.



مشكله لا نا شبـــك واحـد غثاه
لا معـه شيمـه ولا لـه مذهبـي

يا يحـدك صــوب شيئً ٍ ما تبــاه
يا يجي ف النفـس ما لا ترغبي

الردى من ساسه لراسه كساه
وان وصفـته كل سيـــه تكتبي

لو تقــول آبـدّبه والعــن ثــواه
والنتيجه ما تعــادل مكسبي

المشاكل جتك من كـــل اتجاه
والقضيه معك تاكل . تشربي

احلم احلم واحذر ابليس وخطاه
واذكر المولى وصل على النبي

كم مريض ن عادني ليلة بلاه
والبس الحكمه لباس اهل العبي

اتغيفل عنــــه وعيــوني نبــاه
واتغيبى له وانـا مــاني غبي

لو على كيفي لقلبي قلت هاه
وارقصي ياجن راسي والعبي

غير ياكثر المصايب من وراه
والشجاعه فالتحــكم بغضبي

احقره هذا دوى الجاهل وداه
واتركه في نار حقده يلهبي

الذي قيمتك ترفــع مستـواه
لا ترفّــع قيمته باللي يبي

وان تعدى الخط الاحمر في حكاه
علمه كيف الحديد ليا شبي

صك باب العذر وازهد فا الحياه
دق خشمه لين يحبي لك حبي


عبدالله الشغيبي



.

.




ياللي بقلبـــك من عنا الوقت دافور
عــلّه ولا ظـنيـت تلــقـى دواهــــا

اشقيت نفسك بين طيب ومغرور
تضحك مع الدنيا وتجهل خفاهـا

والله لو تركض بمدفع وشرشور
تطرد شـــواردها وتلهث وراها

ما تـــــاخذ الا رزق للعبد مقدور
لو تسبق وحوش الفلا في فلاها

وحش الطمع لا عاش بالنفس مسعور
شــــوّه محاسنهـا وقـلل حيــاها

طماع لو تملك ملايين وقصور
ما تكتفي نفســك وهذا هواها

لكن روّضها عن الصور والعور
اكل الربا والغش واللي سواها

ما اقول لا تسعى مع طلعت النور
اسعى في الدنيا وكل من جناها

اسعى لرزقك واجتنب كل محضور
وانفق على اهلك دوم واكسب رضاها

اكسب حلال العيش لاتلف وتدور
واكبح جموح النفس عن مبتغاها

واذا انت مالك في مقاليدها شور
واطلقتها تمشي كذا في عماها

لا تعتذر في الاخره ما انت معذور
يوم النفوس معاقبه من خطاها

في يومها والساق حاير ومبتور
والنفس دمعك والندم مانجاها

شف غيرك من الناس في لرض مقبور
اقـفى وعـينه ما تحقـق منـاها

اخذ العبر والمعتبر شخص منصور
قبل الوقوع اقدى لعينه مداها

ترى القناعه كنز واصل الطمع زور
والله كفيل ن بالبشر ما نساها

لا امسيت راضي طيب النفس مستور
كنك ملكت الارض واللي علاها

هذي نصيحه باخذها ما انت مجبور
واللي يناصح للبشر ما وزاها

دنيا الزوال اشتر بها جنة الحور
واحذر تبيع الدين بسباب داها


عبدالله الشغيبي




.

.




سألتك بالذي شع الكواكب في دجا الغساق
سالتك بالـذي نحـتـاجه وماله بنــا حـاجه


سألتك تقفل ابواب الهوى يا قلبي المشتاق
وعز النفس عن ذل الهوى وتجنب احراجه


بغيتك ملتزم ومسمّح النييه من الاعمـاق
على الدين السوي تتبع تعاليمه ومنهاجه


ترى الدين التزام وفي تعاليمه ادب واخلاق
فلا تخدعك ضحكات الغشيم وفلة حجاجه


ولا يخدعك رمشن للقـلوب الغـافـله سـراق
ولا يخدعك فلمن من فنون ابليس واخراجه


غرقنا بالمحيط ولا تدووور للنجـــاة اطواق
سجينن بين غبات اللجاج وصفعة امواجه


متى يا قلب تقنع من هواك وتطفي الاشواق
تعبت اناشـدك والنفس مهرة خيـل دواجه


كفايه واذكر كفوف الزمان وكم عطاك طراق
كفاك اللي خذيته من مطــاريقه وكربـاجه


خلقنا الله نطيعه وارسل المبعوث فينا اشراق
بنور الحق شمس ٍ في رحاب الكون وهاجه


على هم السنين وضيقتن في الصدر ما تنطاق
ابعقل نفسي القشرا واعيـد الوضع لدراجه



عبدالله الشغيبي



.

.


انــــا والليــــل و القمــــــرا
ودمعة عـــــين مسكوبــــــه

قضينــا ليـــل في ذكـــــــرى
ذنوب اكثـــــــار محسوبـــه

ذكرت النــــار والجـمــــــرا
وحد ســـــراط وكـلــــوبـــه

ووادي ويــل في سقــــــرا
على العــــــــاصين مكتوبه

ذكـرت وهلت العبـــــــــرا
وقلبــــي ينـوي التـــوبـــه


عبدالله الشغيبي



.

.




محاوره مع الشاعر الخيال



البدع /الخيّال


تعنيت قبل ايام الى ديرة الشغبــــــــــــان
ولاقيت عبدالله مغادر ماهو فيهــــــــــــا

وشفت العضاه الخضروجه على الشفيان
نضوب الضوامي في الورق وين ساقيهـا

وصفّر من الفاقة ومالت به الاغصـــــان
عليها شبوك ن شايكة ما اقدر اجيهـــــــا

وقفت اتأملها مع الذود والرعيـــــــــــــان
عسى الناوي الهمال والغيث يرويهـــــــا



الرد / عبدالله الشغيبي

هلا مرحبـــا ترحيبــة الراضي الزعـلان
هلا بالعميـــل اللي نوايــــاه مخفيــــــها

لوانه وصلني علمكــم جيت لك طـــربان
كسبتك صديـق وخــوة الكفـــو نشــريها

نعز الرفيــــق الذرب ونكرررم الضيفان
عوايـــــد من ارث اجــدادنا ما نخليــها

نكررم نزيه النفــس ونـــداوي الجـربان
ولحيـّـه نرفّعهــــا ولحيــّه نوطيـــــها

غروس النوايف دونها سيــف ابو حدان
تموت الغروس وما انحنى راس يحميها

ترى اهون عليه يموت فوق الشفا ضميان
ولا لد صـــوب الحنظـله والتفت ليـــها



البدع /الخيال

بقا يا مرحب والتراحيب من سفطـــــــــان
بيوت الكرم مدهال سبحان مرسيهــــــــــا

نويت ارضي الزعلان من بهجة الرضوان
واسلم على روسن تصالب نواصيهـــــــــا

نزور الكرام اللي لهم في عربهم شــــــــان
مثيلك وشرواك اعتزي في مواريهــــــــا

ولي عندكم ياشيخ رفقة ولي صدقــــــــان
عسى الله يديم اللابة الله يخليهــــــــــــــا

اذا دندن الحراب ثبوا لك الشجعــــــــــــان
وحوش ن كواسرفاتكات ن عواديهـــــــــا

اذا قامت الرايات وتزلزل الميــــــــــــــدان
سهام الحمى لو تعطي القوس باريهــــــــا



الرد/عبد الله الشغيبي

تقوله طناخة راس يالشاعر البطـــران
تعيش الديار اللي تحامى ضـــــواريها

تحلى بلبس الطيب لانك وسيع بطـان
وبلقرن نفخر وانتشـــرف بطــــاريها

ومن بعدها بنشدك عن هجرة السكان
علام العرب هجت عن اقصور تبنيها

قصور ٍ تشيّد والمباني على السيسان
في الديره اللي وعرهــا حد اهاليها

بعد ما لقوا في البر متنفس وسلوان
كثير انصرف عنها ولاعـــاد يبغيـها

خساره نشوف الفرق با ثنينهـم شتان
وهذي حقيـــــقه مــا تمنيت الاقـيــها


البدع / الخيال

هلا يا عريب الاصـــل يا ثابت الاركـان
قوي العزوم وفــــايت الروس يدنيهـــــا

ودعوى الشغيبي عزوة الحجز والتهمـان
صلاب المراس وكربة ن يامعاديهــــا

وتنشد عن الهجرة وش اللي بلى العربان
وهجمات سبتمبربلتنا بلاويهــــــــــــــا

وحلت على صدام واتولت الافغـــــــان
عسى الله يستر ما بقي من تواليهـــــا

وانا وانت يالغالي على الموجبات اخوان
نشد الزنود وطاعة الله نبديهــــــــــا

عسى الله يديم الامن في ساير الاوطـان
ويحمي بلاد المملكة من شوانيهــــــا



الرد / عبدالله الشغيبي

لنا الطيب والتقوى هدف والصيود سمان
صيــــود الرجـــال اللي بعيده مراميـــها

تحزم بمزهابــك وانا بــاوزن النيشــــان
وهجومات سبتمبر خســـاره لراعيــــها

مثل هجمة الرحـــاله فليب ماجــــلان
غزا المسلمين ومــات مقتــول بيديـها

ومن عاش في مصر الجديده بها حلمان
وحلميّتك يا مصـــر طابت لياليـــــها

ترى السوق غالي والسلع غاليات اثمان
ولا كل سلعه في لقـــا الناس تغريـها

ولا كل من غاص البحر يخرج المرجان
ولاكل من يرمي على الصيد يدميــها


البدع /الخيــال

تحركت مالمصمك والبيك يادسمـــــــان
وكل الجحافل شاركت من مراميهــــــا

سحبنا شوارسكوف وجنود الامريكـــان
وجتنا البوارج زاحفة من مراسيهـــــــا

وقاد المعارك واحتوى الوضع بن سلطان
وهبت هبوب العاصفة من يجاريهــــــــا

مدافع وطيارات صار الفضا مليــــــــان
صواريخ فيها وابل الموت نرميهـــــــــا

سحقنا هل الفتنة ولا نقبل العــــــــدوان
وعادت لنا دار ال جابر بما فيهــــــــــــا

اذا نبنا جارن وعاني وطبل جــــــــــان
كتوف ن نربتها وروس ن بنكويهـــــــا


الرد/عبدالله الشغيبي


ذكرت الصحيح وعاد لي هاجـــس الاحزان
تذكّــرت مـــدات الفهــــد يـــوم يوفــيــها

يقولـــون ربعك ذاقــن الويل والحـرمــــان
ونـيرانهــم ما غــيرك احــــدن يطفيــهــــا

فشرّع لهم بوب الكـــرامه ومــــد وعـــان
يحن اليتـــاما والمســاكـــين يـــأويهــــــا

لفونا على الطايف بروق وسحب وامزان
ديارن جميـــــله والـــودق عم اراضيهــا

وهم باول المــده يعـــانون في خيطــــان
سموم الهجــــير وحيّتن غصب تبكيهـــا

فلا تطري القــوات والحرب والنـــيران
لك الله لــــولا بوش ما كــان نبـديهــــا




....................



.



.


.

البدع الخيال
من أم القرى أوجه لك الوزن والقيفان
سلام وصباح الخير ياصادق النية

سلامً مثيل الشهد من حالي القرصان
قطعها على حاله من الكال في فيه

وباقة من الورد الندي فايق الألوان
وقبلة على رأسك مودة وحبية

جنوبي رحل عن ديرته ودع الخلان
وحط الرحال وديرة الكفو شرقية

الرد الشغيبي


هلا مرحبا بك عد ما هلت إلا مزان
وعادت غروس الأرض من موتها حيه

هلا عد ما سجيت يالشاعر البطران
هلا بالذي سيرته بالخير مطريه

تشيد القصايد والمباني على السيسان
وفي حبكة المضمون ميه على ميه

زيارتك من طيب الجنى با رفيع الشأن
زيارة نفوس ن عن دنا الكبر منهيه

وانا اقدر الونعم ولي خاطرن شفقان
على خوة ن ماهي على الغش مبنيه




.

.



ثالثاً -- (القصائد الغزليه)




يامذهــله ياللي تربعـــتي على عـــــــرش الجمــال
يا اغـــلا ملاك (ن) في رحاب الكون كله واجمله

انتي لحــــالك مملكة للحســن و اســــراف الدلال
ياتـــاج راس الحســـن يا ذروة سنـــــامه واكمله

احرقتي قلــــوب النســا حـــيرتي عقـــول الرجال
سويتـــي اللي ما تســــويه السيـــــوف المصقله

من شــــــاهدك لد النــظر لو كان في يــوم القتال
ما عــــاد همه غير شوفــــــــك لو عـدوه جنـدله

ذبحتي العشـــــاق بسهــــــــوم المهاديب الطـوال
الناعســــات الســـاحرات الفــــاتنـات المسبـله

الورد يتبـسم بوجــنـــــه كالبـــــدر ليـلة كمـــــال
واللي يشـــوف التوت من فـوق الأآلي يشـغــله

لا ذعذع الغـربي تثـنى غصــنـك المـايس ومــال
العـين مالت والـقـلوب مـــــــع العيـون مميــــله

صدفه لمحتك وانكوى قلبي ودمـع العين ســـال
كني كسير السـاق في ممشــــاي ياكـود انقــــله

دخلت من بـاب الصــدف واقفيت من باب المحال
شرعت في بحــــر الهـوى واثر اليخـوت مطــوله

غرقت بامواج البحــر وانتي على شـــط الرمـال
الطــــوق بيــدينـك وانا ميت غــرق .. اتأمــــله

امسيت حالم والفكـــر يبنيك من نســــج الخيــال
واصبحت ماعنـــدي خيـــال الا لقـــاك اتخيـــله

فرشـت لك عين وهـدب .. فينــي ولا قلتي تعـال
مديت قلــــبي للطعــون .. وكـل جـرح اتحـمــله

جيتك وانا كلي الـم ما جيت لك من طيب حـــال
جيتـك عيـــوني من صواديف الليــالي مهمـله

جيت اتوقا عن سمـوم القيض وابني بك ظــلال
جيت اخـذ لجـرهد زمـاني من حنانك بوصــــله

جيت اطوي ابعاد المسافه شوق عاشق للوصـال
جيت انصر الخفاق من جور السنين الممحـــله

اسرفتي بصــــدك وانا ما عـاد بي قو احتمـــــال
الي متى بصبر على جمـر المفـارق والـــــوله

غرست لك بذرة وفـا لين اثمرة والغصن طـــال
واسقيتني من كـف يمنـــاك السـمـوم مهيــــله

حتى الامـل ذابت شمـوعه في دياجـير الليــــال
الي مـتى تبــــكي دياجـــيرالامــــل يامذهــــله





عبدالله الشغيبي



.

.



بيتك هنـا في خافقــي وين حليت
قصر ٍبنيته في خفوقي زهـى بك

حبـك عذاب ومنتهى الحـب حبيت
عاشــق عيـونك ما تخيـل عذابـك

كم تهت في صحرا غرامـك وعانيت
اطرد على خيـــل الامــاني سرابك

ويـاكم على شانك سهرت وتعنيت
ابكي على صدر الزمن في غيــابك

ان قلت من حبــك نسيـت وتعــافيت
جابك لي الهوجـاس والشـوق جـابك

واذا دعــاني داعـى الشـوق صديت
خـذلت قلـبن قــدركـ وانـتـخــا بك

انده عليك ولاحصــــل يوم رديت
وارسل مراسيلي ولا القى جوابك

ليه الصـدود .. وفي حنـاني تربيت
قلبي بدا بـك في الهوى وانتهى بك

العام تمطر لي سحابك .. وهليت
واليوم مـدري وين تمطـر سحابك

يا انكـ نسـيت العهـد والا تنـاسيت
والا الهـوى غـرك وغـير حسابك

تعــال واسعـف قلبـي اللي تبليت
والا يمــوت من القهـر عند بابك



عبدالله الشغيبي





.

.




اشـتـقـتـلك حيـــل وينـك يـا معنينـي
طول غيـــابـك وضيعنـا عناوينـك

سنين والصــوت ما يلقـى مجـيـبـيـني
سنين اناديك ما تسمع منادينك

نســيتي العـهـــد وانـــك ما تخلــيني
وين العهود القديمه بيني وبينك

ان كان حال القــدر ما بينــك وبينــي
الله يصـبر على الفـرقى محبينك

وان كان قلبك هوى غيري وناسيني
معنــاته انك قتلت القلب بيــدينك

يا جارح القلب بعد الجرح داويني
ودواه نظره تعيــد مشــــاهدة زينك

ارجي لنـظره وحيــده منك تحييني
من قبل يمض العمر بزكى رياحينك

انطر بعين الرجى من حيـن لاحينـي
متى يعــود الفـــرح لعيـون مغلينـك

يدعيني الشوق والوجـــدان يدعينـي
وطيــور فكــري تحلق فـي بساتينـك

اذا طرى هاجـس الذكــرى يسليني
اهيم فوق السحاب بماضي سنينك

واذا صـــرخ فيني الواقــع يصحيني
انظر لحــظ الـردى واقـــول ياشينك

واذكر زمانن مضى في عــام للفيني
ما تغمض العين لو ما عانقت عينك

واليوم مر لغيــابك عشـــرة اسنينـي
لا شفت زولك ولا جتنــي براهينك

الله يوفقـك فـ الدنيــــــا وفـي الدينـي
وعسى السعاده شعار ٍ في ميادينـك

لوغبت ماغاب طيفك عن نظر عيني
اسلا مع طيفك العــــابر الـى حينـك


عبدالله الشغيبي




.

.



سـلام يـا نرجسـه مشروبـهـا سلسبـيـل
يااللـي تنفـس صبـاح الخيـر مـن فمـهـا

يابسمة الفجر بين اهداب خضر النخيـل
يـا نـور لاشـع فـي الدنيـا جــلا عتمـهـا

يا كليــوبترا مصـر مـدري بثينـة جميـل
يا شوق عين ٍ جفــاها النوم ما ضمهــا

يـا دندنـة بيتهوفـن يــا الـكـلام الجـزيـل
يـا نرجسيـة عيـون الطـفـل يــا حلمـهـا

يا اجمل احساس عشته يالعذاب الجميل
يا حد شلفـــا بقلبـي غـــاير ٍ وسمـهــا

يـا بلسـم الجـرح والا يـا عـلاج العليـل
بيـدك تزيـل الـجـروح ويختـفـي همـهـا

ياغصن بـان ٍ مـع النسمـه يهـز ويميـل
يـا م الجدايـل ذهـب والعيـن عيـن المهـا

العين عين المها والخشم حـد الصقيـل
واللي تشوفــك تغير وينحــرق دمــهـا

يا بنت وصفك خيـال الا بعـد مستحيـل
لانـك مـلاك القلـوب وطاغـيـة ظلمـهـا

صدفه لقيتك وانا طرقي وعابـر سبيـل
الا وقلـبـي ضـحـيـة عـيـنـك وسهـمـهـا

وعود عرقـوب طــالت وانتظـاري طويل
نفسي على مـا تشوفـه مختلـف عزمهـا

صابـر وليـل المواجـع مـا بـدالـه بـديـل
يـاكـود هـمــن يـحــد الـــروح ويـدمّـهـا

الـيـوم ثـانـي سـنـه صابرولـيـل ٍ بلـيـل
اسامـر الليلـه الـلـي مــا غرب نجمهـا

هــذي قضـيـه نـــدّور حـلهـا والـدلـيـل
واناشــد النرجسه تهتـم فـي حسمـهـا

واذا تغلّـت علـي اعلنـت عنهـا الرحـيـل
رحـلـت واكبر جريمه سجلت باسمهــا


عبدالله الشغيبي




.

.



انا لا جيت بفــرح يا زمـــاني
لقيت ان الفرح مــاله مكاني

تعاودني هموم الوقت وابقى
على نفس الشعــور الأولاني

سمحـك الله يا مصــدر همومي
وسبة جرح قلبي وامتحـاني

عسى ايامك تعمّرها السعاده
وانا يكفيني اللي منك جاني

تحملت العنى من جور ظلمك
سنين اسايرك واصبر واعاني

اداري زلتـك والمس ظروفك
اثارك ماخــذ الحب امتهاني

افيض من العطا لك وانت تبخل
ضميتك وانت تروى من حناني

غمرتـك حب واسكنتـك عيوني
وفضلتك على الغيد الحساني

وجـــازيت المحبـه بالخيـانه
هدمت اللي بنيته في ثواني

انا كيف ابتسم وارضي غرورك
وجرح الغدر ينزف بالمحاني

توكل روح وارحل عن حياتي
كفايه ظلم ماجـاني كفـاني

واذا عانيت من ذكرى غرامك
عفا الله عنك يا سيد الغواني

على صيد الهوى هد الجوارح
ودور لك ضحيـه قلب ثــاني

وانا لك عهد مني ما نسيتـك
تغيب وصورتك داخـل كيـاني


عبدالله الشغيبي



.

.



مرّت علي عامين والـــــــــزاد سمّي
عفت الكرى والزاد من حــــول عامين

بلليـــــل يغـفى كـل طـــرف ٍ يضمي
في هجعــتـه تغـفى عيـــون الملايين

وانا مع الهوجـــــــــاس لامـر ٍمهمي
نسهر طـــوال الليـــــل والناس غافين

ارحـــل عن الواقـــــــع بكيفي وكَـمي
واسري مع الهاجس ولا ادري على وين

وان عـــــاد ليـل الحـيره المــدلهـمي
الدمــع غيـــــمه والمشـــاعر براكين

اذكر غــــــلاه وصــــورته دوم يـمي
واذكر محطــــات الزمن والميــــادين

وقتن مضـــى لي والفــرح مـا يتمـي
جاورت فيه النرجســــــه والريـاحيـن

احيــــان اضم الورد واحيـــان اشمي
واحيان اغرد في ريـــاض البساتيـن

واليوم يا صــبري ويـا كــبـر همـي
عايش مع الحرمان واشكي من البين

حظي وبدّل فرحــــــة العمـر غمي
والحال ماهو حـــال يا حظي الشين

خمّـتني اصـروف المقــاديـر خمـي
حكم القدر يقلب جميــــع الموازيـن

والضيقه اللي دمت الصــــدر دمّـي
طول الفــــراق ومالقينــا العناويين

اخفي هــــواه ويفضــح السر فمي
انا اشهد ان اهل المحبــــه مجانين

ماللهوى بصدور الاحبــــاب زمـي
لو يخفي العشّـاق تفضحهـم العيـن



عبدالله الشغيبي



.

.



اشتقت لك واشتاق لك واعشقك دوم
واحرص عـلى لقيـاك با يـة طريقه

في غيبتك ما غــاب طيفك ولا يوم
طيفن رسمنــي بين حــلم وحقيـقه

نقضي ليالينا سهر . شعر . وحلوم
انا وطيفـك . والهجـوس . الطليقه

اي والله افقد شوفتـك واجفي النوم
وابكي على اطلال السنين العتيقه

العين عن وجه القمـر تسأل نجوم
والنفس في بحر الامــاني غريقه

ودام الغـلا ما بيينـا الـبين مقسوم
العهـد بــاقي والـعـــلاقـه وثيـقه

يا قضمة السكر . يكيـكه . وحلقوم
يا نفحة الشـانيل . وارقى . رقيقه

يبقى لــثر حبــك علامات ووسوم
في سجة العاشق وسعده وضيقه

صك الغلا في خزنة القلب مختوم
ومدونه باسم الجــروح العميقه



عبدالله الشغيبي





.

.





الا يا وجد حالي وجد من دمعه ذرف همـال
غرير ٍ فارق امه لا معه صاحـب ولا والـي

على فرقى وليف ٍ له في اقصى خافقي منزال
من اسبابه لذيـذ النـوم طاف وما تهيالـي

خياله ما يفارق هاجسي في الحل والترحـال
هموم وغربله واحـزان في حلي وترحالـي

اقول مع الصبر يمكن يجي بعد الفراق وصال
واسلي خاطري لاقلت بيعود الفـرح تالـي

وتاخذني جنون الشوق للوقفه على الاطـلال
بدون اشعور تأخذني لذكرى حيّها الخالـي

اجي واروح وعيوني على الابواب والاقفـال
اناظر والخيـال يعيد ذكـرى شوفـة الغالـي

تذكرت العيون السود والمبسم ولف الشال
على وجنه كما بدر اكتمل ما يضوي الا لـي

و ثغر ٍ لا ابتسم فرق الثنـايا تذهـل العقّـال
واذا شافه خفيف العقل طير عقلـه الخالـي

اذا سلهم برمش العين قلبي باتجاهـه مـال
على ما طوح النظره خفوقي معـه ميالـي

واذا لد النظر صوّب لقلبي رمشـه القتـال
انا المقتول واعشق يا عذولي سهم قتالـي

رمتني بالسهوم وصوبتني لين دمـي سـال
وانا من بعدها لاني صحيح ولانـي بسالـي

هنوف ٍلا مشى وجـل ٍ سريع الخطوه وبتـال
شبيه الجـازي اللي ما يصيده سهـم بتالـي

صغيرالسن واهداب العيون الناعسات ظـلال
وشرطان الذهب تسدل على المتنين شلالـي

اناظر جيدها واحسد عليه العقـد والسلسـال
اناظر واذكر الله كل ما حـد النظـر طالـي

هي الفتنه ولا يقوى على طغيانهـا رجـال
ولا انجب مثلها بين الاوادم صلـب رجالـي

رفيعة مستوى بالعيب ماتحكي بهـا العـذال
عفيفه ماتعرض للـردى والقيـل والقالـي

يحقلها على كل البنـات بحسنهـا تختـال
قلوب الغيد لا شافت حلاها تشعل اشعالي



عبدالله الشغيبي





.

.




حبيبي .. وين عنوانك رحلت وضاعت الارقام
تعبت ادورك عــامين من ديــــره الي ديـــره

سألت بحيّـــك الاول شهــور وحفيـت الاقــدام
سألت النــاس قالوا ناقل من اعــوام في غيره

انا ادري ماتخون العهد لكن للظروف احكام
وانا لك عهد مني بالوفـا والســــر تضمـيره

ترى سيف الغدر يحكم على قلب المحب اعدام
اذا بعــد الوفــاء والعهـد تغــــدر يالله الخيره

هنا حبك تقلدته على صـدر الخفــوق وســـام
وقلبي خــــابره لا حب واحـــــد صعب تغييره

اشوف اللي شغل فكري على ديبــاجة الاوهام
من اول واقـعي روّح بقلبي لآخــــــر الحيره

حياتي في الهوى راحت اماني ضايعه واحلام
اماني ضايعــــه والحـــلم ما حصّلت تفسيره

حبيبي كانت عيـــونه تســولف لي قبل لا ينام
بهمس الرمش يتكــــلم وتطــــربني تعـابيره

غديت بغـيـبـتـه عني رفيق الحـرف والاقلام
وانا ماهمني لا صــار طيّب والسعـد طـيره

نذرت الشعر ينصر خافــــق ٍ حلّت به الالام
على متن القصيد اعزف نغم حرفي وتصويره




عبدالله الشغيبي






.

.




كـــل مـــا زولـــك عـلــى بــالــي خــطــــر
ثـــــارت الــذكـــرى عــلى نـهـرالــدمــوع

وانـحـدر مـــن حـجــر عـيـنـي وانـهـمــــر
نـهــر يـجــري مـــن بـراكـيـن الـضـلــوع

مــن يعـيـش الـحــب يضـنـيـه الـهـجــــــر
والـمـواصــل بـلـســم الـقـلــب الــجــزوع

دارت ايــامــي عــلــى جــفــن الـســهــــر
من غروب الشمس الي وقت الطــــــلوع

مـامــعــي غـــيـــر الــتــوجــد والــصــبر
والامــــل تــضوي ديـاجــيــره شــمـــوع

يـاربـيــع العـمـرعـشـت اجــمـــل عــمـــر
لـيــت عـذبــات الـلـيـالـي فــــي رجــــوع

انـت ِ مثـل البـــــدر فـي نـصف الشـهــــر
لا تـجـلـى الـبـــدر فـــي عـــز الـسـطـوع

مـاهــوى قـلـبـي ســـواك مــــن الـبـشــر
ولا ســواك الـلـي لــه الـخـافـق يـطـــوع

لـــو صـدفـنـي ريـــــم غـضـيـت الـنـظــر
عــن جمـيـع الغـيــد انــا شـوفـي قـنـوع

يــا هــوى المـجـروح يـــا عـــذب الدرر
يا فريـــد الحسن يـــا زيـــن الـطـبـوع

جـــت بــنــا الـصـدفــه وفـرقـنــا الــقــدر
والـقـدر نـرضـى بحكـمـه فــي خـضـوع



عبدالله الشغيبي





.