تعليق
-
.
يا معدم الاموال لا هنت لا هنت
اطلق حجاجك لا تولاك الاحزان
الفقر ماهو عيب لو سبه اددنت
دام الوفا ما بين داين ومندان
العيب لا ربك عطاك وتمككنت
والضيف ما يعرف لملفاك عنوان
العيب لا ناطحك خصم وتجبنت
بالذات لا مس الكرامه والاوطان
العيب لا منك على النمه ادمنت
شغلك يقول افلان وفلان وفلان
والعيب لا ناداك واجب ولا بنت
والكفو لا منه دعا الواجب يبان
هذي عيوب في الرجاجيل والا انت
تكرم وراسك في السما يا كحيلان
عبدالله سليمان
...تعليق
-
-
صح بدنك ياغالي.تعليق
-
.
لاصار ما عندك على النفس مقدور
واطلقتها تمشي كذا في عماها
لا تعتذر في الاخره مانت معذور
يوم النفوس معاقبه من خطاها
.تعليق
-
.
قتيل روسي يشغل الشرق والغرب
ضجت به الاخبار في كل رادي
والمسلمين تموت بالشنق والضرب
والآف تقتل في حلب شي عادي !
عبدالله
.تعليق
-
اليوم انا معكم وبكره مولي
والكل له يوم ن يلاقي مصيره
ياسعد من يختم حياته مصلي
والطيب له تذكار في كل سيره
.تعليق
-
تركتني ما بين بعدك وقربك
مثل الضرير اللي مضيع عصاته
انا اللي احرقته بنيران حربك
وانا الشهيد اللي تشييع رفاته
عبدالله
.تعليق
تعليق