.



ياشمس وينـك طــول الليـــل طلـي
طلي بفجرك غـربل الليـل ساريـه

فعيوني الغـدرى ونـورك ضياً لي
وبقلبي اللهفه لشـوفـك وطـــاريه

ابطى مجيّـك والحـراوي تملـي
للـدار وحشه والبطى له مشاريه

القـلـب يشكي والمـدامع تهـلي
والحال من عقب المواليـف زاريه

يا صـاحبي ذا هجر والا تغلـي
ما تروي البستان يوم انت ذاريـه

رحلت عن عيني ولااشفيت غلي
والليل لي عاده بصحبـة قماريـه

هجرك ضما بسبابه القـلب علّي
يامنبع اعيـانه وروضة صحاريه

متـى يبـين النـور يا ليـــل يالي
لا غابت انواره تبسم ضـواريه

الجسم من زود العنـا مضمحلي
والحال تطويه الليـالي وتهريه

واللي حياته بين نـارين تصلي
ما حس من بالظل في حر ناريه

من غاب زولك يا بعد كل من لي
جيش الهموم اسكن بقـلبي شباريه

وان شفت زولك طاير السعد هلي
ياحي ذاك الزول ياحي طاريه

صابر عـلى الهجران والصبر ملي
شوفك بنـارالشـوق لازلت حاريه

وان كان شـوف اشراقتك ماحصلي
ببيــع قلبي لو في الناس شاريه

يا شمس وينك طـول الليل طلـي
ليـل ٍ بهيـم وغربلـتـنا غـداريـه


..... خاتمــه ......

تكفون مروبي علــى دار خـــلي
والا اخبروني عن ديـاره ونا اجيه

خلوني اشوفه واذا مـــا حصـــلي
اموت حول الدار والا حواليـــــه

والا بموت من القهر في محــلي
وارتاح من هم الفراق وبــلاويه

خلوه يتحقـق منى قلبــــي اللي
هالحظ ما حقق حلومه وامانيه


عبدالله الشغيبي



.

.



عيني من النـــوم محـروومه
محرووم والنــــاس تهنا به

سجيت والنفس مضـيـومه
من جرح الاحباب منصابه

قـمـت اكتب ابيات منظـومه
واشــد في البـيت واطــنـابه

هاجس سرى واخذ له حومه
طير ٍ هوى الصيـد مخلابه

جتني هجوس الهــوى زومه
والشوق لي هز مشـــعـابه

وانا انشـد القـلب والـــومه
منـدوب الاشواق وش جابه

جــاوبني النـفـس مكلـومه
والجرح ما فـادت اطبــابه

صورته في القلب مرسومه
وتعطــر انفـاسي اطيـابه

ورده.. وفـله ..ويشـمـوومه
تسري مع الروح منســابه

وازيــدك اليـوم معــلـومه
امــوت انا فيـه واحيـابه

وانا اللي اصحاه وانـومه
طيفه معـي واتسـلى بـه

بعض الغلا تبطي وسومه
ويعيش ما عاشـوا اصحابه

بصبر على البعـد وسمومه
دام الرجـا .. في تقــرّابه

وان راح .. كلن ومقسـومه
حكم المقــدر ..رضيـنـابه



عبدالله الشغيبي




.

.



سكر الخــط يكفــي مــا جــرى سكّر
وامســح الرقــم من شـــاشة تلفوونك

لا تحـــاول تـعـيــد الجــــرح متشـكّر
روح دور عـلى غــــيري يســلـونـك

تو قلبـــك يحــــس وتــــــــوّك تفــكّر
ان بـــين الاوادم نــــــــاس يغـلوونك

كان طبعـــك حلو واحــلى من السـكّر
كنت مثل الذهب ما يختـــــلف لوونك

لين غــيرت طـبعــــك قمت تتنـــــكر
تحسب اني بموت ان عشت من دونك

لا تكلمـــــــــت قـلـت الجـــو متعـكّر
ما مـعـك وقت والا اهـلك ينـــــادونك

كم تحمـلـت كـــم حــــــــاولت وتذكّر
كم تقبلـتـهــــا من خنجــر طعــــونك

لا تحـــاول تـعـيــد الجــــرح متشـكّر
روح دور عـلى غــــيري يســلـونـك

سكّـر الخــط يكـفـي ما جـرى ســكّر
واحذف الرقـــم من شــــاشة تلفوك



عبدالله الشغيبي




.

ممبدع دائم سوي كان في المنتديات او في الملتقيات انت رجل جمعت بين الاخلاق والادب والشعر لك اطيب التحيات

مرحبلــــــــي ملايين بالشغيبي جبل مايهزك ريح
الله يسعد مساكـــــ من ملفاك لملقاك يالاجودي

ابدعــــــــت للثماله منور ياخوي دوماً تمتعنا بجمال بوحك الراقي وابياتك العذبه
ارق تحيه معطره بالعود والمسك والعنبر🌹🌹🌹🌹

حياك الله اخوي سعيد وتشرفت بمرورك واطراؤك الذي اعتز وافتخر به
اعزنا الله واياك واكرمنا بالجنه .. شكرا استاذي الكريم ودمت بخير









.

مرحبا مليون بالغاليه بروق الماس

واسعدني وشرفني مرورك واطراؤك المشرف وانتي منبع الابداع بارك الله فيك

شكرا لا تفي ايتها الوفيه كل التحايا والتقدير لسموك





.

اللهم صل وسلم على سيدنا محمد

.

اللهم صل وسلم وزد وبارك على نبينا محمد وعلى اله وصحبه اجمعين
جزاك الله خير يابو شبيلي ومرحبا بك .

.

.



صباح الورد والجوري صباح المسك والريحان
صبــاح الخير يا أجمل قصيـــده في خيالاتي

صباحك يشرح الخاطر ونورك يجلي الاحزان
ويصبح من تصبّــح بـك كريم الكف والذاتي

هلابك يا عنـاي ويا هنـاي ويا منــاي ازمان
هلا بك يا دوى جرحي القديم وبلسم اهاتي

غذيتك شهــد يبري علتي ويـــداوي الحرمان
يزيـل الهــــم ويخفـف .. بمفعــوله معـاناتي

رويتك من قراح السلسبيــل وخافقي ضميان
بعد ما خمني مخلب ضمـــاك وجرّح الهاتي

ربيتك في بساتين الغلا قمري على الاغصان
يغرد بعذب الالحــــان في شاسع محيطاتي

ونصبتك على قلبي اميره بيـــدها السلطان
على كيفك يدار الحــكم واعلنت انتمائاتي

وسكنتك عيوني للابــــــد ياقرة الاعياني
اشوف ان الحياه اجمل وانتي فـ اتجاهاتي



عبدالله الشغيبي




.

الله يسعد كل إيامك
ويسلم نبضك وأحساسك
مااجملك شاعرنا الانيق وما اعذب حرفك الصادق
لك كل التحايا

ويسعد ايامك ولياليك اختي شهريه

واشكرك على اطراؤك العذب والمشرّف وهذا من ذوقك الراقي

لا هنتي على مرورك الجميل .. لك اطيب الامنيات

ولسموك / احترامي وتقديري




.

اللهم صل وسلم على سيدنا محمد

.



محاورات مع الشاعر جبل هادا (حمود الاسمري )

الـبـدع / حمود الاسمري (جبل هادا)

يـا سلامـي لصافيـن الـنـوى والقصـيـد
يامـن بسـيـرة اصـحـاب الـوفـا يقـتـدون
من يشل العصا والسيف ماهوزماني
و الـمثـايل نورّدها علـى كــيــفــنــا



الرد/ عبدالله الشغيبي (النهاوي)

مرحبا في محلك يا زبون القصيد
والبشر من سدور المعرفه يقتدون
لا تقول الزمن لا ضاق ماهو زماني
لا تثنت عزومك من علا كيفنا


البدع : حمود الاسمري

البقاء يالنهاوي وانت شاعر وسيد
جارك الله من اللي فالخفى يلمزون
عندنا غير علم البارحة علم ثاني
شد حيلك ورد العلم يا سيدنا


الرد /عبدالله الشغيبي

مد عينك وبعّـد عن غثاهم وسيد
وش بهم يرجمونك يا شبيه المزون
خذ دروب اليمين ومحزمك ع المثاني
ارتفع بالجمايل وامش في سيدنا



البدع : حمود الاسمري

خيب الله سعي اهل الجهل والهبيد
ما درينا متى اهل الجهل ياخيتمون
يا نهاوي و سيف المعرفة يلمعاني
ودي الذيب ناوي له و ياويلنا

الرد/ عبدالله الشغيبي
الجهل له سمي في عصرنا وله بيد
بت علمك ولا تهتم ياخي تمون
واكس بنت الهلاليه حجاب المعاني
لا تقول من سيوف العذل ياويلنا

الــبــدع : حمود الاسمري
اينحـن نكـرم الفايـت ونـوفـي الحـديـد
ما تـرون الدنـى والشيـن يامـن تجـون
يوم نقل البنادق والعصي والقناوي
الـبيارق لـنا و المدح يـاخي لـــنــا


الـرد / عبدالله الشغيبي

ما يقيم البناء ويشده الا الحديد
لا تغشون في الاسواق يا منتجون
انشد العارفه واهل الكتب والقناوي
البيارق واهلها في حمى خيلنا


البدع / حمود الاسمري
يا مهندم تعال امع الطريق العبيد
لا تخليني ابدّل جميلي بدون
مبغي انصح ضليل العقل وانهر..جباني
العلوم السمينة .. والدواهي لنا


الرد /عبدالله الشغيبي

للمواقف رجال وللحنادي عبيد
لا تساوم وجيبك ياعميلي بدون
بان شغل السيوف الحدب والهرج باني
فزت اقوى خيولك من دوى هيلنا


البدع : حمود الاسمري

القوافي نسيرها على ما نريد
واتخاضع لها روس وتمايل عيون
انت تنشي كلام ابمنطقً فيلساني
ما معك قوةّ وقوتّك من عندنا


الــرد/عبدالله الشغيبي

لاتحد العواصف وانت ياغصن ريد
ياكم لناسن ضمي ورهت ماي العيون
يالله انك تقدي كلمتن في لساني
لا تطيح الوجيه بكف من عندنا



.

الـبــدع : حمود الاسمري (جبل هـادا)

يالـشـاعـر الـلي يـحـكّم مـنـطقـة والغـواه
انـا معـك لاتقـول القصـد والمسـرى فيـن
و اوعدك ما يلحقك شـرهه ولا شي خطر
الرجـل ما يـوجعه يـا كود هـرج الـعـمـد
والكـلمـة الـوافـيـه يـسعـد مـساء امـيرها


الرد / عبدالله الشغيبي

يالله تباعد دروبي عن دروب الغـــــواه
أهل المعاصي وخبث الذات والمسرفين
الله يا كم غنـــــي فللس وكم شيــخ طر
انشد بدورك وســــــاع المعرفة والعمد
مراكب أهل الهــوى وشهي مساميرها



محاوره اخرى مع حمود الاسمري (جبل هادا)



الـبـدع / جبل هادا
ياسلام الله لدار الوفـى درع الجنـوب
جيت لك يا استاذ طلاب ماجيت الك رام
سيفي الحكمة وبه حد ما معنـاي فـات
يا مدير القصر خل المداوي والحواجب
قل سيـدك المنـاوب يجـاري ولفنـا

&

الرد / عبدالله الشغيبي
مرحبا ياسيف ساطي ويادرع الجنوب
ما تشوف الا الكرامات لا جيت الكرام
نبني ونزرع غروس النخل مع نايفات
واجب انا يا جبل نكرم الضيفان واجب
في دواوين القصور العظيمه ولفنا

&

البدع / جبل هادا
ياصبي زهران جيناك من وسع الدروب
فكرنا شبّاب هات الجمل وابليـس نـام
مادرينا راعـي البندقيـة فيـن بـات ؟
والله اني يالشغيبي من اتلى الناس عاجب
ليـش عافونـا وصـدو وعافـو ودنـا

&

الرد / عبدالله الشغيبي
الشغيبي قال عندي جمل حادي دروب
لو تشوفه قايد القافله و ابلي سنام
كيف اعلق بندقي والمشاكل في نبات
دون نفسي حد سيف ٍ ودون العين حاجب
نجزي الجاني بجرمه وهـو ما ودنا

&

البدع / جبل هادا
الهدف يا راعي القوس في مخطي وصوب؟
ساعة المح صاحبـي ينثنـي وايـام قـام
والصقر لاشاف صيدة كفخ واهبـه رفـات
ياسهيل النجم كل(ن) وقف يبصرك شاجب
ليش ضيك يختلف عـن ضـواة انجومنـا


&

الرد / عبدالله الشغيبي
لو تجي من كل حدب ٍ تحاذفني وصوب
ما انثنى ساق ٍ تعود على العليا مقام
انت تحكم ظلم والا الوجوه معرفات ؟
واجب ان الشيخ يبدي دليل الحكم واجب
بعض حكام العرب جايره وان جو منى

&

البدع / جبل هادا
الحديد الصلب لا جاء القبس ضلا ذياب
مايفيدة زود سعرة ولو هو شي خـام ؟
والقلم لو ضخ حبرة فاكيد الموج عـات
ما لفيت الا وانا بالسطور البيض معجب
ودي اميز وسام البـدو عـن وسمنـا؟

&

الرد / عبدالله الشغيبي
لا تحدر سيل تهوي عوت فيه الذياب
والحديد الصلب شيّد قصور بشي رخام
القبس يطفى وتهوي سيوله موجعات
كم فجر سيله مزارع وكم وديان مع جب
اسم تهوي فوق كل الاسامي وسمنا







الـــبــدع : جـبــل هــادا (حمود الاسمري )
كــل شـخـصً يـمـيـز فـــي حـكــى الـقــوم مـــا عـدا..تـلـوف
م يـحــرّف هــروج الــصدق حــتـى لــــو ان المـر.حـبـى.بـه
ولا يــنـــافـــق ولا يــنـقـــل كــلام الــرذيـــلـــة والــغـــيـــاب
والــذي رميـتـه فــي راس خصـمـه لـهـا تجـريـم .. صـايــب
رمــيـــة(ن) م تـبـث الـعـظــم بـــثّـــان ما هــــــي وافـــيـــه
بــنــدقً م يـخـلّــد ضـربــتــه ف الــهـــدف م ابـغـي..رقـيـمـة
اجـــزعـــو عـن مـنـاقلــت الـمـقــمّــع ومــنقــال الـفـتــيــل
يــــوم للـبـنـدقـة ضـــربً يــفــت الـصـفــى والـنـاس..قـلّــه
م انسى صفق الكند في روس الاعداء ولا انسى قتلها



الرد / عبدالله الشغيبي ( المعنى عن رمضان)

مرحبا يا بشير الخـــير والمغفـــــرة عدات ألوف
ليــــل هليت كلن قــــــــال حي الكريم ومرحبا به
والقـــلوب استهلت من خبر جيتـــــك بعد الغياب
غير بالله لامن شفت في جــــونا تجري مصايب
لا تعوود على روس ن في الجــــد مـــاهي وافيه
من رضي بالمهونه عاش طول الزمان بغير قيمه
حسبك الله يا موهــــن ذراع الشـــــريعه بالفتيل
كان في ما مضى نكــسر عيون العدا والناس قلة
ناس ماتعطــــي الكفـــــار كلمه ولا انساقت لها




.

الـبــدع/ علي الـمـنـبـحي
قالو السيف سيف وقالو الغمد غير
وكـل سـيـفٍ بلـيـا غـمـد ماهوبسـيـف
لاكــن اخـتـار مـنـهـا واحـــده يالـنـهـاوي
ماتـهـا مــن قـنـاهـا وان لـبــس مـاتـهـا

الـرد/ الـمـنـبـحـي
حـــيالله شـاعــرٍ جـابـ القـصـايـد مـغـيــر
احسـب انــه بـحـر مايردعـونـه بسـيـف
كل شاعر وقف فالحفل للفن هاوي
مــاوقــف لــجــل يـتـلـفــت لبـسـمـاتـهـا




البدع / عبدالله الشغيبي
كل عامن نشوف المنبحي بالف خير
شاعرن يسقف المبنى وقصده شريف
مثل سمحان في البيدا يمد الخطاوي
واكثر العيس تعجبني بوقفاتها

الرد/ عبدالله الشغيبي
كل ربعي سيوف وفخرللي باخير
شف لهم في صروح المجد بوب وشريف
قل لذا يعترض درب النمر بالخطاوي
كم جمالن وسوم النمر بقفاتها


البدع/ المنبحي
الذي مايمر امن السهل والعسير
لو وصفناه بين الناس ماله وصيف
حتى فالطب يارجال ماله مداوي
مابيلحق عليها الفي مصي فاتها

الرد/ المنبحي
يامسافر تصيف في ضواحي عسير
مالك ومال هذا الناس صيف وصيف
وان كان انك تعبة امن السفر والمداوي
لاتعنا ولاتلفي مصيفاتها




البدع / عبد الله الشغيبي
أي سهل وصعب اية وصف يآخ طير
انتم اكبر رتبة ٍ في الجيش كله .. عريف
ياتهى لا تجادلني بزور الفتاوي
وانت في حزة الوقفه ورى ياتها

الرد/ عبدالله الشغيبي
انت لولا الثقافه كنت شاعر خطير
والا يمكن تكون على القبيله عريف
يوم تنطح بوهن العظم زند الفتاوي
ترفع اعلام قيفانك وراياتها




البدع / علي المنبحي
يالنهاوي قلوب الناس منا فطير
مابنقبل ضعيف العقل ولا الخريف
وانت فاهم وانا ماني مدور عزاوي
انتسم يالسنافي في جنيفاتها

الرد / علي المنبحي
ودك ياظيفنا نعطيك منسف فطير
بر ماهو من ايام الشتا والخريف
سيس البني عالسيسان تلقا عزاوي
واترك الُي يطامر في جنيفاتها




البدع / عبدالله الشغيبي
لا تجاهل قبيلك خل عندك ضمير
مالكبر والتعالي خل قلبك نظيف
امنا ما تحيقرت الرفيق المخاوي
لو تحدتني الدنيا بميلاتها


الرد/عبدالله الشغيبي
راعي التمر ما تطلع غروسه ضمير
والذي مد لي بالسمن شهدن نظيف
ليت من ينزل الميدان والعزم خاوي
احتزب للمسافه قبل ميلاتها


الـبـدع/علي الـمــنـبـحـي
انــا مـاردنــي يــاكــود طـول الـسـفـيـر
ماهي كبره عليك ولاهي منا صريف
لاكـــن ابننـتـظـر حـتــا تـبـيــن الـهـقــاوي
حــجــتـك بــيــنـــه ولا انــت ولـفــتـهــا

الـرد/ علي المـنـبـحــي
انــــت ياضـيـفـنـا مــرســول ولاسـفــيــر
شمـخ النيـب عالـحـدان والـهـا صـريـف
ان كان انك نويت بظلعنا واله قاوي
ردعـالــنــاس تـو الـنـاس ولا افـتهـا


البدع / عبدالله الشغيبي
من بدا الحرب نحتده بحد الشطير
والمسالم رقينابه على نهج نيف
نخرج الدر ونشيّد عظيم البناوي
واكثر الناس ما نعلم بنياتها

الرد /عبدالله الشغيبي
طير يا طاير المعنى من العش طير
لك في الشام قصر وقصر لك في جنيف
خص لا لاح براق المخيله بناوي
جيت بفكار مجنونه بنياتها


البدع/ المنبحي
انق منقا ثريا وانق منقا عبير
ثم جنب عن السندا وخلك ضريف
قبل ما نلوي المعنا علا الجنب لاوي
غيرك ياكم وكم نشفت حليقاتها

الرد/ المنبحي
من يجيب الرها لناس من قاع بير
ومن يودي الرسايل كلها فالضريف
الله يكفيك يارجال شر البلاوي
واهل صنعا تدور في حلي قاتها



البدع / عبدالله الشغيبي
لا تحدى العوادي وانت عادك بعير
تعسفك يمكن انك تندعس بالخفيف
انشد اللي وسمت وما لقا له مداوي
شف وسومي على خده علاماتها

الرد/ عبدالله الشغيبي
اوصفك بالجمال وماوصفتك بعير
وانت شاعر وعيبك فيك قلبن خفيف
لو رميتك بسهمي من بعيد المداوي
تظهر المدرسه ناتج علاماتها




الـبـدع/ الـمـنبـحي
يالله يـالـواحد الـعـلام وانـت الـقـديــر
جـمـل المنبـحـي مـن لابـتــه والحـلـيـف
انــت مـن ربـعـنـا يـــاذاك ولا شـــواوي
وانـكـانــك جـبـتـهـا نـعـطـيــك بـيـزاتــهــا

الـرد/ المنـبحـي
لاتــظيـع الـمـروه لايــظـيـع الـقــديـــر
بعـدهـا مــا بنـرظـا لــو بتـحلـف حلـيـف
نربطك راس عود ونحرقك بالشواوي
الــقــلــوب الـخـفـيـفــه مـن لـبـيـزاتها




.